ახალ ზელანდიაში COVID-19-ის არც ერთი აქტიური შემთხვევა აღარ არის - რა გზა გაიარა ქვეყანამ "ბრძოლის მოსაგებად"

ახალი ზელანდიის ხელისუფლება აცხადებს, რომ ქვეყანაში კორონავირუსისგან დაინფიცირებული ყველა პაციენტი გამოჯანმრთელდა და შესაბამისად, იქ არც ერთი აქტიური შემთხვევა აღარ არის.

ამის შესახებ ქვეყნის ჯანდაცვის სამინისტროს "ტვიტერის“ ოფიციალურ გვერდზეც გამოაქვეყნეს განცხადება, სადაც ნათქვამია:

"დღეს შეგვიძლია გაცნობოთ, რომ ახალ ზელანდიაში კორონავირუსის არც ერთი აქტიური შემთხვევა აღარ არის“.

<blockquote class="twitter-tweet"><p lang="en" dir="ltr">Today we can announce that there are now no active cases of COVID-19 in New Zealand! Read our full update at <a href="https://t.co/YYbSSBzUJC">https://t.co/YYbSSBzUJC</a> <a href="https://t.co/GEMQ1QghgA">pic.twitter.com/GEMQ1QghgA</a></p>&mdash; Ministry of Health - Manatū Hauora (@minhealthnz) <a href="https://twitter.com/minhealthnz/status/1269800391794757632?ref_src=twsrc%5Etfw">June 8, 2020</a></blockquote> <script async src="https://platform.twitter.com/widgets.js" charset="utf-8"></script>

აღსანიშნავია, რომ ქვეყანაში ბოლო 17 დღეა COVID-19-ის ახალი შემთხვევა არ გამოვლენილა. ახალი ზელანდია მაისის მიწურულიდან უკვე გადავიდა შეზღუდვების მოხსნის ეტაპზე და დღეს უკვე ყველა შეზღუდვა მოხსნილია, ბიზნესი მუშაობას ჩვეულებრივ რეჟიმში აგრძელებს, თუმცა ადამიანები მაინც ფრთხილობენ.

ეპიდემიის გავრცელების დღიდან ქვეყანაში კორონავირუსით 1 504 ადამიანი დაინფიცირდა, აქედან 22 - გარდაიცვალა, დანარჩენები კი გამოჯანმრთელდნენ.

ამ ყველაფრის გათვალისწინებით, ახალი ზელანდია კორონავირუსთან ბრძოლის და ვირუსის გავრცელების პრევენციის თავლსაზრისით, მსოფლიოს ყველაზე წარმატებულ ქვეყნად მიიჩნევა.

ქვეყნის პრემიერ-მინისტრმა, ჯასინდა არდერნმა ჯერ კიდევ 27 აპრილს განაცხადა, რომ შიდა გადადების ფაქტები აღარ ფიქსირდებოდა და რომ ვირუსთან ბრძოლა მოიგეს.

• ახალი ზელანდიის გზა COVID-19-თან ბრძოლის დროს

კორონავირუსის პირველი შემთხვევა 28 თებერვალს გამოვლინდა. როგორც BBC წერს, ქვეყნის ხელისუფლებამ COVID-19-ის პანდემიის ადრეულ ეტაპზევე ძალიან მკაცრი შეზღუდვები დააწესა მოგზაურობაზე და სოციალურ აქტიურობაზე. შეჩერდა სასწავლო პროცესი და აიკრძალა შეკრებები ჯერ კიდევ მაშინ, როცა ქვეყანაში მხოლოდ რამდენიმე ათეული შემთხვევა იყო გამოვლენილი.

ხელისუფლებამ ადრეულ ეტაპზევე ჩაკეტა საზღვრები და ყველა, ვინც საზღვარი გადაკვეთა, საკარანტინე ზონაში გადაიყვანა, აამოქმედა კარანტინის მკაცრი ზომები და დაიწყო ინტენსიური ტესტირება ახალი შემთხვევების გამოსავლენად, ასევე სპეციალური ჯგუფები იკვლევდნენ ინფიცირების წყაროებს.

"რომ არა მკაცრი შეზღუდვები, ყოველდღე, შესაძლოა ინფიცირების 1000 ახალი შემთხვევა ყოფილიყო. ზუსტად არავინ იცოდა, თუ რა შედეგებს გამოიღებდა ყოველივე, მაგრამ ფაქტია, რომ თავიდან ავიცილეთ ყველაზე უარესი", - ამბობდა პრემიერ-მინისტრი ჯასინდა არდენი.