ნუცუბიძის მე-3 პლატოზე გაზგასამართი სადგური აფეთქდა
თბილისში, ნუცუბიძის მე-3 პლატოზე, ამაშუკელის ქუჩაზე გაზგასამართი სადგური "ეკო გაზი" აფეთქდა. აფეთქება კაფე „ვერდეს“ მიმდებარე ტერიტორიაზე მოხდა.
აფეთქების სიძლიერემ მიმდებარე შენობების მინები ჩაამსხვრია.
შემთხვევას მსხვერპლი არ მოჰყოლია, თუმცა დაშავდა ერთი ადამიანი, რომელიც გაზგასამართი სადგურის თანამშრომელია. აფეთქების შედეგად დაშავებული მოქალაქე სასწრაფო სამედიცინო დახმარების ბრიგადამ დამწვრობის ცენტრში გადაიყვანა.
დაშავებული 48 წლის მამაკაცია. როგორც „ინტერპერესნიუსს“ დამწვრობის ცენტრის ხელმძღვანელმა გუგა ქაშიბაძემ განუცხადა, დაშავებულმა დამწვრობა სხეულის 25%-ზე მიიღო, მას აღენიშნება სასუნთქი გზების დაზიანება.
„ჩვენთან გადმოიყვანეს 48 წლის მამაკაცი და 25%-ია დამწვარი, მეორე-მესამე ხარისხის საეჭვო სასუნთქი გზების დაზიანება აქვს. თავსდება ახლა დამწვრობის ცენტრის რეანიმაციულ განყოფილებაში“ , - განაცხადა ქაშიბაძემ.
როგორც საგანგებო სიტუაციების მართვის სამსახურში აცხადებენ, ხანძარი ლოკალიზებულია და მიმდინარეობს სალიკვიდაციო სამუშაოები.
წალენჯიხაში, სოფელ სქურის ტყეში გაჩენილ ხანძრს 15 მეხანძრე-მაშველი აქრობს
სიღნაღში მამაკაცი ვენახში არსებული საყარაულო შენობიდან გადმოვარდა და გარდაიცვალა
