"მატნელებმა ქათამი გაიტანეს და პანკისელებმა ამის გამო სცემეს" - ხეობაში დაპირისპირების დეტალები

პანკისში ხეობის შესასვლელთან პოლიციაა მობილიზებული. ამის მიზეზი ქისტებსა და სოფელ მატანის მაცხოვრებლებს შორის მომხდარი დაპირისპირებაა.

მატნელები ხეობაში მცხოვრები ახალგაზრდებისგან ბოდიშის მოხდას ითხოვენ, სხვა შემთხვევაში კი პანკისთან დამაკავშირებელი საავტომობილო გზის გადაკეტვას აპირებენ.

მათ შორის დაპირისპირება წუხელ დაიწყო, როდესაც მატნელი ახალგაზრდები ხადორიდან ბრუნდებოდნენ. "ტვ პირველის" ინფორმაციით, მათ გზაზე ქათამი გაიტანეს. ამის შემდეგ ქისტებმა 4 მატნელი ახალგაზრდა სცემეს. სწორედ ამის გამო ითხოვენ ისინი ქისტების მხრიდან ბოდიშის მოხდას.

ადგილზე ამ წუთებში ვითარებას სრულად აკონტროლებენ სამართალდამცველები და პრობლემის მოგვარებას ცდილობენ.