მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სომხეთში კორონავირუსიანი პაციენტები იმის გამო იღუპებიან, რომ საავადმყოფოებში ადგილი არ არის - "ჩვენ უკვე ჯოჯოხეთს გავდივართ..."
11:36 / 08-06-2020
კორონავირუსის პანდემიის გამო სომხეთის საავადმყოფოებში ადგილი აღარ არის. გარდაიცვალა პაციენტი, რომელიც კლინიკაში ვერ გადაიყვანეს.
სომხეთის პრემიერ-მინისტრმა ნიკოლ ფაშინიანმა ბრიფინგზე განაცხადა, რომ ქვეყანაში კორონავირუსით ინფიცირებული 200-მდე ადამიანი ჰოსპიტალიზაციის რიგს ელოდება. ამ ფონზე კი, ინფიცირებულთა რიცხვი ისევ იმატებს და გამოჯანმრთელებულთა რაოდენობას მკვეთრად აჭარბებს.
მანვე შოკისმომგვრელი ინფორმაცია გააჟღერა და განაცხადა, რომ ადამიანი მხოლოდ იმის გამო გარდაიცვალა ვირუსით, რომ მისი გადაყვანა კლინიკაში ვერ შეძლეს:
"სამწუხაროდ, დღეისათვის რესპუბლიკაში კორონავირუსით ინფიცირებული დაახლოებით 200 ადამიანი ჰოსპიტალიზაციის რიგს ელოდება. ჩვენი ჯანდაცვის სისტემა ისეა გადატვირთული, რომ საავადმყოფოებში ვერ იღებენ იმ პაციენტებს, რომლებიც ჰოსპიტალიზაციას საჭიროებენ.
მეტსაც გეტყვით, უკვე ჩვენ გვქონდა შემთხვევა, როცა სამედიცინო დახმარების აღმოჩენის დაგვიანების გამო, ადამიანი დაიღუპა. ამას ორმაგი მიზეზი ჰქონდა - ერთი ის, რომ ოჯახმა გვიან შეატყობინა სამედიცინო დაწესებულებას პაციენტის მდგომარეობის შესახებ და შემდეგ, სამწუხაროდ, რეაქციამაც დაიგვიანა" - აღნიშნა პრემიერმა.
კიდევ ორი ადამიანი გარდაიცვალა, რომელთაც სასწრაფოდ ესაჭიროებოდათ ინტენსიური თერაპიული მკურნალობა, თუმცა ექიმებმა დახმარება ვერ აღმოუჩინეს, რადგან რეანიმაციები სრულიად გადატვირთულია.
ამასთან, როგორც ფაშინიანმა აღნიშნა, ქვეყანა უკვე კრიტიკულ სიტუაციამდე მივიდა.
"ჩვენ უკვე ჯოჯოხეთს გავდივართ. პრობლემის გადაწყვეტა კი ერთადერთია - მთელ ქვეყანაში უნდა დაიწყოს ანტიპანდემიური მოძრაობა და ყველა მოქალაქემ უნდა გააცნობიეროს, რომ ამ პირობებში, როცა საავადმყოფოებში ადგილი არ არის, ის ან მისი ახლობელი შეიძლება ემსხვერპლოს ვირუსს.
დღეს ჩვენ ახლოს ვიყავით, მიგვეღო გადაწყვეტილება ტოტალური კარანტინის შემოღების თაობაზე, თუმცა საბოლოო ჯამში მივედით იმ დასკვნამდე, რომ ეს გადაწყვეტილება სასურველ შედეგს ვერ გამოიღებს" - აღნიშნა სომხეთის პრემიერმა.
საგანგებო მდგომარეობა სომხეთში 16 მარტს შემოიღეს და ორჯერ გააგრძელეს, ბოლოს 13 ივნისამდე. თუმცა, 18 მაისის შემდეგ ქვეყანაში ფაქტობრივად ყველა დაწესებულება მუშაობს, მოძრაობს ტრანსპორტი და მუშაობს საბავშო ბაღებიც კი.
დღეის მონაცემებით, სომხეთში კორონავირუსი 13 500-მდე ადამიანს დაუფიქსირდა, მათგან 4 000 გამოჯანმრთელდა, 200-ზე მეტი პაციენტი კი გარდაიცვალა.
ამასთან, კორონავირუსისგან გამოჯანმრთელდნენ სომხეთის პრემიერ-მინისტრი ნიკოლ ფაშინიანი და მისი ოჯახის წევრები, რომელთაც ვირუსი 31 მაისს დაუდასტურდათ. პრემიერმა სოციალურ ქსელ "ფეისბუქში" დაწერა, რომ განმეორებითი ტესტის პასუხები კორონავირუსზე უარყოფითია.
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იმედია ვაქცინას მალე გამოიგონებენ თორემ ადრე თუ გვიან ჩვენც იგივე ბედი გველის.
რა დახმარება, გაიხსენეთ 1897 წელს პირველი საქრთველო დადგა სომხეთის გვერდიით, მერე გახსოვთ ალბათ რით გადაგვიხადეს მადლობა აფხაზეთშიც და სხვგანაც