მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სისხლიანი დაპირისპირება გუდაუთის სამხედრო ბაზაზე - როგორ ეხამურებიან აფხაზები დაღესტნელი ასმეთაურის მკვლელობას
12:13 / 31-05-2020
რუსეთის მიერ ოკუპირებულ აფხაზეთში, გუდაუთის მე-7 სამხედრო ბაზაზე კონტრაქტორმა ასეულის მეთაური დანით დაჭრა, რის შედეგადაც დაჭრილი ადგილზე გარდაიცვალა.
აფხაზურ მედიაში აღნიშნული ინფორმაცია, ყალმუხეთის რესპუბლიკის ადგილობრივი ინტერნეტ-გამოცემა Elista.org-იდან გავრცელდა, რომელიც რუსეთის სამხედრო ბაზაზე მომხდარის შესახებ წერს.
"სამხედრო მოწყობის შემდეგ, კონტრაქტორებს შორის ფიზიკური დაპირისპირება დაიწყო, ერთმანეთს ასეულის მეთაური, ლეიტენანტი მარატ გაჯიევი და სერჟანტი ბატირ ხაზიკოვი დაუპირისპირდნენ. კონფლიქტის დროს, ხაზიკოვმა გაჯიევს დანა სამჯერ დაარტყა, რის შედეგადაც დაჭრილი ძლიერი სისხლდენისგან ადგილზე გარდაიცვალა, მას ცოლი და ორი მცირეწლოვანი დარჩა.გაჯიევი წარმოშობით დაღესტნიდან იყო და სხვა სამხედროების მიმართ აგრესიულ ქმედებებში ხშირად იყო შემჩნეული", - წერს რუსული გამოცემა, რომლის ცნობითაც, ხაზიკოვთან ერთად, გუდაუთის სამხედრო ბაზაზე ყალმუხეთის კიდევ 10 მკვიდრი მსახურობდა. ყველა მათგანი ადიღეს რესპუბლიკაში, ქალაქ მაიკოპში გადაიყვანეს.
რუსეთის კანონმდებლობის შესაბამისად, სისხლის სამართლის გამოძიებას სამხრეთის სამხედრო ოლქის გენერალ-პოლკოვნიკი ალექსანდრე დვორნიკოვი უძღვება. თუმცა, ადგილობრივების თქმით, აფხაზეთში დისლოცირებულ რუსულ ნაწილში, ისევე, როგორც ზოგადად, რუსეთის არმიაში, ჩრდილოკავკასიელები "ყოჩის პოზიციებს არ თმობენ".
მომხდარს აფხაზები ინტერნეტში აქტიურად განიხილავენ. მათი ცნობით, ეს პირველი შემთხვევა არ არის, როდესაც გუდაუთის სამხედრო ბაზაზე მყოფ სამხედროებს შორის ფიზიკური შეტაკება ხდება.
"კონკრეტულად, ყალმუხებსა და დაღესტნელებს შორის არის მუდმივი დაპირისპირება, რაც დაღესტნელების მიერ არის პროვოცირებული. ყალმუხები უპრეტენზიო, მშვიდი ხალხია, ბუდიზმის მიმდევრები არიან და მათი წონასწორობიდან გამოყვანა ძნელია, მაგრამ დაღესტნელები ამას ახერხებენ. მათ შორის საზღვარი საბჭოთა კავშირის დროიდან დღემდე არ არის საბოლოოდ გავლებული, რის გამოც მუდმივად კონფლიქტი აქვთ.
დაღესტნელები აფხაზეთში თავს ისე გრძნობენ, როგორც სახლში, რადგან მიაჩნიათ, რომ აქ შინაურები არიან, ეს ჩვენთან ურთიერთობაშიც კი ეტყობათ, 90-იანი წლების ომში მოხალისეობას გვახსენებენ, არადა იარაღის გამო, ჩვენიანებსაც ხოცავდნენ", - წერს ერთ-ერთი აფხაზი.
"არსებული ინფორმაციით, ბაზაზე ბოლო წვრთნების დროსაც მოხდა დაპირისპირება, უფრო მაღალი წოდების სამხედროებს შორის. სავარაუდოდ, პრივილეგიები ვერ გაიყვეს, თორემ კონტრაქტორების პირობები ვის ადარდებს. რუსულ ჯარში ის ჭამს, ვინც ძლიერია და სხვას დაჩაგრავს და ეს ეხებათ როგორც რეგულარული ჯარის სამხედრორებს, ასევე კონტრაქტორებს", - წერს ანა ნანბა.
"ჩვენი ბიჭები, რომლებიც კურსანტებად მიდიან რუსულ სამხედრო სისტემაში, იქაურ პირობებზე ყვებიან და ვხვდები, რომ ჩემი ახალგაზრდობის შემდეგ არაფერი შეცვლილა. მშობლები, ვინც შვილებს იქ უშვებენ, ლოცულობენ, მშვიდობით დაუბრუნდეთ. გუდაუთის ბაზა ელიტარული ნაწილიაო და სხვაგან რა ხდება, ალბათ წარმოსადგენია - "დედოვშჩინის" გარეშე რუსული ჯარი წარმოუდგენელია. საქართველოში ვინც გადადის და რუსი მესაზღვრეები ვისაც უნახავს, მაშინვე მიხვდება, რაც იქ ხდება", - წერს ინტერნეტმომხმარებელი "იასონ აფხაზი".
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Ambebi.ge ს ყველა თანამშრომელი მაგრები ხართ ! მაგრად ეფექტურად მუშაობთ და ხალხს დროულად აწვდით ამომწურავ ინფორმაციას !
ახლა იმაზე მანერვიულე, ერთმა ოკუპანტმა მეორე როგორ და რატომ მოკლა. ქართველები მტრებად და დამპყრობლებად გამოაცხადეს, საკუთარი მიწაწყლიდან აყარეს და და ახლა ნამდვილი დამპყრობლების საქციელი აღარ მოსწონთ?