მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რომელი სისხლის ჯგუფის მქონე ადამიანები არიან COVID-19-ის ნაკლები რისკის ქვეშ - ევროპელი მეცნიერების კვლევა
16:01 / 19-06-2020
ადამიანის სისხლის ჯგუფი და სხვა გენეტიკური ფაქტორები, შესაძლოა, განსაზღვრავდეს იმას, თუ რამდენად მარტივად, ან რთულად გადაიტანს COVID-19-ს. ამის შესახებ სააგენტო "როიტერსი“, ევროპელ მკვლევართა კვლევაზე დაყრდნობით წერს.
სააგენტოს ცნობით, მკვლევარებმა შეისწავლეს თუ რატომ მიმდინარეობს ზოგიერთ პაციენტში COVID-19 უფრო რთულად, ხოლო ზოგიერთში მსუბუქად.
კვლევა The New England Journal of Medicine-ში გამოქვეყნდა. კვლევის თანახმად A ჯგუფის (მეორე ჯგუფი) სისხლის მქონე ადამიანები არიან ინფიცირების უფრო მეტი რისკის ქვეშ, მათ უვითარდებათ უფრო მწვავე სიმპტომები და დაავადება უფრო რთულად მიმდინარეობს.
ევროპაში ეპიდემიის პიკის დროს მკვლევარებმა გააანალიზეს 4 000-ზე მეტი პაციენტის გენები იმისთვის, რომ ეპოვათ, რა იყო კორონავირუსით ინფიცირებულებს შორის საერთო, განსაკუთრებით იმ პაციენტებში, რომლებიც კრიტიკულად მიიჩნეოდნენ.
ნორვეგიელმა, გერმანელმა და ბრიტანელმა მვლევარებმა იპოვეს კავშირი COVID-19-ის სიმძიმესა და ინფიცირებულის სისხლის ჯგუფს შორის.
კვლევის თანახმად, რისკი იმისა, რომ COVID-19 მწვავე ფორმას მიიღებს, 45%-ით მაღალია იმ პაციენტებში, რომლებსაც A ჯგუფის (მეორე ჯგუფი) სისხლი აქვთ, სხვა ჯგუფის სისხლის მქონე ადამიანებთან შედარებით, გარდა O ჯგუფისა (პირველი ჯგუფი).
O ჯგუფის (პირველი ჯგუფი) სისხლი მქონე ადამიანები კი, სხვებთან შედარებით ნაკლები რისკის ქვეშ არიან. კვლევის მიხედვით, ამ ჯგუფის სისხლის მქონე პაციენტებში 35%-ით ნაკლებია შანსი იმისა, რომ ვირუსი გამწვავდეს (სხვა ჯგუფების სისხლის მქონე ადამიანებთან შედარებით).
მეცნიერთა თქმით, ეს კვლევა დაეხმარებათ, რომ ბიოლოგიურად უკეთესად შეისწავლონ COVID-19 და მომავალში უფრო მეტი შესაძლებლობა გაჩნდეს წინასწარ განსასაზღვრად, თუ რომელ ადამიანში შეიძლება მიიღოს მან მწვავე ფორმა.
შენიშვნა: განასხვავებენ სისხლის 4 მთავარი ჯგუფს: A, B, AB და O. მათი შესაბამისობა ციფრებთან ასეთია:
O - პირველი ჯგუფი
A - მეორე ჯგუფი
B - მესამე ჯგუფი
AB - მეოთხე ჯგუფი.
თითოეული ჯგუფი შეიძლება იყოს ან RhD პოზიტიური, ან RhD ნეგატიური.
კორონავირუსის ახალი შტამი, COVID-19 ჩინეთის ქალაქ უხანიდან გავრცელდა. ჯანდაცვის მსოფლიო ორგანიზაციამ პანდემია 11 მარტს გამოაცხადა. ვირუსთან დაკავშირებით ბევრი რამ ჯერ კიდევ ბუნდოვანია და მის სამკურნალოდ არ არსებობს მედიკამენტი და არც ვაქცინა. ამ დროისთვის, გლობალური მასშტაბით, ვირუსით 8.6 მილიონი ადამიანი დაინფიცირდა, მათ შორის, 455 000-ზე მეტი პაციენტი გარდაიცვალა, ხოლო 4.5 მილიონი გამოჯანმრთელდა.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მერე ნეგატიურ პოზიტიურიდან რომელია უფრო საშიში?
მეორე ჯგუფი ყველაზე გავრცელებულია და ამას კვლევის დროს არ ააქვს მნიშვნელობა?