მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უწყობს თუ არა კონდიციონერი ხელს კორონავირუსის გავრცელებას - რას ამბობენ ექსპერტები
10:16 / 02-06-2020
ზაფხული დადგა, შესაბამისად, ჰაერის ტემპერატურა იმატებს, პარალელურად, კორონავირუსის გამო დაწესებულ შეზღუდვებს მსოფლიოს სხვადასხვა ქვეყანებში ეტაპობრივად ხსნიან. შეზღუდვები მოიხსნა საქართველოშიც, ადამიანთა ნაწილი სამსახურებს დაუბრუნდა, აღდგა საზოგადოებრივი ტრანსპორტის მუშაობა.
COVID-19-ის გავრცელების პრევენციის მიზნით, ისევე, როგორც მსოფლიოს სხვა ქვეყნებში, საქართველოშიც აიკრძალა კონდიციონერის ჩართვა როგორც ოფისებში, ასევე ტრანსპორტში.
ეს საკითხი საზოგადოების პროტესტის მიზეზიც გახდა, ადამიანები ამბობენ, რომ განსაკუთრებით რთულია მგზავრობა მაშინ, როცა ჰაერის ტემპერატურა თითქმის 40 გრადუსს უახლოვდება, კონდიციონერი კი ჩართული არ არის. აღნიშნული საკითხი მთელ მსოფლიოში აწუხებთ, თუმცა როგორც ინფექციურ დაავადებათა ექსპერტები ამბობენ, ვირუსის სწრაფად გავრცელების თვალსაზრისით, კონდიციონერი სახიფათოა და ამ მოსაზრებას შესაბამისი კვლევითაც ამყარებენ.
როგორც გამოცემა health.com წერს, საკითხთან დაკავშირებით Emerging Infectious Diseases-ში ჩინეთის ქალაქ უხანში ჩატარებული კვლევა გამოქვეყნდა. კვლევამ აჩვენა, რომ რესტორანში, სადაც კონდიციონერი იყო ჩართული, უსიმპტომო ინფიცირებულისგან ცხრა ადამიანს გადაედო ვირუსი დისტანციის პირობებში და ისე, რომ ინფიცირებულსა და დანარჩენებს ერთმანეთთან არანაირი შემხებლობა არ ჰქონიათ.
მკვლევართა თქმით, ეს იმიტომ, მოხდა, რომ ინფიცირებული ადამიანისგან გამოყოფილი ვირუსის წვეთები კონდიციონერის გამო, ჰაერის სწრაფი ცირკულირების შედეგად, დანარჩენ ადამიანებზე გადავიდა და შესაბამისად, სხვებიც დაინფიცირდნენ.
კალიფორნიის უნივერსიტეტის მიკრობიოლოგიის, იმუნოლოგიისა და მოლეკულური გენეტიკის ასოცირებული პროფესორი, მანიშ ბათი ამბობს, რომ არ აქვს მნიშვნელობა სად იქნებით, რესტორანში, სპორტდარბაზში, ოფისში, თუ ტრანსპორტში, კონდიციონერის ჩართვა რისკის შემცველია, რადგანაც მისი საშუალებით ინფიცირებული ადამიანი უფრო გადამდები ხდება და ვირუსი არაინფიცრებულებში უფრო მარტივად აღწევს.
კონდიციონერის საშუალებით ჰაერი უფრო სწრაფად ცირკულირებს და დახველების, ან დაცემინების დროს გამოფრქვეული ნაწილები უფრო შორ მანძილზე აღწევს.
მედიკოსები ამბობენ, რომ ერთი დახველების შედეგად 3 000-მდე ნაწილაკი ჩნდება, ხოლო ერთი დაცემინების დროს დაახლოებით, 30 000. ეს წვეთები კი კონდიციონერის გამო ჰაერის სწრაფად ცირკულირების შედეგად შეიძლება უფრო სწრაფად მოხვდეს ადამიანებში და ასევე უფრო შორ მანძილზეც გავრცელდეს.
სწორედ ამიტომ, ექსპერტები მიიჩნევენ, რომ იმ ადგილებში, სადაც ბევრი ადამიანია, სავენტილაციო სისტემის ჩართვა განსაკუთრებული საფრთხის შემცველია.
მანიშ ბათის თქმით, კონდიციონერს ნამდვილად შეუძლია ინფექციური ნაწილაკები, წვეთები შორ მანძილზე გადაიტანოს და ვირუსი კიდევ უფრო გაავრცელოს.
როგორც გამოცემა health.com წერს, პასუხი კითხვაზე უნდა ჩავრთოთ თუ არა კონდიციონერი COVID-19-ის პანდემიის დასრულებამდე, არის არა! თუმცა იმ შემთხვევაში, თუ მთელ დროს სახლში ატარებთ, კონტაქტი არავისთან გაქვთ და იცავთ ჰიგიენის წესებს, სახლში ჩართვა არ არის რისკისშემცველი.
კორონავირუსის ახალი შტამი COVID-19 მსოფლიოში ჩინეთის ქალაქ უხანიდან გავრცელდა. ჯანდაცვის მსოფლიო ორგანიზაციამ 11 მარტს პანდემია გამოაცხადა. ბოლო მონაცემებით, გლობალური მასშტაბით, ვირუსით 6,3 მილიონი ადამიანი დაინფიცირდა, 380 000-მდე პაციენტი გარდაიცვალა, ხოლო 3 მილიონამდე ადამიანი გამოჯანმრთელდა.
ინფიცირებულთა რაოდენობის მიხედვით ქვეყნების ათეული ასე გამოიყურება: აშშ, ბრაზილია, რუსეთი, ესპანეთი, დიდი ბრიტანეთი, იტალია, ინდოეთი, საფრანგეთი, გერმანია და პერუ.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენთან კვლევები რაში აინტერესებთ, ოღონდ დროებით გაიგრილონ შუბლი და მორჩა.
გავიჭირვოთ, სხვა გზა არაა, მოვიშოროთ ეს ვირუსი რამენაირად. დავუჯეროთ სპეციალისტებს, თორემ უარეს დღეში აღმოვჩნდებით.