14
მაისიდღის ზოგადი ასტროლოგიური პროგნოზი
12 წლის სალომე ტატიშვილის გარდაცვალებაში ბრალდებული გიორგი ლიპარტელიანის საქართველოში ექსტრადირება განხორციელდა. ამის შესახებ პროკურატურის ბრიფინგზე გახდა ცნობილი.
"საქართველოს გენერალური პროკურატურის შუამდგომლობის საფუძველზე და საქართველოს იუსტიციის სამინისტროს სპეციალური პენიტენციური სამსახურის თანამშრომლების მიერ ჩეხეთის რესპუბლიკიდან საქართველოში ექსტრადირებული იქნა საქართველოს სამართალდამცავი ორგანოების მიერ ძებნილი, გაუფრთხილებლობით სიცოცხლის მოსპობისთვის მსჯავრდებული გ.ლ.
საქართველოს უზენაესი სასამართლოს განაჩენით გ.ლ. დამნაშავედ იქნა ცნობილი საქართველოს სისხლის სამართლის კოდექსის 116-ე მუხლის პირველი ნაწილით და მასზე გამოცხადებული იყო საერთაშორისო ძებნა ინტერპოლის წითელი ცირკულარით.
სასამართლოში დადასტურდა, რომ 2016 წლის 10 იანვარს სამთო-სათხილამურო კურორტ გუდაურში, ე.წ. „კუდები 3“ ტრასაზე თხილამურით სრიალისას გ.ლ.-მ უგულებელყო წინდახედულობის ნორმები, არ გაუწია კონტროლი თავის მოძრაობას, არ შეუფარდა სრიალის სიჩქარე და მანერა არსებულ პირობებს და გარემოს, არ შეარჩია წინა მოსრიალისთვის უსაფრთხო მარშრუტი და დისტანცია და უკნიდან, დიდი სისწრაფით შეეჯახა იმავე სასრიალო ტრასაზე მოსრიალე არასრულწლოვან 12 წლის ს.ტ.-ს, რომელიც შეჯახების შედეგად მიღებული დაზიანებების გამო ადგილზე გარდაიცვალა.
საქართველოს მიერ ძებნილი გ.ლ. ჩეხეთის რესპუბლიკის სამართალდამცავმა ორგანოებმა დააკავეს. შესაბამისად, საქართველოს გენერალურმა პროკურატურამ ჩეხეთის რესპუბლიკის იუსტიციის სამინისტროს, მისი ექსტრადიციის შუამდგომლობით მიმართა.
ქართული მხარის შუამდგომლობა ჩეხეთის რესპუბლიკის კომპეტენტური ორგანოების მიერ სრულად იქნა დაკმაყოფილებული და მხარეთა ეფექტური თანამშრომლობის შედეგად საქართველოს იუსტიციის სამინისტროს სპეციალური პენიტენციური სამსახურის თანამშრომლების მიერ განხორციელდა გ.ლ.-ს საქართველოში ეტაპირება" - ნათქვამია განცხადებაში.
ცნობისთვის, 2016 წლის 10 იანვარს გუდაურში ტრაგიკულ შემთხვევას 12 წლის სალომე ტატიშვილი ემსხვერპლა. გოგონას დიდი სისწრაფით შეეჯახა თხილამურებით მოსრიალე 18 წლის ბიჭი. გოგონა ადგილზევე დაიღუპა. ს
ტატიშვილი ცნობილი ექიმის, დავით ტატიშვილის სამედიცინო ცენტრის ხელმძღვანელის, აკადემიკოს დავით ტატიშვილის ძმისშვილი იყო.
მალევე გაირკვა რომ სალომეს 22 წლის გიორგი ლიპარტელიანი დაეჯახა. გარდაცვლილის ოჯახი მის დასჯას მოითხოვდა, თუმცა 2017 წლის 29 დეკემბერს სასამართლომ ლიპარტელიანი უდანაშაულოდ ცნო.
მოსამართლე ბესიკ ბუგიანიშვილის მიერ გამოტანილი გამამართლებელი გადაწყვეტილება გარდაცვლილის ოჯახის წევრებმა სააპელაციო სასამართლოში გაასაჩივრეს.
გასული წლის აპრილში უზენაესმა სასამართლომ საბოლოო გადაწყვეტილება გამოიტანა - 22 წლის ახალგაზრდას სხვისი სიცოცხლის გაუფრთხილებლობით მოსპობის ბრალდებით, 2 წლით თავისუფლების აღკვეთა მიესაჯა. ლიპარტელიანს სასჯელი დაუსწრებლად შეეფარდა, ვინაიდან იგი საზღვარგარეთ იმყოფებოდა.
მძიმე საქმეა , ვის უნდა მკვლელი იყოს , მაგრამ ეგ ახალგაზრდა ვერც წარმოიდგენდა რომ მსგავსი შედეგი შესაძლებელი იყო დამდგარიყო , ამიტომაც რადგანაც რეგულაციები მკაცრი არ იყო , შ.ს.ს. მ ვერ გაართვა თავი თავის დროზე უსაფრთხოების უზრუნველყოფას , ამიტომაც ციხით გვინდა ჭკუა ვასწავლოთ ამ
ახალგაზრდას , არ ვიცი ვინაა , მაგრამ ყველა ნორმალურ ადამიანს შეიძლება მსგავსი რამ შეემთხვას , ღმერთმა ყველა დაგვიფაროს ასეთი სიტუაციისაგან , არ ჯობდა ეგ პერიოდი რამე ისეთი გაეკეთებინა რაც ქალაქს გამოადგებოდა , ან ესწავლა , ან სხვა რამეში დაეხარჯა დრო , შეგნებულ ადამიანს არ სჭირდება ციხე იმისთვის რომ ჭკუა ისწავლოს , იქნებ არის ეს ადამიანი შეგნებული , იქნებ განიცდის , ამ ფაქტზე მახსენდება ლისზე რო დაჯდა გოგო ავტომობილის სასწავლებლად ბიჭმა რო დასვა , ისეთ გზაზე ატარებინებდა ბავშვები დარბოდნენ ამ გოგომ ვერ დაიმკრჩილა ახალ ნასწავლმა საჭე დაეჯახა ბავშვს და გარდაიცვალა , განაჩენი რამდენიმე წელი იყო , როცა მოსამართლემ რამდენიმე წელი არ მახსოვს ზუსტად რამდენი მიუსაჯა , ცუდათ გახდა , გული წაუვიდა , მანამდეხ როგორც ინფორმაცია გაჟღერდა ფსიქოლოგიური პრობლემები დაეწყო , ჩვენ თანამკქალაქეები ოგ ეააარაცაქს გაგებიდ უნდა მოვდკიდოღ , უფრო რრარცილრბი ვიყოღ , წრეწსწდიგი რა რრგულაციები პრეცრნდდნტიდან გამიმდინარრ კი არ უნდა მივიღოღ , პრრცრნციული უსაფრღცორბის რაღცალისწრინფვირ , სხვა ქვეყნეების გამკცდილებიდაბ უნდა გაციღვალისწინოთ და პირცელივე შემთხვევისას არ უნდა მოვკლათ ადამიანი .
მე რამდენადაც ვიცი არ იმალებოდა და ჩეხეთშიც სასწავლებლად იყო წასული