როგორ საცურაო კოსტიუმებზე აკეთებენ არჩევანს ცნობილი ქართველები

ორი თვის წინ, როდესაც კარანტინის გამო, სახლში გამოკეტილები ვატარებდით მთელ დღეებს, ვერ წარმოვიდგენდით, რომ ზაფხულში დასვენებასა და მზეზე გარუჯვას შევძლებდით.

საბედნიეროდ, საქართველო ერთ-ერთი გამონაკლისია უამრავ ქვეყანას შორის, რომლებმაც კორონავირუსის მიერ გამოწვეული პანდემია შედარებით უმტკივნეულოდ გადავაგორეთ. ნელ-ნელა ქვეყანაში საცურაო აუზები, სასტუმროები და საკურორტო ზონებიც გაიხსნა და რადგან მოგზაუორობა სხვა ქვეყნებში ჯერჯერობით შეუძლებელია, ქართველმა ვარსკვლავებმაც გასარუჯად მშობლიურ სანაპიროებს მიაშურეს.

წელს, როგორც მოდის გურუები წინასწარმეტყველებდნენ, აქტუალურია მთლიანი საცურაო კოსტიუმი. მოდით, გადავავლოთ თვალი, აყვნენ თუ არა ქართველი ვარსკვლავები მოდას და როგორი საცურაო კოსტიუმები მოირგეს წელს მზეზე გასარუჯად:

ნუკი კოშკელიშვილი სამშობლოში შვილთან ერთად ჯერ კიდევ პანდემიამდე დაბრუნდა და ამერიკაში პროფესიით ექიმი მეუღლე დატოვა. ამჟამად შავი ზღვის სანაპიროზე ირუჯება და სექსუალური ფორმების წარმოსაჩენად საკმაოდ ღია საცურაო კოსტიუმი შეარჩია.

მოდელი და ინფლუენსერი ანი იმედაშვილი ლურჯ, დახურულ საცურაო კოსტიუმში პოზირებს. ანიმ სწორედ კარანტინის დროს აღმოაჩინა, რომ ორსულადაა და მეორე შვილს ელოდება.

მშვენიერი ლიკა ევგენიძე დახურული, საკმაოდ ლამაზი და განსხვავებული საცურაო კოსტიუმით პოზირებს. ტელეჟურნალისტი შვილებთან და საყვარელ მამაკაცთან ერთად ისვენებს და დროს სასიამოვნოდ ატარებს.

ტანმოვარჯიშე და მოცეკვავე ქეთი ხატიაშვილი ყოველთვის შესანიშნავ ფორმაშია და როგორც ჩანს, არც აპირებს სხეულის რომელიმე ნაწილი დახურულ საცურაო კოსტიუმში დამალოს.

მაია ასათიანი წელს ყოველთვის სხვადასხვა ფერისა და ფორმის საცურაო კოსტიუმებით ჩნდება. ჟურნალისტმა გასარუჯად აუზს ჯერ კიდევ მაშინ მიაკითხა, როდესაც ღია სივრცეები ბოლომდე გახსნილი არ იყო.

მაიას მსგავსად სხვადასხვა საცურაო კოსტიუმებით ჩნდება ქრისტინე იმედაძეც. წელს მომღერალმა და ტელეჟურნალისტმა არჩევანი დახურულ საცურაო კოსტიუმებზე გააკეთა.

ლიზა ყენია ერთ-ერთი პირველი დამსვენებელი იყო აჭარაში კარანტინის შემდეგ. მომღერალი საკუთარ მრგვალ ფორმებს არასოდეს მალავს და შესაბამისად, არჩევანიც ღია საცურაო კოსტიუმზე გააკეთა.

მანიკა ასათიანი წელს განსაკუთრებულად მოკრძალებულია. სატალევიზიო კარიერის შემდეგ ზედმეტად თამამ ფოტოსესიებს ერიდება, შესაბამისად, არჩევანიც დახურულ საცურაო კოსტიუმზე გააკეთა.

ალბათ ერთადერთი, რაც ამ ცხოვრებაში არ აწუხებს სალომე ჭაჭუას, ეს მომატებული კილოგრამებია. სამეჯლისო ცეკვების ვარსკვლავი კარანტინის დროსაც მუდმივად ვარჯიშობდა და საოცარი ტრიუკებით აოცებდა ინსტაგრამზე საკუთარ მიმდევრებს.

ნინი ბადურაშვილი ჯერ კიდევ მშობიარობის შემდეგ ძალიან მალე ჩადგა ფორმაში და არასოდეს ერიდება სხეულის გამოჩენას. თუმცა ამ ზაფხულს დახურულ საცურაო კოსტიუმზე გააკეთა არჩევანი.

ანი გიუნტერი გენეტიკის წყალობით ყოველთვის შესანიშნავად გამოიყურება. გერმანული წარმოშობის ქართველმა ვარსკვლავმა დასვენება და მშვენიერი ფოტოსესიის მოწყობა უკვე მოახერხა.

მართალია, სულ მალე ნინო ნადირაძე ბებია გახდება, მაგრამ როგორც ფოტოზე ჩანს, შესანიშნავ ფორმაშია. ექიმი და ტელეჟურნალისტი ყოველთვის ამბობს, რომ მისი გარეგნობა მხოლოდ კუზანოვების დამსახურება კი არა, კარგი გენეტიკისა და თავის მოვლის ბრალია.