მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბრაზილიაში ერთ დღეში COVID-19-ის 26 000 ახალი შემთხვევა გამოვლინდა - საავადმყოფოები პაციენტებს ვეღარ იტევს, ქვეყანა სამედიცინო და პოლიტიკურ კრიზისშია
12:16 / 29-05-2020
მსოფლიოში, ეპიდემიოლოგიური თვალსაზრისით, ბოლო კვირებია ყველაზე რთული ვითარება ბრაზილიაშია და მდგომარეობა დღითიდღე მწვავდება, რაზეც ისიც მეტყველებს, რომ გასული 24 საათის განმავლობაში ქვეყანაში COVID-19-ით ინფიცირების 26 417 ახალი შემთხვევა გამოვლინდა. ამის შესახებ სააგენტო "როიტერსი" წერს.
სააგენტოს ცნობითვე, ბრაზილიაში ბოლო ერთ დღეში ახალი კორონავირუსით 1 156 ადამიანი გარდაიცვალა. საერთო ჯამში კი, ვირუსს 26 764 პაციენტი ემსხვერპლა. ბრაზილიაში სულ კორონავირუსის 438 238 შემთხვევაა აღწერილი. ამ მონაცემით ის მსოფლიოში მეორე ქვეყანაა და მხოლოდ აშშ-ს ჩამორჩება.
საავადმყოფოები პაციენტებს ვეღარ იტევს. ვირუსი გავრცელდა ქვეყნის იმ ნაწილშიც, სადაც აბორიგენები ცხოვრობენ. ეს ადამიანები ყველაზე დაუცველები არიან. მაშინ, როცა კრიზისია, საავდმყოფოები გადაჭედილია, მათთვის აღარავის სცალია და სამედიცინო დახმარებაზე ხელი არ მიუწვდებათ. ისინი მხოლოდ მოხალისე ექთნების იმედად არიან.
ბრაზილიის ყველაზე დიდი ქალაქის, სან პაულოს მერი ამბობს, რომ ჯანდაცვის სისტემა კოლაფსის პირასაა.
მსოფლიო შეძრა ფოტოებმა, სადაც ჩანს, რომ ბრაზილიებმა კორონავირუსით გარდაცლილთათვის ასობით საფლავი გათხარეს.
მძიმე ეპიდემიოლოგიურ სიტუაციას თან ახლავს პოლიტიკური ქაოსიც. შექმნილ ვითარებაზე საზოგადოების ნაწილი და ოპოზიცია პასუხისმგებლობას ქვეყნის პრეზიდენტს, ჟაირ ბოლსონარუს აკისრებს და ამბობენ, რომ პრეზიდენტმა არ მიიღო შესაბამისი ზომები ვირუსის შესაჩერებლად.
უფრო მეტიც, ბოლსონარუ წინააღდეგი იყო შეზღუდვების დაწესების და თავად აკრიტიკებდა მათ, ვინც კარანატინი შემოიღო.ბოლსონარუ დღემდე იცავს თავის პოზიციას და მწვავედ აკრიტიკებს იმ გუბერნატორებს, რომლებმაც თავად გადაწყვიტეს შეზღუდვების დაწესება.
ბოლსონარუ მიიჩნევს, რომ პირველ ადგილას ეკონომიკა უნდა იყოს და არ უნდა მიიღონ ისეთი გადაწყვეტილებები, რომლებიც ეკონომიკას ზიანს მიაყენებს.
ხალხი კვდება?...დიახ, ვიცი ეს, მაგრამ კიდევ უფრო ბევრი მოკვდება, უფრო, უფრო ბევრი თუ ეკონომიკას გაანადგურებს გუბერნატორების მიერ დაწესებული შეზღუდვები - განაცხადა ბოლსონარუმ.
აღსანიშნავია ისიც, რომ ჟაირ ბოლსონარუ თავდაპირველად COVID-19-ს უბრალო გრიპს უწოდებდა.
პრეზიდენტი აცხადებს, რომ პირველ ადგილზე ეკონომიკაა, რომელიც გუბერნატორების მიერ დაწესებული შეზღუდვების გამო ვერ ვითარდება. ოპონენტები ბოლსონარუს იმპიჩმენტის საკითხის დაწყების განხილვას მოითხოვენ.
გლობალური მასშტაბით კორონავირუსით ინფიცირებულთა რაოდენობა 6 მილიონს აღწევს. გარდაცვლილია 362 359 პაციენტი, ხოლო გამოჯანმრთელებული - 2,5 მილიონი ადამიანი. ინფიცირებულთა რაოდენობის მიხედვით მსოფლიოს პირველი ათი ქვეყანა ასე გამოიყურება: აშშ, ბრაზილია, რუსეთი, ესპანეთი, დიდი ბრიტანეთი, იტალია, საფრანგეთი, გერმანია, ინდოეთი და თურქეთი.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ხოდა ამათ ფონზე დააფასეთ საქართველოში, კორონა ვირუსთან მებრძოლი ექიმები, ექთნები, სანიტრები, ლაბორანტები, ინფექციონალისტები , სასწრაფოს მძღოლები, პოლიცია, ჯარისკაცები და პრემიერ მინისტი გიორგი გახარია! ამათ მკაცრი ზომები, რომ არ გაეტარებინათ, კიდევ კარგა ხანი მოგვიწევდა კარანტინში ყოფნა. ისე მოსახლეობაც შეგნებით მიუდგა მდგომარეობას და ასე ერთობლივი ძალით მოვედით ამ შედეგამდე. მადლობა ყველას!
ჩვენშიც ბევრი "ბოლსონარუა". ოღონდ აქ გრიპად არ თვლიან ამ ვირუსს, ბევრად უფრო იოლი რამეაო და თან დეკემბერში მოვიხადეთო, მაააშ )))) დარწმუნებული ვარ, ჩვენთანაც რომ ეპიდაფეთქება მოხდეს პირველები ისინი დაიწყებენ წიკვინს გვიშველეთო, ვინც აქამდე აკრძალვებს აპროტესტებს და სპეციალისტების განცხადებებს ირონიულად აღიქვამს.