რუ­სეთ­ში COVID-19-ით ინ­ფი­ცი­რე­ბის შემ­თხვე­ვებ­მა კარ­გა ხა­ნია გა­და­ა­ჭარ­ბა ნა­ხე­ვარ მი­ლი­ონს, აქე­დან ნა­ხე­ვა­რი გა­მო­ჯან­მრთელ­და, თუმ­ცა ვირუს­მა 9 000-მდე ადა­მი­ა­ნი იმ­სხვერ­პლა.

აფხა­ზე­თი­დან დევ­ნი­ლი ქარ­თვე­ლი ქი­რურ­გი - 32 წლის ნაუმ ოდი­შა­რია, წლე­ბია რუ­სეთ­ში ცხოვ­რობს და ალექ­სან­დრე ბა­კუ­ლე­ვის სა­ხე­ლო­ბის გულ-სის­ხლძარ­ღვთა ქი­რურ­გი­ის ცენ­ტრში მუ­შა­ობს.

რო­გორც ოდი­შა­რია AMBEBI.GE-სთან ინ­ტერ­ვი­უ­ში ყვე­ბა, თით­ქმის ყვე­ლა სა­მე­დი­ცი­ნო და­წე­სე­ბუ­ლე­ბა ინ­ფექ­ცი­ურ მი­მარ­თუ­ლე­ბა­ზე გა­და­ერ­თო, თუმ­ცა, ქვე­ყა­ნა­ში სა­მე­დი­ცი­ნო მი­მარ­თუ­ლე­ბით პრობ­ლე­მე­ბი მა­ინც არის.

ქარ­თველ ქი­რურგს მოს­კოვ­ში და­ვუ­კავ­შირ­დით და სა­ქარ­თვე­ლო­ში გა­ტა­რე­ბულ ბავ­შვო­ბა­ზე, პრო­ფე­სი­ა­სა და რუ­სეთ­ში პან­დე­მი­ის დროს არ­სე­ბულ მდგო­მა­რე­ო­ბა­ზე ვე­სა­უბ­რეთ:

ასევე დაგაინტერესებთ

10:38 / 27-04-2020

"სინამდვილეში, ინფიცირებულთა და გარდაცვლილთა რიცხვი 5-ჯერ მეტია..." - რას ყვებიან რუსეთში მცხოვრები ქართველები ქვეყანაში არსებულ ვითარებაზე

18:35 / 03-05-2020

კორონავირუსით ინფიცირებული ექიმი, რომელსაც მუშაობას აიძულებდნენ, რუსეთში საავადმყოფოს ფანჯრიდან გადახტა

- ბუნ­დოვ­ნად მახ­სოვს აფხა­ზე­თი, რად­გან ბავ­შვო­ბის ასაკ­ში მო­მი­წია მისი და­ტო­ვე­ბა და რუ­სეთ­ში სა­ცხოვ­რებ­ლად გად­მოს­ვლა. სამ­წუ­ხა­როდ, ქარ­თუ­ლი გა­ნათ­ლე­ბა ვერ მი­ვი­ღე, მაგ­რამ ჩემი მშობ­ლე­ბი ძა­ლის­ხმე­ვას არ იშუ­რებ­დნენ რომ, მშობ­ლი­ურ ენა­ზე სრულ­ფა­სოვ­ნად მე­სა­უბ­რა და მგო­ნი გა­მო­უ­ვი­დათ.

სას­კო­ლო გა­ნათ­ლე­ბის შემ­დეგ, მოს­კო­ვის სა­მე­დი­ცი­ნო აკა­დე­მია და­ვამ­თავ­რე, პოსტდიპ­ლო­მუ­რი გა­ნათ­ლე­ბა (ზო­გა­დი ქი­რურ­გია, გულ-სის­ხლძარ­ღვთა ქი­რურ­გი­ის რე­ზი­დენ­ტუ­რა, რომ­ლის ფარ­გლებ­შიც შემ­დგომ სა­მეც­ნი­ე­რო ხა­რის­ხი და­ვი­ცა­ვი) ალექ­სან­დრე ბა­კუ­ლე­ვის სა­ხე­ლო­ბის გულ-სის­ხლძარ­ღვთა ქი­რურ­გი­ის ცენ­ტრში მი­ვი­ღე, რომ­ლის სა­პა­ტიო პრე­ზი­დენ­ტიც ამ­ჟა­მად, ლეო ბო­კე­რია გახ­ლავთ.

- კრემ­ლი­დან მარ­თუ­ლი მე­დია წერს, რომ რუ­სე­თი ღირ­სე­უ­ლად არ­თმევს თავს პან­დე­მი­ას, თუმ­ცა, არის ვა­რა­უ­დე­ბი, რომ ვი­თა­რე­ბა გა­ცი­ლე­ბით მძი­მეა. თქვე­ნი და­ნა­ხუ­ლი პან­დე­მია რო­გო­რია, რა ხდე­ბა რუ­სეთ­ში კო­ვიდ-19-თან ბრძო­ლის კუ­თხით?

- სა­მე­დი­ცი­ნო და­წე­სე­ბუ­ლე­ბე­ბის დიდ­მა ნა­წილ­მა სა­მუ­შაო პრო­ფი­ლი შე­იც­ვა­ლა და ინ­ფექ­ცი­ურ ხაზ­ზე გა­და­ვი­და, რად­გან უცხო­ე­თის გა­მოც­დი­ლე­ბი­დან გა­მომ­დი­ნა­რე, ად­გი­ლობ­რივ­მა ჯან­დაც­ვის სის­ტე­მამ სა­ჭი­როდ ჩათ­ვა­ლა, რომ კლი­ნი­კე­ბის დიდი ნა­წი­ლი მზად უნდა ყო­ფი­ლი­ყო პა­ცი­ენ­ტე­ბის მი­სა­ღე­ბად, შე­სა­ბა­მი­სად, 80% ინ­ფექ­ცი­ურ პრო­ფილ­ზე გა­და­ვი­და.

რაც შე­ე­ხე­ბა ჯან­დაც­ვის სის­ტე­მის მუ­შა­ო­ბას, მე ყო­ველ­თვის ვცდი­ლობ ობი­ექ­ტუ­რი ვიყო - რუ­სე­თი დიდი ქვე­ყა­ნაა და სრუ­ლი კონ­ტრო­ლი ძნე­ლია, ეს ეხე­ბა გან­სა­კუთ­რე­ბით რე­გი­ო­ნებს, მაგ­რამ რაც შე­ე­ხე­ბა დე­და­ქა­ლაქს, აქ საკ­მა­ოდ სწო­რი სა­მუ­შა­ო­ე­ბი ჩა­ტარ­და. თუნ­დაც გულ-სის­ხლძარ­ღვთა კლი­ნი­კის ინ­ფექ­ცი­ურ და­წე­სე­ბუ­ლე­ბად გარ­დაქ­მნა, ად­ვი­ლი საქ­მე ნამ­დვი­ლად არ არის. ჩა­ტარ­და სამ­შე­ნებ­ლო სა­მუ­შა­ო­ე­ბი, სას­წრა­ფოდ გა­იხ­სნა სა­წარ­მო­ე­ბი და და­ი­წყეს იმ სა­მე­დი­ცი­ნო სა­შუ­ა­ლე­ბე­ბის წარ­მო­ე­ბა, რისი დე­ფი­ცი­ტიც ბა­ზარ­ზე იყო...

სი­მარ­თლე გი­თხრათ, არ ვე­ლო­დი ასე­თი ზო­მე­ბის გა­ტა­რე­ბას, რად­გან რუ­სე­თის ჯან­დაც­ვას, ზო­გა­დად ამ ქვე­ყა­ნას, ადა­მი­ა­ნის ჯან­მრთე­ლო­ბის სა­კი­თხებ­თან და­კავ­ში­რე­ბით ცოტა სპე­ცი­ფი­კუ­რი მიდ­გო­მა აქვს. თუმ­ცა, ვფიქ­რობ, საკ­მა­ოდ კარ­გად გა­არ­თვეს თავი...

- ად­გი­ლობ­რი­ვე­ბის თქმით, სა­გან­გე­ბო მდგო­მა­რე­ო­ბა ოფი­ცი­ა­ლუ­რად არ გა­მო­ცხა­დე­ბუ­ლა, თუმ­ცა, იყო ჯა­რი­მე­ბი.

- დიახ, ბევ­რი ითხოვ­და სა­გან­გე­ბო მდგო­მა­რე­ო­ბის გა­მო­ცხა­დე­ბას, მაგ­რამ ხე­ლი­სუფ­ლე­ბამ ჩათ­ვა­ლა, რომ ეს ეკო­ნო­მი­კის­თვის სე­რი­ო­ზუ­ლი ზა­რა­ლი იქ­ნე­ბო­და. თუმ­ცა, ბევ­რნი, მო­წო­დე­ბულ რე­კო­მენ­და­ცი­ებ­საც ას­რუ­ლებ­დნენ. დარ­ღვე­ვის შემ­თხვე­ვა­ში მო­ქა­ლა­ქე­ე­ბის და­ჯა­რი­მე­ბაც ხდე­ბო­და. ვი­ღაც ით­ვა­ლის­წი­ნებ­და, ვი­ღაც - არა, ნა­წი­ლი არც სცნობ­და ამ ვირუ­სის არ­სე­ბო­ბას და ჩვე­უ­ლი რიტ­მით აგ­რძე­ლებ­და ცხოვ­რე­ბას. შე­დე­გად, და­ინ­ფი­ცირ­და კი­დეც მრა­ვა­ლი ადა­მი­ა­ნი.

მოს­კო­ვი თა­ვი­დან­ვე ეპი­ცენ­ტრი იყო, შემ­დეგ პე­ტერ­ბურ­გი. მო­სახ­ლე­ო­ბის რა­ო­დე­ნო­ბი­დან გა­მომ­დი­ნა­რე მი­ვი­ღეთ ასე­თი სუ­რა­თი. მათ, ვი­საც პი­რა­დად არ შე­ხე­ბია, არც ჩათ­ვა­ლეს სა­ჭი­როდ, რე­კო­მენ­და­ცი­ე­ბის დაც­ვა. ამან გა­არ­თუ­ლა მდგო­მა­რე­ო­ბა. ვიცი, რომ ჩრდი­ლო­ეთ კავ­კა­სი­ის რე­გი­ონ­ში ძა­ლი­ან მძი­მე ვი­თა­რე­ბა იყო და დღემ­დე რჩე­ბა, რად­გან მსოფ­ლიო პან­დე­მია არც კი აღიქ­ვეს სე­რი­ო­ზუ­ლად, თა­ვი­ან­თი ცხოვ­რე­ბის წე­სი­დან გა­მომ­დი­ნა­რე, დის­ტან­ცი­რე­ბა­ზე არც უფიქ­რი­ათ.

- თქვენ ფიქ­რობთ, რომ მე­დი­ის ნა­წი­ლის მიერ გავ­რცე­ლე­ბუ­ლი ინ­ფორ­მა­ცია, რომ ოფი­ცი­ა­ლუ­რი კრემ­ლი და­ინ­ფი­ცი­რე­ბულ­თა და გარ­დაც­ვლილ­თა რე­ა­ლურ სტა­ტის­ტი­კას მა­ლავს, სა­ფუძ­ველს მოკ­ლე­ბუ­ლია?

- რო­დე­საც გა­და­ხე­დეს, ჩი­ნეთ­ში, იტა­ლი­ა­სა და სხვა ქვეყ­ნებ­ში შექ­მნილ მდგო­მა­რე­ო­ბას, სა­დაც ნამ­დვი­ლი კოშ­მა­რი ტრი­ა­ლებ­და, და­ი­წყეს შე­სა­ბა­მი­სი მო­ბი­ლი­ზა­ცია და არ მგო­ნია რე­ა­ლუ­რი იყოს ის ინ­ფორ­მა­ცია, თით­ქოს მოს­კოვ­სა და ზო­გა­დად რუ­სეთ­ში, ორ-სამ­ჯერ მეტი და­ინ­ფი­ცი­რე­ბუ­ლი, ან მსხვერ­პლია და ამას არ ასა­ჯა­რო­ე­ბენ.

თუმ­ცა, მცი­რე პრო­ცენ­ტი შე­საძ­ლოა იყოს კი­დეც უც­ნო­ბი, რად­გან ვირუ­სი ბო­ლომ­დე არ არის შეს­წავ­ლი­ლი და ჩვენ, ექი­მებ­მაც კი არ ვი­ცით მას­ზე ბევ­რი რამ. თა­ვი­დან­ვე ნა­თე­ლი იყო, რომ სა­ხელ­მწი­ფო ამ სი­ტუ­ა­ცი­ას ფი­ნან­სუ­რად და პო­ლი­ტი­კუ­რად გა­მო­ი­ყე­ნებ­და. ასე­თი რამ მთელ მსოფ­ლი­ო­ში ხდე­ბა, თუმ­ცა, გა­მოვ­რი­ცხავ, მსგავ­სი რამ სა­ქარ­თვე­ლო­ში მომ­ხდა­რი­ყო, დარ­წმუ­ნე­ბუ­ლი ვარ, მო­ნა­ცემ­თა 98% სი­მარ­თლეა, რად­გან ჩვე­ნი ქვე­ყა­ნა ძა­ლი­ან პა­ტა­რაა და ჩვენ­თან არა­ფე­რი იმა­ლე­ბა, ვერც სტა­ტის­ტი­კა და­ი­მა­ლე­ბო­და.

ვი­ტყვი იმას, რომ ის რაც ხდე­ბო­და მა­გა­ლი­თად იტა­ლი­ა­ში, სა­დაც დღის შუქ­ზე ცხედ­რებს მი­ას­ვე­ნებ­დნენ და კა­ტა­ფალ­კე­ბის სა­ცო­ბე­ბი იყო, რუ­სეთ­ში ნამ­დვი­ლად არ ჰქო­ნია ად­გი­ლი. ჩემს გარ­შე­მო ბევ­რი ექი­მია, ისი­ნი მუ­შა­ო­ბენ რო­გორც მოს­კოვ­ში, ასე­ვე პე­ტერ­ბურ­გში, სა­ახ­ლობ­ლო­ში მრავ­ლად მყავს ექი­მე­ბი და ასე­თი კრი­ტი­კუ­ლი სუ­რა­თი რომ ყო­ფი­ლი­ყო, საქ­მის კურ­სში ვიქ­ნე­ბო­დი.

პა­ცი­ენ­ტე­ბი და­ყო­ფილ­ნი იყ­ვნენ სამ კა­ტე­გო­რი­ად: 1. თით­ქმის უსიმპტო­მო­ნი, ანუ ისი­ნი, ვინც იოლ ფორ­მებ­ში გა­და­ი­ტა­ნა და­ა­ვა­დე­ბა; 2. ვი­საც კლი­ნი­კუ­რი გა­მოვ­ლე­ნა ჰქონ­და და 3. მძი­მე კა­ტე­გო­რი­ად, რო­მელ­თა გა­და­სარ­ჩე­ნა­დაც ექი­მე­ბი ვიბ­რძო­დით და ამ კა­ტე­გო­რი­ა­ში ხვდე­ბოდ­ნენ ასა­კო­ვა­ნი ადა­მი­ა­ნე­ბი თან­მხლე­ბი ქრო­ნი­კუ­ლი და­ა­ვა­დე­ბე­ბით, ასე­ვე, სო­ცი­ა­ლუ­რად და­უც­ვე­ლე­ბი...

პირ­ვე­ლი კა­ტე­გო­რი­ის პა­ცი­ენ­ტე­ბის მკურ­ნა­ლო­ბა სახ­ლის პი­რო­ბებ­ში უნდა მომ­ხდა­რი­ყო, მაგ­რამ ისი­ნი მა­ინც მი­მარ­თავ­დნენ სა­მე­დი­ცი­ნო და­წე­სე­ბუ­ლე­ბებს. მათი მკურ­ნა­ლო­ბის­თვის უამ­რა­ვი სა­მე­დი­ცი­ნო რე­სურ­სი იქნა გა­მო­ყე­ნე­ბუ­ლი...

ასე­თი რე­ა­ლო­ბის­თვის, რუ­სე­თი კი არა, ბევ­რი მო­წი­ნა­ვე ქვე­ყა­ნა არ არის მზად, თუმ­ცა, ის პრობ­ლე­მე­ბი, რაც ამე­რი­კა­ში იყო, აქ არ ყო­ფი­ლა. აქვე ვი­ტყვი, რომ აქა­ურ სა­მე­დი­ცი­ნო სის­ტე­მას სხვა უამ­რა­ვი ნაკ­ლი აქვს, აშშ-სთან შე­და­რე­ბით არის მრა­ვა­ლი ხარ­ვე­ზი, მაგ­რამ კონ­კრე­ტუ­ლად მოს­კოვ­ში, კო­ვიდ-19-ის პრობ­ლე­მას ბევ­რად კარ­გად გა­უმკლავ­დნენ, ვიდ­რე ვე­ლო­დით.

- ქარ­თვე­ლი პა­ცი­ენ­ტი გყო­ლი­ათ?

- დიახ, რა თქმა უნდა, ქარ­თვე­ლიც, აფხა­ზიც, გვერ­დი-გვერდ პა­ლა­ტა­ში იწ­ვნენ, მაგ­რამ ხომ გსმე­ნი­ათ ჰი­პოკ­რა­ტეს სი­ტყვე­ბი, პა­ცი­ენტს ექი­მი მა­შინ სჭირ­დე­ბა, რო­დე­საც სა­წოლ­ში წევ­სო. ახ­ლა­ხან­საც მყავ­და აფხა­ზი პა­ცი­ენ­ტი - ასა­კო­ვა­ნი ქალი, და­ახ­ლო­ე­ბით 6 თვის ჩა­მო­სუ­ლი იყო რუ­სეთ­ში, ოჯახ­თან ერ­თად და მოს­კოვ­ში და­ინ­ფი­ცირ­და კო­რო­ნა­ვირუ­სით.

არ ვიცი სხვე­ბი რას ამ­ბო­ბენ, მაგ­რამ ჩემ­თან აფხაზს ცუდი არას­დროს არა­ფე­რი უთ­ქვამს ქარ­თვე­ლებ­ზე. არას­დროს და­მი­მა­ლავს, რომ სო­ხუ­მე­ლი ვარ, მით უფრო აფხა­ზებ­თან არ ვმა­ლავ, რო­დე­საც ვე­უბ­ნე­ბი, რომ ჩემს მშობ­ლი­ურ მი­წა­ზე ვერ ჩავ­დი­ვარ, ერ­თგვა­რად თა­ვის მარ­თლე­ბას იწყე­ბენ - პო­ლი­ტი­კამ აგ­ვრია, თო­რემ გა­სა­ყო­ფი რა გვქონ­დაო...

- იმ კო­ლე­გა ექი­მებ­ზეც გკი­თხავთ, რომ­ლე­ბიც რთულ დღე­ებ­ში ფან­ჯრი­დან გა­დახ­ტნენ, ბევ­რმა უარი თქვა თა­ვი­სი საქ­მის შეს­რუ­ლე­ბა­ზე. რით იყო ეს გან­პი­რო­ბე­ბუ­ლი?

- ინ­ტერ­ნე­ტი­დან მსმე­ნია მათ შე­სა­ხებ, თუმ­ცა, ჩემს ირ­გვლივ მსგავს მდგო­მა­რე­ო­ბა­ში არა­ვინ ყო­ფი­ლა, არც ვინ­მე ყო­ფი­ლა მსგავ­სი ფაქ­ტის მომსწრე ჩემი გა­რე­მოც­ვი­დან. თუმ­ცა, ვა­ღი­ა­რებ, რომ ძა­ლი­ან რთუ­ლი დღე­ე­ბი გვქონ­და, 20 აპ­რი­ლამ­დე ჩვე­ნი ცხოვ­რე­ბის რიტ­მი და დღის გან­რი­გი აბ­სო­ლუ­ტუ­რად გან­სხვა­ვე­ბუ­ლი იყო, ბოლო ორი თვე ძა­ლი­ან დიდი ფსი­ქო­ლო­გი­უ­რი დატ­ვირ­თვის ქვეშ ვი­ყა­ვით, სე­რი­ო­ზუ­ლი და­ძა­ბუ­ლო­ბა­ში გვი­წევ­და მუ­შა­ო­ბა.

ვიცი შემ­თხვე­ვე­ბი, რომ სამ­კურ­ნა­ლო და­წე­სე­ბუ­ლე­ბე­ბის ხელ­მძღვა­ნე­ლებ­ზე ზე­წო­ლას ახორ­ცი­ე­ლებ­დნენ, რად­გან მი­უ­ხე­და­ვად დამ­ცა­ვი სა­შუ­ა­ლე­ბე­ბის დე­ფი­ცი­ტი­სა, მათ­გან მა­ინც მო­ი­თხოვ­დნენ მუ­შა­ო­ბას. შე­საძ­ლოა ამ ყვე­ლა­ფერ­მა დიდი როლი ითა­მა­შა ამ ადა­მი­ა­ნე­ბის ფსი­ქო­ლო­გი­უ­რი წნე­ხის ჩა­მო­ყა­ლი­ბე­ბა­ში.

ექი­მო­ბა გმი­რო­ბაა, თუმ­ცა ასეთ ვი­თა­რე­ბა­ში მუ­შა­ო­ბის გა­მოც­დი­ლე­ბა ნამ­დვი­ლად არ გვქონ­და. თუნ­დაც მხო­ლოდ ეკი­პი­რე­ბი­დან გა­მომ­დი­ნა­რე, ფი­ზი­კუ­რად მძი­მე სა­მუ­შა­ოს შეს­რუ­ლე­ბა გვი­წევ­და, სათ­ვა­ლე გვე­ორ­თქლე­ბო­და, მხედ­ვე­ლო­ბა გვქონ­და შე­ზღუ­დუ­ლი და ასეთ პი­რო­ბებ­ში ვმუ­შა­ობ­დით პა­ცი­ენ­ტებ­თან, საკ­მა­ოდ სტრე­სუ­ლი ფონი იყო.

- აფხა­ზეთ­ში თქვენს სახლზე იცით რამე?

- ვი­ცით, რომ ჩვენს სახ­ლში გვერ­დით მცხოვ­რე­ბი აფხა­ზი ცხოვ­რობს, უვ­ლის, ასე ვთქვათ, ინარ­ჩუ­ნებს იქა­უ­რო­ბას... 5 წლამ­დე იქ ვცხოვ­რობ­დი და ჩემი სახ­ლი, ეზო და ქუ­ჩის პა­ტა­რა მო­ნაკ­ვე­თი მახ­სოვს. მე­ზობ­ლე­ბი და ნაც­ნო­ბე­ბი დაგ­ვრჩა, ახ­ლობ­ლე­ბი­დან არა­ვინ დარ­ჩე­ნი­ლა. რამ­დენ­ჯერ­მე მქონ­და ჩას­ვლის შე­საძ­ლებ­ლო­ბა, მაგ­რამ სა­კუ­თარ სახ­ლში სტუმ­რად ჩას­ვლა­ზე უარი ვთქვი...

სა­ქარ­თვე­ლო­ში წე­ლი­წად­ში რამ­დენ­ჯერ­მე ჩა­მოვ­დი­ვარ, ზა­ფხულ­საც ჩემს სამ­შობ­ლო­ში ვა­ტა­რებ ხოლ­მე. გან­სა­კუთ­რე­ბუ­ლი სიყ­ვა­რუ­ლი და მო­ნატ­რე­ბა მა­კავ­ში­რებს ჩემს ქვე­ყა­ნას­თან. უბედ­ნი­ე­რე­სი ადა­მი­ა­ნი ვიქ­ნე­ბი, რო­დე­საც სა­ქარ­თვე­ლო­ში ცხოვ­რე­ბის და საქ­მი­ა­ნო­ბის გაგ­რძე­ლე­ბის სა­შუ­ა­ლე­ბა მო­მე­ცე­მა. ამის შემ­დეგ იქ­ნე­ბა სრულ­ყო­ფი­ლი ის ბედ­ნი­ე­რე­ბის გან­ცდა, რო­მელ­საც პა­ცი­ენ­ტებ­თან ურ­თი­ერ­თო­ბით ვი­ღებ.