მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პატარების პრობლემა ზაფხულში - სტკივა თუ არა ბავშვს ნასიცხი და როგორ ვებრძოლოთ მას?
10:21 / 08-07-2020
დაცხა და სიცხემ საზაფხულო პრობლემებიც მოიტანა. ბავშვებში კი ამ დროს მთავარი პრობლემა ნასიცხია, რომელსაც სამედიცინო ლიტერატურაში უფრო რთული სახელი აქვს - ოფლით გამოწვეული წითელი დერმატოზი.
მედიცინის დოქტორი, პედიატრი თამარ ობგაიძე მშობლებს უზიარებს საჭირო რჩევებს, რომელიც ნასიცხის მკურნალობასა და მის თავიდან აცილებაში დაეხმარებათ:
- რა იწვევს ნასიცხს?
ზაფხულში გარემოს ტემპერატურა მკვეთრად მატულობს და პატარა ოფლიანობს. კანის ფორები ვიწროა, მათი დახშობა კანის გაღიზიანებას იწვევს, რაც წვრილი წითელი გამონაყრის სახით ვლინდება.
ეს უსიამოვნო წითელი კოპლები მეტად გამოიხატება ფიზიოლოგიურ ნაოჭებში, სხეულის ზედა ნაწილებში. ნასიცხი წლის ცივ დროსაც შეიძლება განვითარდეს, თუ პატარას ძალიან თბილად აცმევთ, რის გამოც ის ოფლიანობს.
ნასიცხის განვითარებას ხელს უწყობს ახალშობილის და ჩვილის კანის ანატომიურ-ფიზიოლოგიური თავისებურებები - კანი თხელია, მის ფენებს შორის კავშირი სუსტია, უხვად მარაგდება სისხლძარღვებით, ყოველივე ამის გამო კანი ადრეულ ასაკში ადვილად ზიანდება და ღიზიანდება, მეორადი ინფექციის შეჭრა და გავრცელება სწრაფად ხდება.
- სტკივა თუ არა გამონაყარი პატარას და როგორ დავეხმაროთ მას?
საბედნიეროდ, გამონაყარი მტკივნეული არ არის, თუმცა მას შესაძლოა თან მცირე ქავილი ახლდეს და ბავშვს დისკომფორტს უქმნიდეს.
- ხშირად აბანავეთ, შეგიძლიათ უბრალოდ სუფთა წყალი გაადავლოთ ან სულაც მცენარეული აბაზანა გაუკეთოთ დღის მანძილზე, საღამოს კი დასაბანი საშუალებაც გამოიყენოთ. მთავარია, პატარას ოფლი მოაშოროთ და კანს სუნთქვის საშუალება მისცეთ.
- განსაკუთრებული ყურადღება მიაქციეთ კანის ნაოჭებს, ამ ადგილებში ოფლიანობა უფრო მეტია. თუ წყლის გადავლებას ვერ ახერხებთ, გრილ წყალში დასველებული რბილი ნაჭრით გაწმინდეთ ეს არეები და დეტალურად გამშრალეთ.
- ნუ გამოიყენებთ ტალკს და ცხიმიან კრემებს სხეულზე წასასმელად. ამით მხოლოდ უფრო მეტად ჩაკეტავთ ფორებს და კანს სუნთქვის საშუალებას შეუზღუდავთ.
- არ გამოიყენოთ სინთეზური ქსოვილებისაგან შეკერილი სამოსი. ტანსაცმელი უნდა იყოს მხოლოდ ნატურალური ქსოვილის, რათა კანის სუნთქვას და "განიავებას" ხელი შეუწყოთ.
- ყურადღება მიაქციეთ კანის სისუფთავეს. მიკრობების შეჭრისას შესაძლებელია კანი უფრო მეტად დაზიანდეს, წარმოიქმნას ჩირქოვანი გამონაყარი და დაზიანების დიდი კერები, რაც ბავშვის ჯანმრთელობას სერიოზულ საშიშროებას უქმნის.
- ზაფხულის ცხელ დღეებში გამოიყენეთ კონდიციონერი, ოთახის ტემპერატურა 22-23 გრადუსი უნდა იყოს.
- არ დაივიწყოთ სითხეების გაზრდილი რაოდენობით მიწოდება. ოფლის სახით პატარა სითხეს კარგავს, რამაც შესაძლებელია გადახურება და მისი მდგომარეობის გაუარესება გამოიწვიოს.
თავისთავად, ნასიცხი საშიში არ არის, მაგრამ თუ გამონაყარი გავრცელდა, კანი მეტად გაღიზიანდა, შენიშნეთ ჩირქოვანი გამონაყარი, აუცილებლად ეწვიეთ ვიზიტზე თქვენს ექიმს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
