23
ივნისიდღის ზოგადი ასტროლოგიური პროგნოზი
სამშენებლო და სარემონტო მასალების ამიერკავკასიაში უდიდესი ჰიპერმარკეტის „მიჰაუსის“ ციფრული პრეზენტაცია, მის ოფიციალურ გახსნამდე 18 საათით ადრე, ინტერნეტმომხმარებლებისთვის გაიმართა.
მშენებლობისა და რემონტისთვის საჭირო 60 000-მდე დასახელების პროდუქცია ხვალ, 17 ივლისს, 15 საათზე რეალურად წარედგინება მომხმარებელს ერთ სივრცეში. „თბილისის ზღვის პლაზაში“ 12 000 კვადრატულ მეტრზე მოთავზებულ შოურუმსა და პავილიონებში 21 ქვეყნის წამყვანი ბრენდების პროდუქცია იქნება წარმოდგენილი. აქ იქნება ყველაფერი, რაც საჭიროა მშენებლობისთვის, რემონტისთვის – როგორც მასალები, ისე ხელსაწყოები და ყველაფერი ეს ყველაზე სანდო ბრენდებისგან.
ამ მასშტაბის ჰიპერმარკეტის და ზოგადად, ახალი კომპანიების ციფრული პრეზენტაცია იშვიათად გვხვდება ინტერნეტსივრცეში. ასევე ინოვაციური და ციფრულად გამართულია ახალი გიგანტური ჰიპერმარკეტი „მიჰაუსი“: მომხმარებლებს ამიერკავკასიაში ყველაზე დიდ ჰიპერმარკეტში ორიენტირება რომ არ გაუჭირდეთ მომხმარებლებს, ტერიტორიაზე განლაგებულია სენსორული მონიტორები, სადაც მარტივადაა შესაძლებელი როგორც პროდუქტების არჩევა, ასევე ფასდაკლებული პროდუქტების დათვალიერება და შესაბამისი მასალების ჰიპერმარკეტის ტერიტორიაზე პოვნა. გარდა ამისა, „მიჰაუსის“ კონსულტანტები სრულ მომსახურებას გაუწევენ. მათ, ვისაც მასშტაბური რემონტი აქვთ დაგეგმილი, კონსულტანტებთან ერთად ინტერიერის დიზაინერებიც გაუწევენ დახმარებას - 3D გამოსახულებაში შეიქმნება დიზაინი და დამკვეთი VR-ის სათვალითაც დაათვალიერებს მომავალი სახლის ინტერიერს. როგორც კრმპანიაში ამბობენ, ჰიპერმარკეტი კონცეფციურად შოურუმია, რაც იმას ნიშნავს, რომ მომხმარებელს თითოეული პროდუქტის მახასიათებლის ნახვა და გამოცდა სწორედ ერთ სივრცეში შეეძლება. ამ პროცესშიც მათ კონკრეტული ბრენდების მიერ დატრენინგებული სპეციალისტები გაუწევენ კვალიფიციურ დახმარებას. Do It Yourself (DIY), ანუ „გააკეთე შენ თვითონ“ კონცეფცია ამ ტიპის ჰიპერმარკეტებში საკმაოდ წარმატებით დაინერგა დასავლეთ ევროპის ქვეყნებში და ის სასიამოვნო სურპრიზი იქნება „მიჰაუსის“ მომხმარებლებისთვის. იმ მომხმარებლებისთვის, ვინც ზუსტად იციან რომელი ბრენდის რა ნაწარმი და რა რაოდენობით უნდა შეიძინონ, „მიჰაუსს“ იდეალურად გამართული ონლაინ მაღაზია აქვს, სადაც სახლიდან გაუსვლელადაა შესაძლებელი პროდუქციის ყიდვა. შესაბამისად, მუშაობს მიტანის სერვისი, რომელიც მაქსიმალურადაა მორგებული მომხმარებლის მოთხოვნებზე.
ამასთან, „მიჰაუსის“ მენეჯმენტი მუდმივად იზრუნებს მომხმარებლის ინფორმირებაზე, თუ რა ახალი ტექნოლოგიები ინერგება სამშენებლო სექტორში, რომელი ახალი პროდუქტი შემოდის საქართველოში, ბლოგპოსტები შეიქმნება რემონტისა და მშენებლობის თემატიკაზე, გამოქვეყნდება DIY პროექტების გზამკვლევები და სხვ.
BEAVO. MAGARIA