მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბიჭი იყო ნაცემი, ცოცხალ-მკვდარი გადააგდეს წყალში და დაიხრჩო" - ბრალდებულების ადვოკატებს ექსპერტიზის დასკვნაზე განსხვავებული მოსაზრება აქვთ
15:09 / 10-07-2020
გიორგი შაქარაშვილის გარდაცვალების ფაქტზე სასამართლო-სამედიცინო ექსპერტიზის დასკვნის თანახმად, 19 წლის ფეხბურთელის სიკვდილის მიზეზი გახდა ასფიქსია წყალში დახრჩობით. დოკუმენტში აღწერილია როგორც სიცოცხლისდროინდელი, ისე ბიოლოგიური სიკვდილის დადგომის შემდეგ მიყენებული დაზიანებები.
დასკვნის მიხედვით, შაქარაშვილს სიკვდილის წინ, მკვრივი-ბლაგვი საგნით აქვს მიყენებული დაზიანებები, რომლებიც "ატარებენ სხეულის დაზიანებათა მსუბუქი ხარისხის ნიშნებს და დამდგარ სიკვდილის ფაქტთან უშუალო მიზეზობრივ კავშირში არ იმყოფებიან".
საქართველოს გენერალურმა პროკურატუამ სასამართლო-სამედიცინო ექსპერტიზის დასკვნისა და საქმეში არსებული მტკიცებულებების ანალიზის საფუძველზე, მიიღო გადაწყვეტილება გიორგი შაქარაშვილის გარდაცვალების საქმეზე კვალიფიკაციის დაზუსტების შესახებ. კერძოდ, უკვე არსებულ კვალიფიკაციას დაემატა დამამძიმებელ გარემოებებში ჯგუფურად განხორციელებული განზრახ მკვლელობა - 109-ე მუხლის მე-2 ნაწილის "ე" ქვეპუნქტით.
ჯერჯერობით უცნობია, 17 დაკავებულიდან ვის დაუმძიმდება ბრალი. საქმეზე ბრალდებულების ადვოკატების მოსაზრებით AMBEBI.GE დაინტერესდა და მორაგბეების - არჩილ გაგნიძისა და ვასილ მახარაძის უფლებადაცველ, ალექსანდრე კობაიძესა და ძიუდოისტ გიგა ტატიაშვილის ადვოკატ გიორგი ყიფშიძეს დაუკავშირდა.
კობაიძე ამბობს, რომ ექსპერტიზის პასუხი შაქარაშვილის უბედური შემთხვევის შედეგად გარდაცვალების ვერსიას ამყარებს.
"მქონდა მოლოდინი, რომ ასეთი დასკვნა იქნებოდა. ეს უფრო იმ ვერსიას ამყარებს, რომ ცხონებული უბედური შემთხვევის შედეგად გარდაიცვალა. თუმცა, პროკურატურამ დღეს საქმეში ახალი კვალიფიკაცია შემოიტანა და საქმის გამოძიება 109-ე მუხლით დაიწყო, რაც ჯგუფურად მკვლელობას გულისხმობს.
ალბათ, უწყებას ჰქონდა საკმარისი საფუძველი ამისთვის. თუმცა, ეს იმას არ ნიშნავს, რომ ვინმეს პასუხიმგებლობის საკითხი აუცილებლად დადგება ამ მუხლით. ველოდებით სხვადასხვა ექსპერტიზის დასკვნებს - ტრასოლოგიური, ბიოლოგიური და ა.შ. და თუ ექნება პროკურატურას მტკიცებულებები, რომ რომელიმე პირმა ჩაიდინა ეს დანაშაული, მაშინ ახალ ბრალს წარუდგენს მათ.
ექსპერტიზამ დაადგინა, რომ გარეფაქტორის ზემოქმედების შედეგად არის დაზიანები მიყენებული, მაგრამ დასადგენია ვინ მიაყენა ეს დაზიანებები
მკვრივი ბლაგვი საგანი არის ხელკეტიც და ბეტონიც, ამიტომ ჯერ კიდევ წინ არის ექსპერტიზის დასკვნები და ვნახოთ, საბოლოოდ რა შედეგი დადგება" - აცხადებს AMBEBI.GE-სთან მორაგბეების ადვოკატი ალექსანდრე კობაიძე.
კოლეგისგან სრულიად საპირისპირო დასკვნების გამოტანის საფუძველს აძლევს ექსპერტიზის შედეგი ადვოკატ გიორგი ყიფშიძეს, რომელიც გიგა ტატიაშვილის ინტერესებს იცავს. ყიფშიძის თქმით, ექსპერტიზამ დაადგინა, რომ გიორგი შაქარაშვილი მოკლულია.
"დიახ, ეს არის მკვლელობა. განზრახ თუ არა, ეს ცალკე საკითხია. ბიჭი იყო ნაცემი, მას ჰქონდა სიცოცხლისდროინდელი დაზიანებები და შემდეგ ცოცხალ-მკვდარი გადააგდეს წყალში და დაიხრჩო.
შემთხვევის ადგილი ვინც ნახა, ყველა დარწმუნდა, რომ იმხელა მანძილის გავლა და წყალში ისე ჩავარდნა, რომ იქ ადამიანი დაიხრჩოს, წარმოუდგენელია
ჯერ იმიტომ, რომ წყლამდე ძალიან დიდი მანძილია, მიხვეულ-მოხვეული და მეორეც - წყალი არის საკმაოდ დაბალი, ისე რომ, ცოცხალი ადამიანი იქ არ დაიხრჩობოდა. ამ ვერსიას ვამუშავებდი თავშივე, რომ სცემეს მაგრად, შემდეგ გადააგდეს წყალში და ჩანთა შემოდეს იქ. რასაც პირველივე დღიდან ვამბობდი, ზუსტად ის სცენარია და ექსპერტიზის დასკვნაც ამას ადასტურებს. სასტიკად ნაცემი ადამიანი გადაგდებულია წყალში, რომელიც გარდაცვლილი ეგონათ და საბოლოოდ წყალში გარდაიცვალა. არ გამოვრიცხავ, რომ ქვემოთ ჩაათრიეს ნაცემი და შემდეგ გადააგდეს წყალში" - გვეუბნება გიორგი ყიფშიძე.
მკითხველის კომენტარები /
43 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ყიფშიძე ,ვისი ადვოკატია?!)))
აი ვინც სხვანაირად ფიქრობს იმათი დასაცავები არის შეასწავლი