მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუს ტურისტებს აღარ უნდათ უკან წასვლა" - რატომ არ საუბრობს მეუღლეზე ბათუმის მერის მოადგილე სოფო ხალვაში
21:32 / 10-07-2020
ერთი წლის წინ მომღერალი სოფო ხალვაში ბათუმის მერის მოადგილედ დაინიშნა. მომღერლის ახალი თანამდებობა საზოგადოებისთვის მოულოდნელი აღმოჩნდა, თუმცა სოფო დღემდე პოსტზეა და აჭარის რაიონში ღონისძიებების დაგეგმვას ხელმძღვანელობს.
ამბობს, რომ კმაყოფილია საკუთარი საქმით. პანდემიის პერიოდი კი იმისთვის გამოიყენა, რომ დრო შვილებისთვის და საყვარელი საქმისთვის, კულინარიისთვის დაეთმო...
- სოფო, რა მდგომარეობაა ახლა ბათუმში, რა ღონისძიებები გაქვთ დაგეგმილი?
- ბათუმში დაგეგმილია რამდენიმე ღონისძიება. პანდემიამ ხელი შეგვიშალა და რამდენიმე ფესტივალი გაუქმდა. რაც დარჩა, იმაზეც შევამცირეთ თანხები, რადგან არ ვიცოდით რა მდგომარეობა იქნებოდა. კინოფესტივალი, ელისო ბოლქვაძისა და ლიანა ისაკაძის ფესტივალები აუცილებლად გაიმართება. ასევე გიორგი გარაყანიძის ფოლკლორული ფესტივალი და აქვე განვმეორდები, რომ - არა იმ მასშტაბის, როგორც დაგეგმილი იყო.
- კლუბები, ბარები თუ მუშაობს აჭარაში?
- მხოლოდ ნაწილი, რადგან დახურულ სივრცეზე ბარიერი მოხსნილი არ არის. კაფეები ჩვეულებრივად მუშაობს.
- რამდენიმე სტატუსი შემხვდა ბოლო დროს სოციალურ ქსელში, რომ ბათუმში ბევრი რუსი ტურისტია, ვინ არიან ეს ხალხი, პანდემიის დროს დარჩნენ თუ ახლა შემოვიდნენ?
- დიახ, ბევრია ვინც პანდემიის დროს ჩარჩა და მინდა გითხრათ, რომ აღარ უნდათ უკან წასვლა. ამ ეტაპზე ბევრი დამსვენებელია საქართველოს სხვადასხვა კუთხიდან და მიხარია, რადგან მოწოდება, რომ "დაისვენეთ საქართველოში", გაითვალისწინეს.
- ორი დღის წინ ირინა ონაშვილმა გამოაქვეყნა ფოტოები, რომ ზღვის ნაპირზე დიდი რაოდენობით ხავსი და ჭაობი იყო, რა ხდება, რამდენად მასიურია ეს პრობლემა?
- არ ვიცი არაფერი. ზღვა იმხელაა და ნაპირი, რომ ყველგან შეიძლება რაღაც ვიპოვოთ. შეგვიძლია ყველაფერში პოზიტივი დავინახოთ, რადგან პანდემიის პერიოდში ადამიანები იმას ვერ აკეთებდნენ, რაც უნდოდათ. გავიდეთ კარგ ნაპირას და ის ფოტოები დავდოთ. ყოველთვის შეიძლება რამე ნაკლი მოვძებნოთ. იმ შემთხვევაში, როდესაც ასეთ მდგომარეობაშია საქართველო, უნდა მოვუწოდოთ ადამიანებს, რომ დაისვენონ ბათუმში. მწვანე ზონაა აჭარა... არ მინახავს ეს სტატუსი, არ ვიცი, რაზე მესაუბრებით. ჭუჭყი და ხავსი შეიძლება ყველგან შეგვხვდეს.
- პანდემიის პერიოდი როგორ გადაიტანეთ?
- სამსახურში მისვლა მაინც მიწევდა, მაგრამ ღონისძიებებზე დაკავებული არ ვიყავი. დავკავდი იმით, რაც ყველაზე ძალიან მიყვარს და აქამდე დროის უქონლობის გამო ვერ ვაკეთებდი. ჩემ შვილებთან ერთად ვიყავი, ვაკეთებდი სხვადასხვა სახის კერძებს. ვმღეროდი ბავშვებთან ერთად.
- რა შეიცვალა თქვენს ცხოვრებაში, რაც ჩინოვნიკის სტატუსით ცხოვრობთ?
- ჩემი თავისთვის ნაკლები დრო მაქვს. დანარჩენი, ვცდილობ, რომ იმ ადამიანებს ხელი შევუწყო, ვისაც ამისი საჭიროება აქვს და მაქსიმალურად დავეხმარო და გვერდით დავუდგე. ყველა ქართველ ვარსკვლავთან მაქვს ურთიერთობა და მაქსიმალურად ვცდილობ, კარგი ღონისძიება გამომივიდეს.
- მეუღლე რამდენად გიდგათ მხარში, როდესაც ასეთი დაკავებული ხართ?
- მეუღლესთან დაკავშირებით კითხვაზე ვერ გიპასუხებთ, თავს შევიკავებ, ძალიან არ უყვარს ყურადღების ცენტრში ყოფნა.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სად ნახეთ ეს ფოტოები?!ამის მეტი ვერ შეარჩიეთ?!!!!
შესაძლოა, ხავსი არცთუ სასიამოვნო იყოს მავანი კოპწია ტურისტისთვის ან ადგილობრივისთვის, მაგრამ იგი ჭუჭყში ნამდვილად ვერ იზრდება და პირადად მე საკმაოდ ძვირადაც ვყიდულობ საკუთარი საქმიანობისთვის.