მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დიდი ორთაბრძოლა გველის, დანდობა არ იქნება!" - რა ელოდება მაყურებელს "მასტერშეფის" ნახევარფინალში
14:01 / 17-07-2020
რამდენიმე დღეში ქვეყნის ყველაზე რეიტინგული კულინარიული შოუ „მასტერშეფის“ ფინალისტების ვინაობა გახდება ცნობილი. მანამდე კი ნახევარფინალია, რომელშიც მონაწილეებს ორი ურთულესი დავალების შესრულება მოუწევთ.
როგორც ჟიურის წევრები აღნიშნავენ, კერძების ხარისხი ყოველ შემდეგ სეზონზე უმჯობესდება, ამიტომ დავალებებიც რთულდება და მათთვის თავის გართმევას მხოლოდ საუკეთესოები შეძლებენ.
როგორ ახასიათებს კონსტანტინე თედელური მასტერშეფის მესამე სეზონის მონაწილეებს და რა ელოდება მაყურებელს ნახევარფინალში, წაიკითხეთ ინტერვიუში.
- რით გამოირჩევა მესამე სეზონი დანარჩენი სეზონებისგან?
- პირველ რიგში, ხარისხით - როგორც კერძების, ისე მთლიანად პროცესისა. პირველი სეზონი უფრო საჩვენებელი, საცდელი იყო. მისმა ფინალმა გვაჩვენა, როგორი უნდა ყოფილიყო ქვედა ზღვარი მეორე სეზონის მონაწილეებისთვის. ახლაც ასეა, მესამე სეზონმა ისეთი შედეგები გვიჩვენა, რომ მეოთხე სეზონისთვის კარგი მაგალითი იქნება. ყოველ შემდეგ სეზონზე ხარისხი კიდევ უფრო მოიმატებს.
- რა იყო ყველაზე გემრიელი და ყველაზე ცუდი, რაც ამ სეზონზე გასინჯეთ?
- ყველაზე გემრიელი - თევზი, რომელიც კასტინგებზე გავსინჯე და ყველაზე ცუდი - ღორის ხორცი, როგორც დესერტი, წაბლის თაფლით - ძალიან რთული საჭმელი იყო.
- ეგ ტური ერთგვარი ექსპერიმენტი იყო. რამდენად გაამართლა ქართულ "მასტერშეფში"?
- ეს ექსპერიმენტი ჩვენ არ მოგვიგონია. როგორც არქიტექტურაში, ასევე დიზაინში, კულინარიაში, არის ტენდენციები, რომლებიც ჩამოყალიბებიდან ძალიან დიდი ხნის შემდეგ, ეტაპობრივად გამოდის ხოლმე საჯაროდ, რათა საზოგადოება სიახლეს ნელ-ნელა შევაჩვიოთ.
- თქვენი პროფესიის მონაწილე იყო პროექტში - ზურა ხოკერაშვილი, რომელიც არქიტექტორია. თუ იგრძენით „კავშირი“ თქვენ შორის?
- ჩვენ შორის არა, თუმცა ზურასა და მის კერძებს შორის - დიახ. ის ბაზისური ცოდნა, რაც არქიტექტურამ მისცა, ეხმარებოდა კერძის დაშლასა და ხელახლა აწყობაში, მაგრამ მას კულინარიის ნიჭი არ აღმოაჩნდა, რომ ეს ყველაფერი კარგად „შეეფუთა“.
- ამ სეზონში რომელიმე კონკურსანტმა თუ გაგიცრუათ იმედი?
- ნინომ, რომელსაც ოქროს წინსაფარიც მივეცით და არ გვეგონა, თუ ასეთ შედეგს მივიღებდით.
- ელოდით, რომ სწორედ ეს ხუთეული იქნებოდა ნახევარფინალში?
- ალბათ, 70%-ს დიახ. თავიდანვე ეტყობოდათ, რომელი კონკურსანტები დატოვებდნენ პროექტს. დანარჩენი უბრალოდ ადგილების გადანაწილებაზე იყო - ვინ დარჩებოდა, პირობითად, მესამე ადგილზე, ვინ ჩამოქვეითდებოდა.
- როგორ დაახასიათებდით ხუთეულს?
- იანა პერფექციონისტი ტექნოლოგია, რომელმაც იცის, იდეალურად როგორ მოამზადოს პროდუქტი (მოხარშოს, შეწვას და სხვ.), მაგრამ ცოტა „ნაზი გემოები“ აქვს, რომლებიც ხანდახან არც კი იგრძნობა ხოლმე.
ქეთო კარგი გოგოა, მაგრამ ზედმეტად დარწმუნებულია თავის თავში. კრიტიკას იღებს, მაგრამ ავტომატურად ბლოკავს.
თემო მიქსოლოგია, რომელიც ექსპერიმენტი იყო ჩემთვის - ადამიანს თუ ასეთი გემო აქვს სასმელებში, კერძებში როგორ „დამისვამს“. ვინაიდან უფრო მკვრივ მასალასთან ჰქონდა შეხება, ვიდრე სითხეა, ეს მკვრივი მასალები კარგად ვერ ათამაშა, თორემ გემო კარგად დასვა.
ანნას კარგად გამოსდის კერძების მომზადება, ეშინია სიახლის, რჩევასაც ავტომატურად ბლოკავს. ალბათ, არასწორი შეხედულებები აქვს რაღაცებზე. როგორც მზარეულს, ანნას სამზარეულოში ვერ ვხედავ, რესტორნის მმართველად ან მენეჯერად უფრო წარმომიდგენია.
სერგო ძალიან ნიჭიერია. ალბათ, ეს ნიჭი თანდაყოლილია და ღმერთისგან ჩამოუვიდა. ადამიანს შეუძლია არაფრისგან შექმნას კერძი. თვითნაბადი ნიჭი აქვს, როგორიც ფიროსმანს ჰქონდა.
- რა ელოდება მაყურებელს ნახევარფინალში?
- დიდი ორთაბრძოლა, დანდობა არ იქნება!
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერდაერთიშოუ რომელსაც ვუყურებ საქართველოში. ჩემთვისაც აღმოჩენა იყო ასეთი სრული პროფესიონალი ჟიურის წევრები ბრავო
"დიდი ორთაბრძოლა გველის, დანდობა არ იქნება!"---მეგონა ტერიტორიების დასაბრუნებლად ვემზადებოდით