მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა მდგომარეობაა საქართველოში საწვავის ფასების კუთხით და სად არის მისი ღირებულება ყველაზე დაბალი?
12:42 / 12-06-2020
11 ივნისის მონაცემებით, ერთი ბარელი WTI-ის ტიპის ნავთობის ფასი 38 აშშ დოლარია, ბრენტის ტიპის ნავთობის ფასი კი 40.22 აშშ დოლარი. გასულ თვეებთან შედარებით, ივნისის დასაწყისში ნავთობის ფასმა მკვეთრად მოიმატა.
COVID-19-ის მსოფლიო პანდემიის გამო დაწესებულმა შეზღუდვებმა ნავთობის საერთაშორისო ბაზრებზე ფასების მკვეთრი ვარდნა გამოიწვია და რეკორდულ ნიშნულს მიაღწია. სტატისტიკური მონაცემების თანახმად, ერთ ბარელ ბრენტის ტიპისნავთობზე მინიმალური ფასი - 19.33 აშშ დოლარი 21 აპრილს დაფიქსირდა, რამაც საწვავის ფასის მკვეთრი ვარდნა განაპირობა.
საქართველოში საწვავის ფასწარმოქმნას ორი ფაქტორი განაპირობებს: ნავთობის ფასი საერთაშორისო ბაზრებზე და ვალუტის გაცვლითი კურსი, რომელიც ჩვენს ქვეყანაში მცურავია. შესაბამისად, მათი ცვალებადობის დინამიკა პირდაპირ აისახება ბენზინგასამართი სადგურების ტაბლოებზე.
საქართველოს ნავთობიმპორტიორთა კავშირის თავმჯდომარის ვანო მთვრალაშვილის განმარტებით, საერთაშორისო ბაზარზე ნავთობის ფასი მარტის შემდეგ ყველაზე მაღალ ნიშნულზეა, რაც როგორ ოპეკის შეთანხმებამ, ისე საწვავზე მოთხოვნის ზრდამ განაპირობა.
„ჩვენთანბოლო 3-თვიან ჭრილს ანუ კარანტინის პერიოდს თუ ავიღებთ, ფასების შემცირება საცალო ქსელში საშუალოდ, 70-80 თეთრით დაფიქსირდა აბსოლუტურად ყველა ოპერატორზე, მაგრამ იმის გამო, რომ საერთაშორისო ბაზარზე ფასები არის გაზრდილი, საქართველოს საბითუმო ბაზარზეც მოიმატა ფასმა. ამის შედეგად, ზოგიერთ არაბრენდირებულ გასამართსადგურზე დაფიქსირდა საშუალოდ, 5 თეთრით ფასებით მატება“, - განმარტა მან.
ვანო მთვრალაშვილის თქმით, მოკლევადიანი პროგნოზით ბრენდულ გასამართ სადგურებზე ფასები შეიძლება, სტაბილური დარჩეს, ხოლო არაბრენდულებზე ისევ დაკორექტირდეს და მცირედით გაიზარდოს.
მისივე განმარტებით, მომხმარებლების დიდი ნაწილი სარგებლობს ლოიალური მომხმარებლის ბარათებით, რაც საშუალებას აძლევთ, საწვავი ზოგად ფასებთან შედარებით უფრო იაფად შეიძინონ.
„შეიძლება ითქვას, თითქმის ყველა მომხმარებელს აქვს ლოიალური მომხმარებლის ბარათი და შესაძლოა, ერთი მომხმარებელი ყველა კომპანიის ბარათითაც სარგებლობდეს. გარდა იმისა, რომ ქსელურ გასამართ სადგურებს კონკრეტულ ნიშნულზე აქვთ ფასი, ისინი შაბათ-კვირას საკმაოდ კარგი შეთავაზება აქვთ მომხმარებლებთან - 15%-35%-იც კი, რაც საშუალოდ, 10-15-20-თეთრიანი ფასდაკლებაა და რეალურად, მომხმარებელი არსებულ ფასებთან შედარებით, გაცილებით დაბალი ღირებულებით იღებს საწვავს“, - განმარტა ნავთობიომპორტიორთა კავშირის თავმჯდომარემ.
როგორია საწვავის ფასები დღეს? – 10 ივნისის მონაცემებით, ჩვენ რამდენიმე ბრენდული საწვავის ღირებულება შევადარეთ:
- რეგულარი – „ლუკოილი“ – 1.78 ლარი; „სოკარი“ – 1.80 ლარი; „ვისოლი“ – 1.80; „გალფი“ – 1.89 ლარი, „რომპეტროლი“ – 1.89 ლარი.
- პრემიუმი - „ლუკოილი“ – 1.89 ლარი; „სოკარი“ – 1.90 ლარი; „გალფი“ – 1.94; „ვისოლი“ – 1.95 ლარი; „რომპეტროლი“ – 1.99.
- სუპერი - „სოკარი“ – 2.10 ლარი; „ვისოლი“ – 2.12 ლარი; „ლუკოილი“ – 2.13; „გალფი“ – 2.14 ლარი; „რომპეტროლი“ – 2.18 ლარი.
- დიზელი - „სოკარი“ – 1.80; „ვისოლი“ – 1.92.
- ევროდიზელი - „გალფი“ და „ლუკოილი“– 1.89 ლარი; „სოკარი“ – 1.90; „რომპეტროლი“ – 1.95 ლარი; „ვისოლი“ – 1.97 ლარი.
- ბუნებრივი აირი (CNG) - „სოკარი“ – 1.30 ლარი; “გალფი“ – 1.39 ლარი; „ვისოლი“ – 1.39 ლარი.
ბრენდულ ავტოგასამართ სადგურებზე მომხმარებლებს სხვადასხვა ფასდაკლებითა და ლოიალური მომხმარებლის ბარათით სარგებლობა შეუძლიათ, ამიტომ 10 ივნისის ფასდაკლებებით საწვავის ფასები ასეთი იყო:
- რეგულარი– „ვისოლი“ – 1.70 ლარი; „ლუკოილი“ – 1.70 ლარი; „სოკარი“ – 1.71 ლარი; „რომპეტროლი“ – 1.77 ლარი;„გალფი“ – 1.79 ლარი.
- პრემიუმი - „ლუკოილი“ – 1.79; „სოკარი“ – 1.81; „გალფი“ – 1.84; „ვისოლი“ – 1.85; „რომპეტროლი“ – 1.87 ლარი.
- სუპერი - „სოკარი“ – 2.01 ლარი; „ვისოლი“ – 2.02 ლარი; „ლუკოილი“ – 2.03; „გალფი“ – 2.04 ლარი; „რომპეტროლი“ – 2.06 ლარი.
- დიზელი - „სოკარი“ – 1.71; „ვისოლი“ – 1.82 ლარი.
- ევროდიზელი - „გალფი“ და „ლუკოილი“– 1.79 ლარი; „სოკარი“ – 1.81 ლარი; „რომპეტროლი“ – 1.83 ლარი; „ვისოლი“ – 1.87 ლარი.
- ბუნებრივი აირი (CNG) - „სოკარი“ – 1.25 ლარი; “გალფი“ – 1.29 ლარი; „ვისოლი“ – 1.34 ლარი ლარი.
საწვავზე შემცირებულ ფასებს ლოიალური მომხმარებლის ბარათები კიდევ უფრო ამცირებს და საბოლოო ჯამში, დღეს საწვავი ხელმისაწვომ პროდუქტად შეიძლება ჩაითვალოს, თუმცა უცნობია, დაუბრუნდება თუ არა მისი ფასი ძველ ნიშნულს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რომელი სულელი დაიჯერებს რომ ყველა ოპერატორი არ არის ცჰეკრული,,, დგეს ერტი დააკლებს კაპიკებს ხვალ მეორე და აასე,,,.სანაცვლოდ მიდის მომატებები,,,,. ვინ ამოწმებს რაოდენობებს ცჰასხმული ლიტრების,,,.არავინ,,.