ქალი, რომელსაც გარდაბანში დაუდასტურდა კორონავირუსი, რუსთავის აგრარულ ბაზარში ვაჭრობდა

ambebi.ge-ისთვის ცნობილი გახდა, რომ ერთ-ერთი ქალბატონი, რომელსაც გარდაბნის რაიონის სოფელ ბირლიკში კორონავირუსი დაუდასტურდა, რუსთავის აგრარულ ბაზარში ვაჭრობდა.

ილგარ მურადოვი, სოფლის რწმუნებული:

- გუშინ გარდაბნის რაიონში, სოფელ ბირლიკში მცხოვრებ ქალბატონს მართლაც დაუდასტურდა კორონავირუსი, ვისგანაც შემდგომ მისი მეუღლე და ასევე მისი ძმა და რძალი დაინფიცირდნენ. სოფელში ჯერჯერობით ეს ოთხი დადასტურებული შემთხვევაა. არ ვიცი, მას კიდევ რამდენ ადამიანთან ჰქონდა კონტაქტი, ან ვინ იყო პირველწყარო. ეს ქალბატონი რუსთავის აგრალურ ბაზარში მუშაობდა და არ არის გამორიცხული, სხვა დაინფიცირებულებიც გამოჩნდნენ. დღეს ტესტირება კეთდება სოფელში და დანარჩენი ტესტირების შემდეგ გამოჩნდება.