მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჰარისა და მეგანის დაცვის ხარჯებმა კანადელები აღაშფოთა - "რატომ ფინანსდებიან უმდიდრესი ოჯახის წევრები ჩვენი ფულით?!"
13:39 / 17-06-2020
კანადაში ცხოვრების დროს, კანადელი გადასახადების გადამხდელების ჯიბიდან, პრინც ჰარისა და მეგან მარკლის დაცვა 50 000 დოლარზე მეტით დაფინანსდა, ამის შესახებ ინფორმაციას dailyhive.com ავრცელებს.
გამოცემა კანადის გადასახადების გადამხდელთა ფედერაციის ცნობებზე დაყრდნობით წერს, რომ ამის დამადასტურებელი ოფიციალური დოკუმენტიც არსებობს.
აღსანიშნავია, რომ წყვილის კანადაში გადასვლისთანავე დიდი განხილვა მოჰყვა იმას, თუ ვინ იზრუნებდა მათ უსაფრთხოებაზე და ვინ გადაიხდიდა დაცვის ხარჯებს. კანადელებმა პეტიციაც კი შექმნეს, რომელსაც ხელს 100 000-მდე გადასახადების გადამხდელი აწერდა. პეტიციის ხელმომწერები მოითხოვდნენ, რომ მათი ჯიბიდან არ დაფინანსებულიყო ბრიტანელი სამეფო წყვილის დაცვა.
აღნიშნულ საკითხზე განცხადება გააკეთა კანადის პრემიერ-მინისტრმა ჯასტინ ტრუდომაც. "კანადა არ გადაიხდის ჰარისა და მეგანის დაცვის თანხას“, - აცხადებდა ტრუდო ჯერ კიდევ 2020 წლის იანვარში.
ოფიციალურად კი ახლა, თვეების შემდეგ გაირკვა, რომ წყვილის დაცვა ქვეყანას საკმაოდ დიდი თანხა დაუჯდა.
ამბავმა კანადელების აღაშფოთა და გადასახადების გადამხდელთა ფედრაციაში ამბობენ, რომ ეს ყოვლად მიუღებელია.
"რატომ უნდა დაფინანსდნენ მსოფლიოს უმდიდრესი ოჯახის წარმომადგენლები ჩვენი ფულით. კარგია, რომ კანადაში აღარ ცხოვრობენ, თორემ ეს თანხა მალე მილიონი გახდებოდა“, - ამბობენ ფედერაციაში..
ჰარიმ და მეგან მარკლმა 2020 წლის ინავარში საზოგადოებას აცნობეს, რომ ისინი ბრიტანეთის სამეფო ოჯახის წევრის სტატუსსა და პრივილეგიებზე უარს ამბობდნენ და სურდათ, რომ დამოუკიდებლად ეცხოვრათ. მათი განცხადების თანახმად, ფინანსური დამოუკიდებლობის მოპოვება უნდოდათ..
წყვილი იანვარში ბრიტანეთიდან საცხოვრებლად კანადაში გადავიდა, სადაც ორ თვეზე ცოტა მეტხანს დარჩნენ, რის შემდეგაც აშშ-ში, ნიუ-იორკში გადავიდნენ და დღემდე იქ რჩებიან. ამ დროისთვის უცნობია, თუ ვინ ზრუნავს მათ დაცვაზე და ვინ უზრუნველყოფს ფინანსურად.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გადაცხოვრდნენ :)
ნეტა ვინ დასდევთ.