მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სტიქია კახეთში - სეტყვამ და წვიმამ ფერმერებს მოსავალი გაუნადგურა
09:43 / 16-07-2020
სტიქიამ კახეთის რეგიონში პობლემები შექმნა. ძლიერმა წვიმამ და სეტყვამ ყვარელი, თელავი და რამდენიმე სოფელი დააზარალა. დასეტყვილია ვენახები და სასოფლო-სამეურნეო სავარგულები.
წაქცეულია ხეები, რის გამოც, თელავიდან ყვარლის მიმართულებით საავტომობილო მოძრაობა შეზღუდულია. ადგილზე შესაბამისი სამსახურების წარმომადგენლები მუშაობენ.
კახეთის მხარის რწმუნებულის ირაკლი ქადაგიშვილის განცხადებით, სტიქიის შედეგად, დაახლოებით 112 სახლი დაზიანდა, ზარალი განიცადა, დაახლოებით, 4000 ჰექტარი მიწის ფართობზე არსებულმა ვენახმა და სასოფლო - სამეურნეო სავარგულებმა.
მხარის რწმუნებულის ინფორმაციით, ვისაც სამეურნეო მიწები დაზღვეული ჰქონდა, ანაზღაურებას მიიღებს, ვისაც დაზღვეული არ ჰქონდა თავად მოუწევს პრობლემასთან გამკლავება.
„გუშინ გვიან ღამით კახეთში, განსაკუთრებით თელავის, ყვარელის, ნაწილობრივ გურჯაანისა და ახმეტის მუნიციპალიტეტებში ძლიერი სტიქიური მოვლენები განვითარდა. სეტყვის საწინააღმდეგო სისტემამ იმუშავა. დაახლოებით, 130 სარაკეტო გასროლა მოხდა სეტყვის ღრუბლის დაშლის მიზნით, მაგრამ იმის გამო, რომ ამას თან ერთვოდა ძლიერი ქარიშხალი, ეფექტი არ იყო 100%-იანი, რამაც გამოიწვია, დაახლოებით, 4000 ჰექტარი სავენახე და სასოფლო-სამეურნეო სავარგულების დაზიანება. ამ ეტაპისთვის, დაახლოებით, 3030 ჰექტარი ეს არის თელავის მუნიციპალიტეტის თითქმის ყველა სოფელი და 600 ჰექტარი დაახლოებით, ყვარელის მუნიციპალიტეტის სხვადასხვა სოფლები, სადაც სასოფლო-სამეურნეო სავარგულები იქნა დაზიანებული. ძლიერმა ქარიშხალმა თელავის მუნიციპალიტეტში ძირითადად გამოიწვია საცხოვრებელი სახლებისა და საგზაო ინფრასტრუქტურის დაზიანება. ძალიან ბევრი მიმართულებით შეფერხდა ელექტროენერგიის მიწოდება, რაც გამოწვეული იყო ქარიშხლის მიერ სადენების გაწყვეტით. დღეს დილის მდგომარეობით ყველა სოფელში ელექტროენერგიის მიწოდება აღდგა. რაც შეეხება მოსახლეობის იმ ნაწილს, რომელიც დაზარალდა, მე ვგულისხმობ საცხოვრებელ სახლებს, დაახლოებით, 112 ასეთი სახლი იყო იდენტიფიცირებული, აზომილია და რა საჭიროება აქვს ეს დადგენილია. ამ დროის მონაცემებით, დაახლოებით, 50 სახლია დარჩენილი, რომელთა აზომვითი სამუშაოები და აღრიცხვა გაკეთდება და ყველა ამ სახლს, ყველა ამ საცხოვრებელ ფართზე მოხდება დახმარება, გადახურვა იქნება აღდგენილი, იმის მიხედვით, სად როგორი საჭიროება იქნება. ჩვენ როდესაც ეს ინფორმაცია საბოლოოდ გვეცოდინება, მივმართავთ ცენტრალურ ხელისუფლებას, რომ შესაბამისი დამატებითი დაფინანსება გამოეყოს მუნიციპალიტეტს. რაც შეეხება სასოფლო სამეურნეო სავარგულებს, აქ სახელმწიფო ახორციელებს ძალიან ეფექტურ სადაზღვეო პოლიტიკას და ის მევენახეები, ვისაც ჰქონდა თავისი ფართები დაზღვეული, ყველა კონკრეტულ შემთხვევაში მათზე იქნება ანაზღაურება გაცემული. ვისაც არ ჰქონდა დაზღვეული ვენახები, მათ თავიანთი რისკის გაწევა მოუწევთ,“ - განაცხადა ირაკლი ქადაგიშვილმა.
თელავის მუნიციპალიტეტის სოფელ კონდოლში სტიქიის შედეგად ერთი მამაკაცი დაშავდა. ძლიერმა ქარმა სახლებს სახურავები გადახადა, რა დროსაც ნამტვრევები ერთ-ერთ ადგილობრივს მოხვდა და ის საავადმყოფოში გადაიყვანეს.
ახალგაზრდა ფერმერი ბექა მესტვირიშვილი ერთ-ერთია, ვინც ძლიერმა სტიქიამ დააზარალა. ის "ფეისბუქზე" ავრცელებს განადგურებული მეურნეობის ფოტოებს და წერს, რომ სეტყვამ ვენახი და ატამი 100%-ით, თხილი კი 50%-ით გაანადგურა.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისევ ქათმებს რომ ცურვა ასწავლონ არა?
ზნედაცემულო გიო, ამგვარ უბედურებაზე შენი ცინიკური დამოკიდებულება აჩვენებს რომ ერთუჯრედიანი ხარ და არც არაფერი გეშველება. იმ გაუბედურებულ ხალხს კი უფალი არ გაწირავს.