28
მარტიდღის ზოგადი ასტროლოგიური პროგნოზი
22 მაისის ღამით, მას შემდეგ რაც ქვეყანაში "კომენდანტის საათი" გაუქმდა, თბილისში, თამარაშვილის ქუჩაზე ავარია მოხდა, რა დროსაც მსუბუქი ავტომანქანა ველოსიპედისტს დაეჯახა.
ველოსიპედს ცნობილი ექიმი-ფსიქოთერაპევტი, ფსიქიატრი და ნარკოლოგი, ფსიქოსოციალური კვლევის და მომსახურების ასოციაცია "ნებას" დამფუძნებელი დავით ანდღულაძე მართავდა. მას AMBEBI.GE-ის საიტის მკითხველიც კარგად იცნობს, რადგან სხვადასხვა თემაზე ჩვენი ჟურნალისტები ხშირად წერდნენ მასთან ინტერვიუს.
AMBEBI.GE-ის ინფორმაციით, ანდღულაძე გვიან ღამით სამსახურიდან სახლისაკენ ველოსიპედით მიემართებოდა, რა დროსაც თამარაშვილის ქუჩაზე ავტომანქანა დაეჯახა. მძღოლმა შემთხვევის ადგილი არ მიატოვა და თავადვე გამოიძახა სასწრაფო დახმარება, რომელიც დროულად მივიდა ადგილზე და დაშავებული საავადმყოფოში გადაიყვანა.
AMBEBI.GE ანდღულაძის ოჯახს დაუკავშირდა. მათი ინფორმაციით, ფსიქიატრმა ავარიის შედეგად სერიოზული დაზიანებები მიიღო - მას გატეხილი აქვს ნეკნები, დაზიანებული აქვს ფილტვი, ასევე მიიღო ზურგის ტვინის დაზიანება. ჩაუტარდა ერთი გადაუდებელი ოპერაცია.
ჯერჯერობით პაციენტი ხელოვნურ სუნთქვაზეა, თუმცა ოჯახის განცხადებით მისი მდგომარეობა დინამიკაში უმჯობესდება, პერიოდულად კონტაქტურია და ექიმები დამაიმედებელ პროგნოზს აკეთებენ.
შინაგან საქმეთა სამინისტრომ შემთხვევაზე საგამოძიებო მოქმედებები უკვე დაიწყო.
ვერ გაითავისეს ავტომობილის მძროლებმა რომ ქალაქის ქუჩები საგაზაო ადგილი არ არის.
ვუსურვებ მალე გამოჯანმრთელებას და კარგად ყოფნას, ჩვენს საზოგადოებას ჰაერივით ჭირდება ფიზიკურ სულიერად ჟანსაღი ინდივიდები (მავანთა დისკრიმინაციად ნუ ჩათვლით).
მძღოლების საყურადღებოდ, განსაკუთრფებით ახალგაზრდების პოტენციურ მანქანებზე, ერთხელ და სამუდაომო, ყველამ უნდა შეიგნოს ქალაქი არის ნელი დელიკატური სატრანსპორტო არტერია, ნუ აგდებთ საფრთხეში სხვებს და საკუთარ თავს, სანანებლად ნუ იხდით "ერთი გაზის დაჭერას", სიმშვიდე და სიწყნარე უნდა სუფევდეს როგორც ყველა სივილურ საზოგადოებაში