მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გიორგი შაქარაშვილს ბოლომდე სდიეს და ფიზიკურად გაუსწორდნენ მორაგბე არჩილ გაგნიძე და ვახო ჩიქოვანი" - "ტვ პირველი"
20:23 / 11-07-2020
"ტვ პირველის" გადაცემა "ნოდარ მელაძის შაბათს" წყარომ მიაწოდა ინფორმაცია, რომ არაგვის ხეობაში შაქარაშვილს ფიზიკურად მორაგბე არჩილ გაგნიძე და ვახო ჩიქოვანი გაუსწორდნენ. ტელეკომპანიის ცნობით, სწორედ ეს ორი ადამიანი მისდევდა ახალგაზრდა ფეხბურთელს ბოლომდე, ნაწილი კი გურამ ამირხანაშვილს ანეიტრალებდა, რომელიც ფერად შენობასთან იმალებოდა.
"არაგვის ხიდთან საცემად ჩავიდა ნაძალადევის დაჯგუფება, "ტოიოტა ქამრის" მანქანით. შეშინებული გიორგი შაქარაშვილი და მისი თანმხლები პირები ამ დროს გაიქცნენ. გურამ ამირხანაშვილი ფერად შენობასთან დაიმალა. იქვე გაჩერდა სამი თავდამსხმელი. ისინი ამირხანაშვილს ანეიტრალებდნენ. ერთი დარჩა მანქანაში, ორი კი შაქარაშვილს ბოლომდე დაედევნა. წყარო ჰყვება, რომ გამოძიების ინფორმაციით, შაქარაშვილს ფიზიკურად გაუსწორდნენ ვახო ჩიქოვანი და მორაგბე არჩილ გაგნიძე" - ჰყვება ჟურნალისტი ნოდარ მელაძე, რომელიც ამბობს, რომ ტელეკომპანიას სანდრო წყარომ მიაწოდა ვერსია, რომელზეც ახლა გამოძიება მუშაობს.
შეგახსენებთ, რომ 19 ივნისს, დაახლოებით 11:00 საათზე, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები.
4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს. მომხდარზე დაკავებულია 17 პირი, მათ შორის არიან მორაგბეები, ძიუდოისტი და ფეხბურთელი. ყველა დაკავებულს მცხეთის სასამართლომ წინასწარი პატიმრობა შეუფარდა.
გუშინ გახდა ცნობილი ექსპერტიზის დასკვნა, რომლის მიხედვით გიორგი შაქარაშვილი გარდაცვალების მიზეზი ასფიქსია გახდა. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში.
ექსპერტიზის დასკვნისა და საქმეში არსებული სხვა მტკიცებულებების ერთობლივი ანალიზის საფუძველზე სისხლის სამართლის საქმის უკვე არსებულ კვალიფიკაციას დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყველა დამნაშავე უმკაცრესად უნდა დაისაჯოს !
წყარო და ნაკადული არ გვინდა ეხლა, სასამართლო მაგ რაღაცეებს ვერ გაითვალისწინებს--- კონკრეტული პიროვნება ვინც დაადასტურებს მომხდარს და ფარდა აეხდება ამ უმსგავსო გორილების საქციელს. წაქცეულს და გაქცეულს არ ურტყამენ და ამ არა ადამიანებმა წყალში დაახრჩეს უმწეო ბიჭი!