ჰოლივუდის ოქროს ხანის მსახიობი, "ქარწაღებულნის" ვარსკვლავი, 104 წლის ასაკში გარდაიცვალა

ოლივია დე ჰევილენდი, "ქარწაღებულნის" ვარსკვლავი და ჰოლივუდის ოქროს ხანის მსახიობი 104 წლის ასაკში გარდაიცვალა. ამის შესახებ BBC წერს. მსახიობი 1960 წლიდან პარიზში ცხოვრობდა.

აღსანიშნავია, რომ "ქარწაღებულნის" მსახიობებიდან ის ერთადერთი ცოცხლად დარჩენილი მსახიობი იყო, რომელსაც 104 წელი 2 ივლისს შეუსრულდა.

ლეგენდად ქცეულ ფილმში ის მელანი ჰამილტონის როლს ასრულებდა. გარდა აღნიშნული ფილმისა, მას 50-მდე კინოსურათში აქვს მონაწილეობა მიღებული და ორჯერ კინოსამყაროს მთავარი ჯილდო, ოსკარიც მიიღო.