მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დიეტის დაცვის 15 მთავარი წესი მანანა მგალობლიშვილისგან, რომელიც ექიმმა პირადი გამოცდილებით შეიმუშავა
11:48 / 09-06-2020
რეპროდუქციული მედიცინის და უშვილობის ცენტრის ექიმი, მანანა მგალობლიშვილი, მათ ვისაც წონაში დაკლება სურთ, დიეტის დაცვის 15 მთავარ პრინციპს უზიარებს. ექიმი ამის შესახებ "ფეისბუქის" პირად გვერდზე წერს.
როგორც გინეკოლოგი აღნიშნავს, ეს წესები მისი პირადი გამოცდილების მიხედვით არის შემუშავებული. მანანა მგალობლიშვილის პოსტს უცვლელად გთავაზობთ.
"მინდა მოგიყვეთ ჩემი გამოცდილების შესახებ, როგორ ვიკლებ წონაში მაშინ, როდესაც ეს მჭირდება. როგორ ვინარჩუნებ წონას და რაც მთავარია, კარგ განწყობას.
ერთ-ერთი უმთავრესი პირობა წონის კლებისას არის მდგომარეობა, რომელიც არ თრგუნავს ადამიანს ფსიქოლოგიურად, შიმშილი ორგანიზმისთვის დიდი სტრესია, რომელიც გაცილებით უფრო მავნებელია, ვიდრე ჭარბი წონა.
გირჩევთ, რომ თუ ხართ დიეტაზე და ამ დროს გაგიჩნდათ "აკრძალული“ პროდუქტის ჭამის ძლიერი სურვილი, უნდა მიირთვათ, დაკმაყოფილდეთ, მაგრამ შემდგომში არ უნდა შეგაწუხოთ სინდისის ქეჯნამ დარღვეული დიეტის გამო და მშვიდად უნდა გააგრძელოთ ის კვება, რომელიც წონის დაკლებისთვის ან შენარჩუნებისთვის გაქვთ დანიშნული.
გთავაზობთ ძირითად პრინციპებს, რომელიც უნდა დაიცვათ წონის კლების დროს:
- მიირთვით საკვები დღეში 4-5 ჯერ, 3-4 საათიანი ინტერვალით და მცირე ულუფებით.
- კვებიდან-კვებამდე, შუალედებში დალიეთ მხოლოდ წყალი, ნელ-ნელა და ცოტ-ცოტა.
- დღის განმავლობაში წყლის რაოდენობის გამოთვლა ასე ხდება: თქვენი წონა გამრავლებული 30-ზე. მაგალითად, თუ იწონით 60 კგ-ს, დღეში დალიეთ 1800 მლ, ანუ 1,8 ლიტრი წყალი.
- წყლის უფრო მეტი რაოდენობა უნდა დალიოთ დღის პირველ ნახევარში,საღამოს ნაკლები.
- უზმოზე აუცილებელია 250-300 მლ წყლის დალევა.
- ჭამამდე 20 წუთით ადრე და ჭამის შემდეგ 20 წუთის განმავლობაში წყლის მიღება არ შეიძლება.
- დაიცავით ერთი თეფშის პრინციპი: საკვები მოათავსეთ ერთ თეფშზე და მიირთვით მხოლოდ ასე. არასდროს გადაიღოთ და/ან დაამატოთ იმას, რაც თავიდანვე დადეთ თეფშზე.
- მიიღეთ ნაკლებცხიმიანი ხორცი (საქონელი, ქათამი, ინდაური, თევზი) უმჯობესია გრილზე ან ჰაერღუმელში უცხიმოდ შემწვარი ან მოხარშული.
- დღეში მხოლოდ ერთხელ, დღის პირველ ნახევარში მიირთვით ამათგან რომელიმე ერთ-ერთი: წიწიბურა, შვრია, ბრინჯი, ბარდა, ლობიო, კუსკუსი ან უსაფუარო პური.
- მიირთვით რაც შეიძლება მეტი უმი ბოსტნეული: კომბოსტო, სტაფილო, ბულგარული წიწაკა, სალათის ფურცლები, ნებისმიერი მწვანილი და ა. შ.
- რაციონიდან ამოიღეთ: ტკბილეული, შაქარი, ცხიმიანი საკვები, ტკბილი სასმელები, ცომეული. თუმცა, როგორც ზემოთ ავღნიშნე, მცირე რაოდენობით უსაფუარო პური დასაშვებია დღეში ერთხელ. ზოგჯერ, კვირაში ერთხელ შეიძლება საკუთარი თავი გავანებივროთ ისეთი საკვებით, რომელიც ძალიან გვიყვარს, მაგალითად შოკოლადი, ნაყინი, ნამცხვარი ან ნებისმიერი ჩვენთვის „აკრძალული“ პროდუქტი შეგვიძლია მივირთვათ დღის პირველ ან მეორე კვებაზე, როგორც ერთი კვება და არა დესერტად ან კვებასა და კვებას შორის, ცხადია შეზღუდული რაოდენობით, მთავარია სურვილი მეტნაკლებად დაიკმაყოფილოთ იმისთვის, რომ შემდგომში თავი უფრო მშვიდად იგრძნოთ.
- დღის მეორე ნახევარში, დაახლოებით 17 საათამდე მიირთვით სადილი, რომელიც სამი 3 ნაწილისგან შედგება: 1. ხორცი ან კვერცხი, 2.ბოსტნეული შეუზღუდავი რაოდენობით 3. გარნირი (დაახლოებით 150-300 გრ.ბრინჯი, წიწიბურა ან სხვა) საკვები უნდა იყოს ნაკლებცხიმიანი
- ხილი მიირთვით ზომიერი რაოდენობით დღის პირველ ნახევარში
- საღამოს 5 საათის შემდეგ კვება უნდა შედგებოდეს მხოლოდ 1 ჭიქა კეფირი ან მაწონისგან. დაძინებამდე მინიმუმ 2 საათით ადრე.
- თუ გიყვართ ყავა, ყოველთვის დააყოლეთ მას 1 ჭიქა წყალი", - წერს მგალობლიშვილი.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და ეს ეხლა გამხდარია? ე.ი სულ ტყუილად ვნერვიულობ საკუთარ თავზე ცოტა მაგ ქალბატონზე გამხდარი ვარ :(
ეგ დიეტა დიდი ხნისაა შენ ახალი თქვი რამე!