ოზურგეთში ავტოსაგზაო შემთხვევის შედეგად ქვეითი დაიღუპა - მძღოლი ადგილიდან მიიმალა

ოზურგეთში ავტოსაგზაო შემთხვევის შედეგად 60 წლამდე ქალი გარდაიცვალა. შემთხვევა რამდენიმე წუთის წინ მოხდა.

არსებული ინფორმაციით, ავტოსაგზაო შემთხვევისას მსუბუქი ავტომობილი ქვეითად მოსიარულე ქალს დაეჯახა, ავტომობილის მძღოლი კი შემთხვევის ადგილიდან მიიმალა.

ადგილზე სამართალდამცავები არიან მობილიზებული.

როგორც საქართველოს შინაგან საქმეთა სამინისტროში AMBEBI.GE-ს განუცხადეს, გამოძიება "სისხლის სამართლის კოდექსის" 276-ე მუხლის მეექვსე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.