ტოპ 5 საზაფხულო საკითხავი, რომლითაც მოტივაციას აიმაღლებთ
ზაფხული წელიწადის ის დროა, როდესაც განტვირთვისა და ახალი ენერგიით დამუხტვისათვის მეტი დრო გვაქვს. ამ დროის თვითგანვითარებისა და სამოტივაციო ჟანრის წიგნებისათვის დათმობა საუკეთესო გადაწყვეტილება იქნება მათთვის, ვისაც ღირებულებების გადაფასება და დადებითი ემოციებით ავსება სურს.
გთავაზობთ ტოპ 5 საზაფხულო საკითხავს "ლურჯი ოკეანის" სერიიდან, რომლითაც მოტივაციას აიმაღლებთ და სხვადასხვა საკითხის მიმართ, ახალ ხედვას ჩამოიყალიბებთ:
NEW YORK TIMES-ის ბესტსელერი.
გამოსვლიდან სულ რაღაც ერთ თვეში ამ წიგნმა საქართველოშიც მოიპოვა ბესტსელერის სტატუსი და ბიბლუსის ტოპ 10 გაყიდვად წიგნს შორის პირველი ადგილი დაიკავა.
საკუთარ თავში შეუპოვრობისა და სითამამის აღმოჩენისთვის, სულაც არაა საჭირო თავის წარმოჩენა. პირიქით, ამისთვის ჩვენს დეფექტებსა და ნაკლოვანებებზე თვალის გასწორება უნდა შეგვეძლოს. სწორედ ასეთ იდეებზეა აგებული წიგნი, მარკ მენსონის ,,ფეხებზე დაკიდების ნატიფი ხელოვნება''.
მარკ მენსონი ამერიკელი სპიკერი და მწერალია, რომელმაც, თავდაპირველად, პირადი ონლაინბლოგი შექმნა და ვერც კი წარმოედგინა, რომ ვიღაც ენაბილწი ბოსტონელის, როგორც თვითონ ამბობს, "რაღაც მოჩმახული ცხოვრების აზრის შესახებ“ ასეთ წარმატებას მოუტანდა.
წიგნში, „ფეხებზე დაკიდების ნატიფი ხელოვნება“ ავტორი ეჭვქვეშ აყენებს საზოგადოებაში გავრცელებულ ტენდენციას, რომელმაც მთელი თაობები მოწამლა და ჩააგონა ადამიანებს, რომ წარმატების მისაღწევად მხოლოდ თავის წარმოჩენაა საჭირო.
მენსონი გვირჩევს, კარგად გავიაზროთ ჩვენი ნაკლოვანებები და შევეგუოთ მათ. ხოლო როდესაც თვალს გავუსწორებთ ჩვენს შიშებსა თუ სისუსტეებს და დავინახავთ მწარე სიმართლეს, სწორედ მაშინ ვიპოვით იმ სითამამეს, შეუპოვრობას, პატიოსნებას, პასუხისმგებლობასა და შემწყნარებლობას, რომლებსაც თითოეული ჩვენგანი ეძებს საკუთარ თავში.
რეიჩელი ამერიკელი მწერალი, ბლოგერი და სპიკერია. ის ასევე გახლავთ TheChicSite.com-ის დამფუძნებელი და საკუთარი მედიაკომპანია Chic Media-ს აღმასრულებელი დირექტორი.
წიგნში „გონს მოეგე, დაო“ რეიჩელი წერს სხვადასხვა პრობლემაზე, რომლებსაც ქალები ყოველდღიურად აწყდებიან. გულახდილად საუბრობს იმ ტყუილებზე, რომლებსაც საკუთარ თავსაც აჯერებდა და რომლებმაც დააზარალა მისი ფსიქიკა, თვითშეფასება და შეაფერხა მისი წარმატება.
მისი გულწრფელი საუბარი და საკუთარი გამოცდილების გაზიარება დაგეხმარება, თავადაც დაამარცხო მსგავსი ტყუილები და მეტი შემართებით იცხოვრო.
იუმორითა და ცხოვრებისეული სიბრძნით გაჯერებული წიგნით, ცნობილი ონლაინსახე გვეხმარება, გავთავისუფლდეთ იმ ტყუილების ტყვეობისგან, რომლებიც ხელს გვიშლის ვიყოთ ბედნიერი.
„გონს მოეგე, დაოს“ თითოეული თავი იწყება ცალკეული ტყუილით, რომლისაც ჰოლისს ოდესღაც სჯეროდა - ტყუილით, რომელმაც დააზარალა მისი ფსიქიკა, თვითშეფასება და რომელსაც ლამის დანებდა, მაგრამ ბოლოს მაინც დაამარცხა ის.
ჰოლისი არაფერს მალავს. ურყევი რწმენითა და სითამამით მოუწოდებს ქალებს, იცხოვრონ შემართებითა და ენერგიით, იყვნენ თავდაჯერებულნი და გამოაღვიძონ თავიანთი მიძინებული მიზნები.
სოფია ამორუზო ამერიკელი ბიზნესლედი და მწერალია, რომელმაც 2006 წელს მეორეული ტანსაცმლის ონლაინ მაღაზია NASTY GAL შექმნა. მისი ბიზნესი რამდენიმე წელში მილიონიან კომპანიად იქცა და 2012 წელს Inc. Magazine-მა ის ყველაზე სწრაფად მზარდ კომპანიად დაასახელა.
#GIRLBOSS სოფიას ავტობიოგრაფიაა, რომელშიც ავტორი მკითხველს საკუთარ გამოცდილებას უზიარებს და უყვება, როგორ იქცა მეამბოხე მაწანწალიდან სწრაფად მზარდი ბიზნესის დამაარსებლად და აღმასრულებელ დირექტორად.
წიგნი მალევე გახდა New York Times-ის ბესტსელერი, Washington Post-მა კი მას „ორდინარულიდან გადახვევა“ უწოდა.
მოგვიანებით, სოფიამ Girlboss-ის ფონდიც შექმნა, რომელიც ხელოვნების, მოდისა და დიზაინის სფეროში მომუშავე ქალებს ფინანსურ დახმარებას უწევს.
2016 წელს სოფია ამორუზო „ფორბსმა“ დაასახელა ერთ-ერთ ყველაზე მდიდარ ქალად, რომელმაც ეს სიმდიდრე დამოუკიდებლად მოიპოვა.
როდესაც ბედნიერი ხარ, ამას შენ გარშემო ყველა ამჩნევს: როგორ მივაღწიოთ ბედნიერებას? ცხადია, მცირედი დახმარებითა და ინსპირაციით შესაძლებელია ყოველდღიურობაში პოზიტიური მუხტისა და მეტი მხიარულების შეტანა. ამ წიგნში გელოდება რჩევები და აქტივობები, რომლებიც დაგეხმარება, ყოველი დღე უფრო ბედნიერად გაატარო, ცხოვრება კი მხიარული და ნათელი გახადო.
თუ დატვირთული რეჟიმი გაქვს, შესაძლოა, სრული განტვირთვის იდეა არარეალურადაც მოგეჩვენოს, მაგრამ თუ არ სცდი, ამას ვერასოდეს გაიგებ - ეს იმაზე ბევრად ადვილია, ვიდრე გგონია. რამდენიმე მარტივმა მეთოდმა და ტექნიკამ შესაძლოა შენს ცხოვრებაში ბევრი რამ შეცვალოს. წიგნში ბევრი რჩევა, დამამშვიდებელი მეთოდი და აქტივობაა მოცემული - ყველაფერი, რაც შინაგანი სიმშვიდისა და კმაყოფილების მიღწევაში დაგეხმარება!
რა არის "ფენიქსი" - პირველი ქართული ინტერაქციული წიგნი
ტოპ 5 საზაფხულო საკითხავი თინეიჯერებისთვის
