მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსთავში მომხდარ ხანძარს 42 წლის შშმ პირი ემსხვერპლა - "ოჯახს სახლის გადაწვით ემუქრებოდა... ეს ახალგაზრდა, ეტლს მიჯაჭვული ბიჭი, შენ მოკალი ჩემო ქვეყანა"
10:25 / 10-07-2020
რუსთავში, მე-12 მიკრორაიონში მდებარე კორპუსის ბინაში გაჩენილ ხანძარს, 42 წლის დავით ბოსტოღანაშვილის სიცოცხლე ემსხვერპლა.
ცეცხლი მრავალსართულიან კორპუსში, გუშინ დაახლოებით 22:00 საათზე გაჩნდა. მეხანძრე-მაშველებმა ბინადრების დროული ევაკუაცია განახორციელეს, ადგილზე მობილიზებული იყო ოთხი სახანძრო-სამაშველო ბრიგადა, საპატრულო პოლიცია, სამართალდამცავები, სასწრაფო-სამედიცინო დახმარების ბრიგადები.
სამედიცინო დახმარების გაწევა დასჭირდა რამდენიმე ადამიანს, მათ შორის მეხანძრეს და პატრულს.
საბედნიეროდ, ხანძარს გადაურჩნენ დავით ბოსტოღანაშვილის დედა, და და ორი მცირეწლოვანი ბავშვი. ცეცხლის ლიკვიდაციის პროცესს ძლიერი ქარი და დაკვამლიანება ართულებდა. მეხანძრებმა ცხრასართულიანი კორპუსის აივანზე დარჩენილი ადამიანების უსაფრთხოდ გამოყვანაც შეძლეს, თუმცა ვერ გადაარჩინეს დავით ბოსტოღანაშვილი, რომელიც შეზღუდული შესაძლებლობების მქონე პირი იყო და ეტლით სარგებლობდა.
გარდაცვლილი ძმის მიმართ სახელმწიფოს მხრიდან გულგრილობაზე საუბრობს ბოსტოღანაშვილის და. მისი თქმით, ოჯახი უშედეგოდ ითხოვდა დავითის სპეციალიზირებულ კლინიკაში გადაყვანას. მამაკაცი მიღებული საწარმოო ტრავმის გამო, ეტლს მიეჯაჭვა, რის გამოც ფსიქიკური პრობლემები გაუჩნდა, შესაბამისი სამედიცინო დაწესებულება კი სტაციონარში მის მოთავსებაზე უარს აცხადებდა, ადგილების არქონის გამო. ოჯახის წევრების განცხადებით, დავით ბოსტოღანაშვილი თავის დაწვით იმუქრებოდა.
უბედური შემთხვევის შესახებ სოციალურ ქსელში წერს ადგილობრივი ტელეკომპანიის ჟურნალისტი, რომელიც გარდაცვლილის ოჯახს კარგად იცნობდა:
"რუსთავში ხანძარს ახალგაზრდა მამაკაცის სიცოცხლე ემსხვერპლა". დიახ მეგობრებო ემსხვერპლა, იმიტომ რომ ამ ახალგაზრდა მამაკაცს, რომელსაც დათო ჰქვია, ფსიქიკური პრობლემები ჰქონდა. დიახ, ემსხვერპლა იმიტომ რომ, ყველა ფსიქიტრიულმა დაწესებულებამ უარი უთხრა და კარი მიუჯახუნა.
პირადად მივყევი ოჯახს თბილისის ფსიქიატრიულ საავადმყოფოში (ქავთარაძეზე) ავუხსენით პაციენტის მდგომარეობა, მაგრამ წარბიც არ შეუხრია მორიგე ექიმს, “ადგილი არ მაქვს და რა ვქნაო!! კითხვა რომ დავუსვი ვინ არის პასუხისმგებელი ამ მამაკაცის ოჯახის წევრების სიცოცხლეზე მეთქი?! მხრები აიჩეჩა! შენთან გადმომამისამართა “ჩემო ქვეყანა”!
ეს ახალგაზრდა მამაკაცი ამ მდგომარეობამდე რუსთავის ქარხანაში მომხდარმა უბედურმა შემთხვევამ მიიყვანა. ეტლს მიჯაჭვულმა ვერ გაუძლო სტრესს, ოჯახის წევრებს სახლის გადაწვით ემუქრებოდა. ეს ყველაფერი იცოდი შენ "აღმავლობის გზაზე მდგარო ჩემო ქვეყანა", მაგრამ რა გააკეთე? როგორ დაიცავი ან ის ან დედამისი ან მისი და? როგორ დაიცავი მცირეწლოვანი ბავშვები, რომლებიც ასევე საფრთხეში აღმოჩნდნენ? ადგილი არ გვაქვსო რომ გაიძახოდა მთელი თვის მანძილზე თბილისის ფსიქიატრიული საავადმყოფო, მერე ხომ გამოჩნდა “ლუქს პალატა" "ზემოდან” რომ დაგირეკეს, მაგრამ ესეც არ აღმოჩნდა საკმარისი!
მერე ისიც კი გვითხარით, ინვალიდებს ჩვენ აქ ვერ მივხედავთ, გიჟები სცემენ და თავს ვერ დაიცავსო. დიახ, ვერ დაიცვა თავი, ფერფლად იქცა და ახლა მისგან არაფერია დარჩენილი. ეი შენ ჩემო ქვეყანა, მითხარი - მერამდენე შემთხვევა უნდა მოხდეს, რომ ადგილი გამონახო ფსიქიკური პრობლემების მქონე პაციენტებისთვის შენ "საგიჟეთში"? რუსთავის ფსიქიატრიულში რომ დავრეკე, მორიგე ექიმმა მითხრა ადგილი არ გვაქვს, ჩვენი მუდმივი პაციენტიც კი ვერ მივიღეთ და თქვენ როგორ მიგიღებთო.
დღეს მივედი ამ სახლში, სახლში რომლისგანაც არაფერია დარჩენილი. ამ სახლში მე დავიბადე და გავიზარდე, შემდეგ ცხოვრობდა ეს ბიჭი! ზუსტად, ეს ახალგაზრდა, ეტლს მიჯაჭვული ბიჭი, დაიკიდა ჩემმა ქვეყანამ! ამ სახლთან და ამ ბიჭთან ერთად დაიწვა ჩემი ბავშვობის ბევრი მოგონებაც. და შენ მოკალი ის ჩემო ქვეყანა" - წერს ოჯახის ახლობელი.
სწორედ რუსთავში მოხდა გასულ წელს კიდევ ერთი მძიმე შემთხვევა, რომელიც ასევე ფსიქიკური პრობლემების მქონე ადამიანს უკავშირდება, რომელიც სპეციალიზირებულმა კლინიკამ ადგილების არქონის გამო არ მიიღო. 2019 წლის 10 თებერვალს ფსიქიკური პრობლემების მქონე ვალერი ირემაძემ, დანით მრავლობით ჭრილობები მიაყენა და სასტიკად მოკლა 13 წლის ძმისშვილი. მკვლელობას წინ მამასთან კონფლიქტი უძღოდა, რომელიც ირემაძემ სახლიდან გააგდო, კარი გადაკეტა და მცირეწლოვან ბავშვთან ერთად ბინაში მარტო დარჩა.
ბოსტოღანაშვილების მსგავსად, ირემაძეების ოჯახი ახალგაზრდა მამაკაცის ფსიქიატრიულ კლინიკაში მოთავსებას ითხოვდა, მკვლელობის წინა დღეს ის მეუღლემ და მეგობრებმა თბილისში სპეციალიზირებულ კლინიკაში ჩაიყვანეს, თუმცა მის სტაციონარში განთავსებაზე უარი მიიღეს.
ავტორი: მარიკა ვარდოშვილი
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ფსიქიატრიული? რამდენი უნდა აშენდეს, ყველა რომ დაეტიოს იქ?/ აბა კაცი რომ ყველა ტრაგედიას, ხელისუფლებას დააბრალებს განურჩევლად და ამაზე მთელი სერიოზულოით მსჯელობს, ხო ჭირდება ფსიქიატრიული? "იქ არ გადაიყვანეს, აქ არ მოიყვანეს" იცით რაა ვისაც ტრაგედია დამართვია ოდესმე, სულ თქმულა;" აიქ რომ არ წასულიყო, აი ცოტა რომ დაეგვიანა, ეს აცდებოდა" და ასეთი რამეები. ხოდა ტრაგედია, ტრაგედიაა და ამაში ვინმეს, გამიზნული, დადანაშაულება, სულ მცირე სიბრიყვეა!...
ძალიან სამწუხაროა ამ ადამიანის ბედი, მაგრამ ამდენი მაშინ უნდა გველაპარაკა, როცა ფსიქიატრიულის (და არა მარტო) შენობებს ყიდდენ...