შსს-ს ცენტრალური კრიმინალური პოლიციის დეპარტამენტის უფროსმა, მამუკა ჭელიძემ ახსნა, რატომ ვერ იპოვეს სამართალდამცველებმა თამარ ბაჩალიაშვილის ავტომობილი დროულად.
როგორც მან შსს-ში გამართულ ბრიფინგზე აღნიშნა, მათ იმოქმედეს ჭკვიანი კამერებისა და გამოკითხული მოქალაქეების მიერ მითითებული ადგილებით და სწორედ იქ ეძებდნენ გოგონას და მის ავტომანქანას.
"დილით დაახლოებით 10 საათზე ბაჩალეშვილი გავიდა სახლიდან, დაახლოებით 20 წუთში ფიქსირდება ხაიშში ჭკვიანი კამერების ტერიტორიაზე. ის ავტომობილს თავად მართავდა. საეჭვო მარშრუტი, რაც აღმოჩნდა გამოძიების მიერ, ზუსტად ამ მიმართულებით მოხდა დეტალური შესწავლა.
გამოიკითხნენ იქ ადამიანები. ზოგი ფლობდა მანქანის შესაძლო გადაადგილებაზე ინფორმაციას. კამერებზე, სადაც ავტომობილი დაფიქსირდა, იმის იქით, შემთხვევის ადგილიდან 15 გრადუსი რადიუსით არის დაშორებული და ზუსტად ამ მიმართულებაზე არ იყო მოქლააქეების მიერ მითითება.
ეს არ იყო ერთჯერადი გზა, სადაც სამართალდამცველები ეძებდნენ ავტომანქანას. ჩვენ გამოვიყენეთ დრონები, თუმცა იქიდა გამომდინარე, რომ ფიქსაციის ლოკაცია იყო სხვაგან, ამიტომ ვერ მოხერხდა იმ დღეებში ამ მანქანის პოვნა" - აღნიშნა ჭელიძემ.
შეგახსენებთ, რომ 23 წლის თამარ ბაჩალიაშვილს ოჯახი და სამართალდამცველები 5 დღის განმავლობაში ეძებდნენ. ის გუშინ თეთრიწყაროს ტყეში, საკუთარ მანქანაში გარდაცვლილი იპოვეს. გოგონას ცხედარი ლევან სამხარაულის სახელობის სასამართლო ექსპერტიზის ეროვნული ბიუროდან სახლში დღეს გადაასვენეს.
15 გრადუსი რადიუსით დაშორება რა ტვინის ღლეტვაა, ამიხსნით ვინმე?!..
Ეძებეს რო საერთოდ??