მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მანქანების გატაცება, შეიარაღებული ჩინოსნები და ბომბები რიგითი აფხაზების სახლებში - ასლან ბჟანია აფხაზური კრიმინალის პირისპირ
10:30 / 09-06-2020
ბოლო დროს რუსეთის მიერ ოკუპირებული აფხაზეთის ე.წ. პრეზიდენტის ინიციატივას, რომ კრიმინალის დასამარცხებლად, შეუწყნარებელი ბრძოლა უნდა გამოცხადდეს, ადგილობრივ მოსახლეობაში აზრთა სხვადასხვაობა მოჰყვა. აფხაზების თქმით, ყველა "ხელისუფლება", რომელიც ამ ინიციატივით გამოდის, ბოლოს ან მათთან გარიგებაში შედის, ან მათთან ბრძოლას ეწირება.
"ვნახოთ რა გამოუვა ასლან ბჟანიას", - წერენ აფხაზები აფხაზეთის ლიდერის პასუხად.
"გაიხედეთ გარეთ, 21-ე საუკუნეა... არავითარი "მაყურებლები" და მსგავსი ელემენტები ჩვენს რეალობაში არ უნდა იყვნენ. არ გვჭირდება ისინი. მე არავისთვის თავის მოჭრის ინციატივით არ გამოვდივარ, მაგრამ თუ ჩვენ ერთ პრობლემას არ მოვაგვარებთ, ის მეორეს გამოიწვევს და ასე იქნება სულ. საბოლოოდ, მივიღებთ იმას, რომ ტურისტები ქვეყანაში აღარ ჩამოვლენ, რადგან ტურისტმა შეუძლებელია დაისვენოს სახელმწიფოში, მასობრივი მკვლელობის ფონზე. არაერთხელ დაგვისვამს კითხვა, რა რაოდენობით იარაღს ინახავს ჩვენი მოსახლეობა სახლში, მხოლოდ ცეცხლსასროლს კი არა, მსხვილკალიბრიან იარაღს, ბომბებს, თვითნაკეთი ასაფეთქებელ მოწყობილობებს ვგულისხმობ?! ვის რაში და რატომ სჭირდება ამდენი იარაღი, ეს არის ჩვენთვის ყველაზე მნიშვნელოვანი პრობლემა. დანაშაულთან ბრძოლაში, ხალხს სამართალდამცავი ორგანოები უნდა ეხმარებოდნენ", - განაცხადა ბჟანიამ.
დაახლოებით მსგავსი შინაარსის განცხადება გააკეთა რაულ ხაჯიმბამ შარშან მარტში, რომლის თანახმადაც, დიდი რაოდენობით იარაღის შენახვა-ტარება, "სისხლის სამართლის დანაშაულად" გამოცხადდა, თუმცა ამით არაფერი შეცვლილა. აფხაზების თქმით, პირიქით, გავლენიანი კლანის წარმომადგენლებმა არსენალი გაამდიდრეს.
ადგილობრივების ცნობით, ე.წ. პროკურატურისა და ძალოვანი უწყებების მუშაობაში არაფერი შეცვლილა - ისინი კრიმინალებთან კვლავაც გარიგებული არიან. გავრცელებული ინფორმაციით, ე.წ. კანონიერ ქურდებთან მოლაპარაკებას ცდილობს "პრემიერ-მინისტრი" ალექსანდრე ანქვაბი, რათა მათი კონტროლის ქვეშ არსებული ბიზნესი გაათავისუფლოს.
"ახლა ვნახავთ, რამდენად იმსახურებს ხისტი, სასტიკი და შეუბრალებელი ანქვაბი "რკინის ალიკას" სტატუსს. ჩვენს მის მხარეს ვართ, თუკი ეს საკმარისია", - წერს ადგილობრივი მარი ანუა.
"თუმცა, ამის კვალდაკვალ რამდენიმე ადამიანის, მათ შორის თანამდებობის პირების, ან ყოფილი ძალოვნების სახლებში ჩატარდა ჩხრეკა და სხვადასხვა დასახელების იარაღთან ერთად, ყუმბარმტყორცნები და ბომბებიც ამოიღეს. ამიტომაც, ალბათ არავის უკვირს 5 ივნისს რუსეთის საელჩოში შესული შეტყობინება, იქ ბომბის არსებობის შესახებ. გამკაცრებული უსაფრთხოების ზომები ახლაც არ არის მოხსნილი. თუმცა, ჩვენს ხელისუფლებასა და მათ მიერ კონტროლირებად მედიას რომ ჰკითხოთ, აფხაზეთში ანტირუსული განწყობები არ არის, მაშ რას ემსახურებოდა ის მიმართვა?!" - წერს აფხაზი ინტერნეტმომხარებელი, დათო ჭკადუა.
ადგილობრივების თქმით, გასული კვირა მანქანების გატაცების მხრივ, უპრეცენდენტო იყო. აფხაზები წერენ, რომ შარშან ამ დროს მოსახლეობა ტურიზმისთვის ემზადებოდა, წელს კი, სრული იმედგაცრუებაა, შესაბამისად, იმატა დანაშაულმა.
"როგორც ჩანს, კრიზისი მსხვილ ბიზნესმენებზეც აისახა, ან უბრალოდ მიზეზს ეძებენ, რომ იაფად გამოვიდნენ. რამდენიმე დღის წინ სოხუმში, მშენებლობაზე ყაზახეთიდან სამუშაოდ ჩამოსულმა კაცმა ცეცხლი გახსნა. როგორც ირკვევა, დაჭრილია ერთი ადამიანი. სავარაუდოდ, ყაზახი ნასვამი იყო, მას შრომის საფასური არ გადაუხადეს, ვეღარც სახლში დაბრუნდა და ჯავრი უბრალო ადამიანებზე იყარა. მშენებლობის ბიზნესი ფაქტობრივად სომხებმა გადაიბარეს, დასკვნები თქვენთვის მომინდვია", - წერს კიდევ ერთი ადგილობრივი, ნათელა ჩაჩხალია.
ekhokavkaza.com-ს ცნობით, გასული კვირა კიდევ იმით იყო "მნიშვნელოვანი", რომ "სოხუმის რესპუბლიკური საავადმყოფოდან პატიმარი პაციენტი გაიქცა. ის განსაკუთრებით დიდი ოდენობით იარაღის უკანონო შენახვისთვის იყო დაკავებული. საქმე ის არის, რომ გურგენ კირაკოზიანმა ბორკილებიდან ხელები გაითავისუფლა, ზეწრები ერთმანეთს გადააბა, მესამე სართულიდან გადმოცოცდა და ასე დატოვა საავადმყოფოს სპეფციალური პალატა, რომელის ფანჯრებსაც რკინის გისოსები აქვს. რასაკვირველია, დაუჯერებელია", - წერს გამოცემა.
აფხაზების ცნობით, ფოტოები, რომელზეც ფანჯრიდან გამოკიდებული ზეწრები ფრიალებდა და სოციალურ ქსელში გავრცელდა, დადგმული იყო, სინამდვილეში, "სომეხმა რემბომ", რომელსაც იარაღის ტარებასთან ერთად, ნარკორეალიზაციასაც ედავებიან, შეიარაღებულ დაცვას ფული გადაუხადა და ასე გაიპარა საავადმყოფოდან და არავითარი ფანტასტიკის ჟანრის ფილმის პერსონაჟთან არ გვაქვს საქმე. მხოლოდ ფული, მეგობრებო, მუქთა ფული, რომელიც ჩვენს ხალხს ძალიან უყვარს", - წერს ბეჟან კვირკვია.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აფხაზებო და ქართველებო აზზე მოდით აი მაგ სომხებმა..........ჩააგდეს ჩორტი თქვენს შორის თქვე ბატკნებო
ჯერ სად ხართ აფსუებო..შორს არაა ის დრო ენგურს აქეთ გადმოგრეკონ სომხებმა...