რატომ გახდა მადონა შუკაკიძე ჭარბი წონის გამო ბულინგის მსხვერპლი

31 წლის მადონა შუკაკიძე უკვე 10 წელია, რაც ჭარბ წონას ებრძვის. მან წონაში მატება პირველი მშობიარობის შემდეგ, ჰორმონალური პრეპარატების მიღების შემდეგ დაიწყო. დროთა განმავლობაში კი მისი სხეულის მასა 65 კგ-დან 196 კილოგრამამდე გაიზარდა.

10 წლის განმავლობაში მადონამ უამრავი დიეტა, ვარჯიში, ექიმი და კვების რეჟიმის დაცვა სცადა, თუმცა ინტერნეტში ნაპოვნი თუ სპეციალისტების მიერ შედგენილი დიეტების საშუალებით ის მხოლოდ რამდენიმე კილოგრამს იკლებდა, შემდეგ კი ისევ ძველ წონას უბრუნდებოდა.

ჯანმრთელობის მდგომარეობიდან გამომდინარე, მადონა გამუდმებით იტარებს სხვადასხვა სახის ანალიზებს, მუდმივად ექიმების მეთვალყურეობის ქვეშაა. წლების განმავლობაში მისთვის რთული იყო ღამე დაძინება, რადგან სისხლში ქოლესტერინის მაღალი მაჩვენებელი სუნთქვისა და მოსვენების საშუალებას არ აძლევდა. ხერხემალზე კი დიდი დატვირთვის გამო აწუხებდა აუტანელი ტკივილები.

ორი წლის წინ მან გადაწყვიტა კიდევ ერთხელ ეცადა დიეტის დაცვა და ამჯერად ენერჯი დიეტის 25 დღიანი კურსი შეიძინა. თავდაპირველად მადონამ ჯერ 8 კგ., შემდეგ 15 კგ. 5 თვის განმავლობაში კი ზედმეტი 40 კილოგრამი მოიშორა. შედეგით კმაყოფილია, ენერჯი დიეტის დაბალანსებული საკვების მიღებას დღესაც აგრძელებს და ამბობს, რომ სასურველ მიზანს ნელ-ნელა უახლოვდება.

“რამდენიმე თვეა, რაც სიცოცხლის ხალისი დამიბრუნდა. საკუთარ ოჯახზე მე ვზრუნავ, ყოველი დღის გათენება მიხარია, ლაშქრობებშიც კი დავდივარ და არანაირი დისკომფორტი არ მექმნება. ყოველდღიურ რეჟიმში ვრთავ ფეისბუქ ლაივს და ჩემს მაყურებლებთან ერთად ვიღებ კოქტეილებს. ორი წელია, რაც ამ რეჟიმში ვარ და ყოველ დღე ვგრძნობ, როგორ მიუმჯობესდება ჯანმრელობის მდგომარეობა. მომიწესრიგდა ძილი, ქოლესტერინის დონე სისხლში და კვების რეჟიმი. წონაში ვიკლებ სტრესის გარეშე და ამასვე ვურჩევ ჩემს მომხმარებელს” - მას შემდეგ, რაც მადონამ Energy Diet Smart-ის შედეგები საკუთარ თავზე გამოსცადა, გადაწყვიტა, პროდუქტისთვის რეკომენდაცია გაეწია.

მისი ერთ-ერთი მომხმარებელი, 71 წლის ქალია, რომელიც ჭარბ წონასთან ერთად მაღალ წნევასაც უჩიოდა. 25 დღეში მან 10 კგ. დაიკლო და მოეხსნა ჯანმრთელობის პრობლემები.

“ ენერჯი დიეტამ გარდა იმისა, რომ ჯანმრთელობა მაჩუქა, ასევე ძალიან ძირფასი მეგობრები შემძინა, ამ პროგრამის მეშვეობით ჩემს ირგვლივ სანდო ადამიანები არიან, რომელთა გვერდში დგომის იმედიც ნამდვილად მაქვს. თუმცა, სოციალურ სივრცეში ხშირია ჩემი ბულინგი, შეურაცხყოფა და გინებაც კი, როგორც პირად შეტყობინებაში, ასევე საჯაროდ, მრავალათასიან ჯგუფებში. მე მხოლოდ ის არ მესმის, ვის რას ვუშავებ, თუკი ჭარბი წონა მაქვს? ეს ხომ მხოლოდ ჩემი პრობლემაა, აუცილებელია, ადამიანებს გული ვატკინოთ და მხოლოდ იმიტომ ვაკადროთ საშინელი სიტყვები, რომ ის სილამაზის საერთაშორისო სტანდარტებს არ აკმაყოფილებს? რამდენიმე დღის წინ ერთმა ბაბუის ტოლა კაცმა ძალიან მწარე მესიჯები მომწერა. მაგინებდა და მლაძღავდა, მხოლოდ ჩემი ვიზუალის გამო. დავინტერესდი, გადავედი მის პროფილზე და ვნახე, თუ როგორ ესიყვარულებოდა შვილიშვილებს. მეც ხომ ვიღაცის შვილი, შვილიშვილი, დედა და ცოლი ვარ? მეც ხომ მყავს ოჯახის წევრები, მამაჩემზეც ძალიან მოქმედებს, როდესაც ჩემი მისამართით დაწერილ ცუდ კომენტარებს კითხულობს. ადამიანები მალე მიყვარდება, თუმცა ასევე ძალიან მალე მწყინს მათგან ყველაფერი. ჩემი სურვილი იქნებოდა, დავუდგეთ ერთმანეთს გვერდით, ძალისხმევითა და შრომით კი აუცილებლად მივაღწევთ ნებისმიერ დასახულ მიზანს.”

მადონას მიმართ განსაკუთრებული ბულინგი და ზეწოლა მას შემდეგ დაიწყო, რაც ენერჯი დიეტის შესახებ სოციალურ ქსელში ნეგატიური კამპანია აგორდა. ისიც სწორედ ამ გარემოებას უკავშირებს იმ შეურაცყოფას სოციალურ ქსელში, რომელიც მისი მისამართით იყო როგორც კომენტარების, ასევე პირადი შეტყობინებების სახით.

“ენით აღუწერელ სიტყვებს მწერდნენ. უშვერი სიტყვებით ილანძღებოდნენ და ბრალს მდებდნენ თითქოს ვწამლავდი ხალხს ფულის სანაცვლოდ. ძირითადად, ყალბი ექაუნთებიდან მწერდნენ და აკომენტარებდნენ, რომ მათი პოვნა შეუძლებელი ყოფილიყო. ვაპირებდი სამართალდამცავებისთვისაც მიმემართა, რომ ბულინგის მსხვერპლი ვიყავი და დაეწყოთ გამოძება, რათა დამედგინა ვინ იმალებოდა ამ ყალბი ექაუნთების უკან.

ძალიან ცუდად ვგრძნობდი თავს, თუმცა მაინც არ ვჩერდებოდი. მინდოდა ყველასთვის გამეზიარებინა ის ბედნიერება, რომელიც ენერჯი დიეტამ მომიტანა. ყველას ვუზიარებდი ჩემს შედეგებს ყოველდღიური ლაივებით თუ ფოტოებით როგორ ვიკლებდი წონაში.

ყველა იმ ადამიანისთვის, რომელიც ჭარბ წონას ებრძვის იცის თუ რა დონის სტრესია ჭარბწონიანობა. რამდენად რთულია დიეტის დაცვა და ყველაფრის ზედმიწევნით შესრულება, რომ შედეგს მიაღწიო. მე ეს შევძელი და მინდოდა ყველასთვის გამეზიარებინა ეს ბედნიერება. ერთ-ერთ არხზე რამოდენიმე გადაცემაც კი მიუძღვნა ერთ-ერთა ცნობილმა ჟურნალისტმა, რასაც გაოგნებული ვუყურებდი. “არ გარისკოთ”, “მომწამვლელია” და უამრავი საფუძველსმოკლებული რამ იყო ნათქვამი. ადამიანები დღემდე შეცდომაშია შეყვანილი და მართლაც რომ მავნე დიეტებს მიმართავენ.

მადონას თქმით ის დაუღალავად გააგძელებს თავისი შედეგების შესახებ საჯაროდ ისაუბროს და პირადი Facebook გვერდზე იყოს აქტიური, რათა არ მისცეს ყალბ ექაუნთებს ამოფარებულ არაკეთილსინდისიერ ადამიანებს სხვები შეიყვანონ შეცდომაში.