2
აპრილიდღის ზოგადი ასტროლოგიური პროგნოზი
ერთიანი ეროვნული გამოცდები 6 ივლისს დაიწყება და 25 ივლისს დასრულდება. განათლების სამინისტროს ინფორმაციით, საგრანტო კონკურსი 25 ივლისს გაიმართება, ხოლო სამაგისტრო გამოცდები 1-ელი აგვისტოდან 4 აგვისტოს ჩათვლით ჩატარდება.
ამასთან, ოფიციალური ინფორმაციით, დაავადებათა კონტროლის ეროვნული ცენტრის რეკომენდაციის შესაბამისად, გამოსაცდელთა და მეთვალყურეთა დაშვება მოხდება მხოლოდ ყოველი საგამოცდო სექტორის ფართობის 50 %-ზე. საგამოცდო ცენტრების თითოეულ სექტორში წელს 10 გამოსაცდელზე მეტი არ დაიშვება. ყოველი სამუშაო მაგიდა წინა მხრიდან აღჭურვილი იქნება გამჭვირვალე დამცავი ფარით/ბარიერით, მაგიდებს შორის სიგანეში დაშორება იქნება 2 მეტრი, ერთმანეთის მიმდევრობით განლაგებულ მაგიდებს შორის მანძილი კი - 1 მეტრი.
გარდა ამისა, შეფასებისა და გამოცდების ეროვნული ცენტრი თითოეულ გამოცდაზე ყოველ გამოსაცდელს შესთავაზებს პირბადეს.
ერთიანი ეროვნული გამოცდების უსაფრთხოდ ჩატარების საკითხზე განცხადება მთავრობის ადმინისტრაციაში რამდენიმე წუთში გაკეთდება.
გამოცდები უნდა ჩატარდეს, მაგრამ კოვიდ სიტუაციიდან გამომდინარე უმჯობესია აბიტურიენტებმა ჩააბარონ ერთი გამოცდა სპეციალობების მიხედვით. ბევრი ქვეყანა სწორედ ამ მეთოდით აპირებს გამოცდების ჩატარებას, რათა ხელი არ შეეწყოს ეპიდემიური სიტუაციის გაუარესებას.