სიკეთის პლატფორმა, რომელიც პანდემიის დროს, ადამიანების დასახმარებლად შეიქმნა

COVID-19-მა მსოფლიოზე დიდი ზეგავლენა მოახდინა, გარდა იმისა რომ მთელი პლანეტა იზოლაციაში მოაქცია, ასევე გააჩერა მსოფლიო ეკონომიკა. შექმნილმა პანიკამ ერთბაშად დააგდო მოთხოვნა პროდუქტებისა და სერვისების უმეტესობაზე, დაიკეტა საწარმოები, მაღაზიები, საკვები ობიექტები, უამრავმა ადამიანმა დაკარგა სამსახური, ძალიან ბევრი ოჯახი დარჩა შემოსავლის გარეშე.

მსოფლიოში მიმდინარე პროცესებს არც საქართველო გამოკლებია - ქვეყანა, სადაც ეკონომიკური მდგომარეობა არც თუ სახარბიელო იყო და ძირითად მამოძრავებელ ძალად ითვლებოდა ტურიზმი, ახლა უფრო მძიმე მდგომარეობაში აღმოჩნდა. ყოველდღიურად საზოგადოებაში, სოციალურ ქსელებში ვრცელდება ინფორმაცია ულუკმაპუროდ დარჩენილ ადამიანებზე, ოჯახებზე, გაჭირვებულ მოხუცებზე, გაკოტრებულ ბიზნესებზე, უიმედოდ დარჩენილ ხალხზე.

არსებული მძიმე სიტუაციიდან გამოსავლის ძიებაში, შეიქმნა სიკეთის პლატფორმა - საერთაშორისო ფონდი www.worldunitedcare.com, რომელიც საშუალებას აძლევს ნებისმიერ მსურველს განათავსოს პროექტი და მიიღოს დაფინანსება ან დონაცია. პროექტი შეიძლება იყოს ნებისმიერი ხასიათის, როგორც საქველმოქმედო, ასევე სოციალურ ან ბიზნეს საქმიანობასთან დაკავშირებული. პლატფორმის მომხმარებლებს გზა ეხსნებათ სახსრების მოსაზიდად არამხოლოდ საქართველოდან, არამედ მთელი მსოფლიოდან.

პლატფორმაზე არის განთავსებული ონლაინ მაღაზიაც, სადაც იყიდება ქართული სტარტაპებისა და სოციალური საწარმოების მიერ შექმნილი პროდუქცია, რომელთა გაყიდვიდან შემოსული თანხის ნაწილი, პლატფორმის ბენეფიციარებს ერიცხებათ.

გაიგეთ მეტი საქველმოქმედო პლატფორმის შესახებ აქ