მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რამდენ ხანს უნდა გყავდეთ ბავშვი კურორტზე და რა უნდა გაითვალისწინოთ დასასვენებელი ადგილის შერჩევისას - პედიატრის რჩევები მშობლებს
14:14 / 18-06-2022
სუფთა ჰაერი არის ის მთავარი ფაქტორი, რომელიც მშობელმა ბავშვისთვის კურორტის შერჩევისას უნდა გაითვალისწინოს. ამის შესახებ პედიატრი თემურ მიქელაძე საუბრობს.
მისი თქმით, მშობლებმა, რომლებსაც შესაძლებლობა არ აქვთ ბავშვები ძვირადღირებულ ადგილებში დაასვენონ, არ უნდა იდარდონ, რადგანაც მთავარი სუფთა ჰაერზე ყოფნაა და შეუძლიათ არჩევანი თავიანთ სოფლებზე შეაჩერონ. პედიატრმა მშობლებს რეკომენდაციები მისცა იმის შესახებ, თუ რამდენ ხანს უნდა წაიყვანონ ბავშვები დასასვენებლად და როგორ მოიქცნენ იმისთვის, რომ პატარებს თავიდან აარიდონ მზის ალერგია, მზის დამწვრობა და სხვადასხვა ვირუსი.
"მთავარი, რაც უნდა გაითვალისწინოთ კურორტის არჩევისას, არის სუფთა ჰაერი. არის სოციალური პრობლემები, შესაბამისად, უამრავ პაციენტს არ აქვს საშუალება პოპულარულ კურორტებზე წასასვლელად, რადგანაც საკმაოდ ძვირია.
ბახმარო, მთა-თუშეთი და სხვები უნიკალური კურორტებია, უბრალოდ იქ დასვენება ძვირია და შეჭირვებულმა მშობლებმა არ იდარდონ ამაზე და არ ჩათვალონ, რომ შვილს ყველაფერს ვერ უკეთებენ, შეუძლიათ ბავშვები გაიყვანონ თავიანთ სოფლებში“, - ამბობს პედიატრი.
მისივე თქმით, მოსაზრება იმის შესახებ, რომ ბავშვი კურორტზე 21 დღის განმავლობაში უნდა გყავდეთ და რომ სხვა შემთხვევაში, მოზარდი სარგებელს ვერ მიიღებს, მითია და საბჭოთა დროიდან იღებს სათავეს.
"21 დღე ბავშვის გაყვანა კურორტზე, ეს არის საბჭოთა გადმონაშთი, იყო 21 დღიანი ე.წ. პუტიოვკა, 21 დღიანი შვებულება, რომელიც განსაკუთრებით ჩრდილოეთიდან ჩამოსულ ადამიანებს ეძლეოდათ. დოგმა, რომ უნდა გაიყვანოთ აუცილებლად ერთი კვირა, 5 დღე, 9 დღე, არსად არ არის გაწერილი, ყოველ შემთხვევაში, მე არ შემხვედრია, რომ მაინცდამაინც დავუშვათ 21 დღე უნდა გავიყვანოთ.
რა თქმა უნდა, რაც უფრო დიდხანს იქნება კურორტზე ბავშვი, მით უფრო სასარგებლოა“, - ამბობს თემურ მიქელაძე, თუმცა იმასაც აღნიშნავს, რომ მოზარდისთვის სასარგებლო იქნება თუნდაც შაბათ-კვირას ქალაქგარეთ წაყვანაც.
"ქალაქიდან თუნდაც შაბათ-კვირას გასვლა მნიშვნელოვანია. გვაქვს საკმაოდ სტრესული გარემო, რომელიც ამ პანდემიამაც განაპირობა და ძალიან დიდი მნიშვნელობა აქვს განტვირთვას, განიტვირთება როგორც მშობელი, ასევე ბავშვი“ - აღნიშავს პედიატრი.
თემურ მიქელაძე საუბრობს ჰიგიენის როლზე და ამბობს, რომ სხვადასხვა ვირუსული ინფექციებისგან დასაცავად, ჰიგიენის ნორმების დაცვა უმნიშვნელოვანესია. ის ასევე მშობლებს აძლევს რჩევებს, თუ როგორ დაიცვან ბავშვი მზის დამწვრობისგან და მზის ალერგიისგან.
"ხშირია სხვადასხვა ვირუსული ინფექციები და დიდი მნიშვნელობა აქვს ჰიგიენის ნორმების დაცვას და მხოლოდ კორონავირუსის გამო არა. ამ პერიოდში ხშირია ენტეროვირუსული ინფექციები, ნაწლავური ინფექციები. სანაპიროზე უნდა დავიცვათ პირადი ჰიგიენური ნორმები.
განსაკუთრებით ფრთხილად უნდა ვიყოთ მალფუჭებად პროდუქტებთან. რეკომენდაციაა, რომ ადრეული ასაკის ბავშვს ახალი მომზადებული საკვები მისცეთ, საკვები უნდა იყოს თერმულად სწორად დამუშავებული, გარდა ამისა, თერმულად სწორად უნდა იყოს შენახული. ზოგიერთ საკვებ პროდუქტს სჭირდება სამაცივრე პირობები. უნდა იყოს ჰიგიენური ნორმები დაცული.
რაც შეეხება მზის ალერგიას, ზოგ შემთხვევაში მზის ალერგია შეიძლება დამწვრობაშიც კი შეგვეშალოს იმიტომ, რომ მასაც ახასიათებს შეშუპება და ექიმმა უნდა განასხვავოს - მზის ალერგიია, თუ მზის დამწვრობით განპირობებული შეშუპება.
მზის ალერგია შეიძლება გამოვლინდეს დერმატიტით, შეშუპებით და ა.შ. ასეთ დროს, რა თქმა უნდა, მედიკამენტოზური მკურნალობა დროულად უნდა ჩატარდეს, მაგრამ მთავარი მაინც არის მზის სხივებისგან ბავშვის მოცილება.
თუ ბავშვი სანაპიროზე გაგვყავს, უნდა გავიყვანოთ მზის ჩასვლის შემდეგ, ან დილით 7:00-დან 9:00 საათამდე. მზის ალერგია არ უნდა შეგვეშალოს მზისგან მიღებულ დამწვრობაში“, - ამბობს პედიატრი.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვისაც სოფელიც არ გვაქვს, ისინი ვართ ყველაზე ცუდ დღეში, კურორტების ფასების გადამკიდე.
რიტი წავიყვანოტ ეგეც ტქვიტ