მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფაშინიანი კორონავირუსს და სარგსიანის დროინდელ მაფიოზებს ერთდროულად ებრძვის - რას ყვებიან სომხები ქვეყანაში არსებულ მდგომარეობაზე
09:28 / 25-05-2020
სომხეთში კორონავირუსის დღიური შემთხვევების რეკორდული მაჩვენებელი დაფიქსირდა - ინფიცირებულთა რაოდენობა ბოლო დღე-ღამეში 452-ით გაიზარდა და პაციენტთა რაოდენობამ 7 000-ს გადააჭარბა.
შემთხვევების ზრდის მიუხედავად, თითქმის ორთვიანი პაუზის შემდეგ, ქვეყანაში სხვადასხვა სახის შეზღუდვა მოიხსნა. მართალია, მოქალაქეები ვალდებულნი არიან, მაღაზიებსა და კაფეებში, თუ სხვა დახურულ დაწესებულებებში პირბადით შევიდნენ, თუმცა, მოსახლეობის დიდი ნაწილი მოთხოვნას სხვადასხვა მიზეზით არ ასრულებს.
როგორც AMBEBI.GE-სთან საუბარში ადგილობრივები ამბობენ, ოპოზიცია ცდილობს, ვირუსის გამო შექმნილი ვითარება სათავისოდ გამოიყენოს და ფაშინიანის ხელისუფლებაზე მუდმივად მიაქვს იერიში, რაც უმეტესად რუსეთიდან არის წაქეზებული. მათივე თქმით, რევოლუციიდან ორი წლის შემდეგ, ნიკოლ ფაშინიანის ხელისუფლება, გამძლეობაში ყოველდღიურ ტესტს გადის. ამავე აზრს იზიარებენ ექსპერტებიც.
სომეხი პოლიტოლოგი, გლობალიზაციისა და რეგიონალური თანამშრომლობის ცენტრის ანალიტიკოსი სტეფან გრიგორიანი, სომხეთში მიმდინარე პროცესებს სოციალური ქსელში ასე ეხმაურება:
- რეალურად, ახლა სომხეთში ორი ხელისუფლებაა, რადგან სახელმწიფო სისტემაში არიან ადამიანები, რომლებისთვისაც, სერჟ სარგსიანია დღემდე პრემიერ-მინისტრი. ისინი პოზიციებს არ თმობენ... რაც შეეხება რუსეთს, ის გვეუბნება: ჩვენ თქვენ ევრაზიულ კავშირში იმიტომ კი არ მიგიღეთ, რომ კარგად გეცხოვრათ, თქვენი უფრო მკაცრი კონტროლი გვსურდა... არ უნდა დაგვავიწყდეს, რომ რუსეთი გაზის ფაქტორს ძალიან კარგად იყენებს, რომ ჩვენ ხელში ვყავდეთ;
ბელორუსი გასაგებია - მონურ მდგომარეობაში ჰყავთ და გასაგებია, რომ რუსეთი ამ მექანიზმს ხელიდან არასდროს გაუშვებს. ეს მისთვის აპრობირებული მეთოდია. სომხეთი და ბელორუსი ცდილობენ საბაზრო ურთიერთობებზე გადასვლას, მაგრამ ამისთვის დიდი ბრძოლა მოგვიწევს და თავის მოტყუება არ ღირს - რუსეთი არასდროს გაუშვებს ხელს იმ მექანიზმს, რომლითაც გვმართავს და თავის წინააღმდეგ არასდროს მიმართავს... ამიტომაც, რუსეთისთვის ძალიან მნიშვნელოვანნი არიან ყოფილი ხელისუფლების წარმომადგენლები, რომელთა დამსახურებითაცაა, რომ ჩვენი ქვეყანა რუსეთის გაზზე თითქმის 100%-ით არის დამოკიდებული".
სომხეთის მოქალაქე ჰასმიკ აბრამიანი AMBEBI.GE-სთან საუბარში ამბობს, რომ ყველაფერი, რაც ახლა ქვეყანაში კორონას კონტექსტში, თუ მის მიღმა ხდება, გარკვეული ძალების მიერაა მართული:
- ყველაფრის მიზეზი არის პოლიტიკა. სარგსიანის დროინდელი მაფიოზები, ფაშინიანს ებრძვიან ყველა მისაღები და მიუღებელი ფორმით. ორი წელია ახალი ხელისუფლება გვყავს, მაგრამ ყოფილი თანამდებობის პირები არ ისვენებენ და ჩასაფრებულის პოზიციიდან ურევენ, რადგან რეფორმებს გადაყვა მათი კეთილდღეობა, ზოგის მთლიანად, ზოგის ნაწილობრივ. ვერ ისვენებენ და ნებისმიერ რამეზე გააფთრებული ებრძვიან, რომ ფაშინიანის ხელისუფლების არაეფექტურობა წარმოაჩინონ.
ცენტრალურ ტელევიზიას, კიდევ ერთ-ორ არხს და რამდენიმე ბეჭდურ გამოცემას თუ არ ჩავთვლით, ხელისუფლება საინფორმაციო ომში ოპოზიციასთან არათანაბარ მდგომარეობაშია - ოპოზიცია უგებს. მათი მედიიდან კი, აგრესიის ნიაღვარი მოდის ყველა მიმართულებით, რომ როგორმე მოსახლეობას ჩაუნერგონ, ეს არ არის გუნდი, რომელსაც ქვეყანაში არსებული პრობლემების მოგვარება შეუძლია, რომ ის მტრობს რუსეთს, რომელთანაც ეკომიკურად მიბმული ვართ, იწევს დასავლეთისკენ, რომელსაც არ აინტერესებს სომხეთი და ამიტომ, შესაძლოა, რუსეთისგან სანქციები მივიღოთ...
ამაში ოპოზიციასთან ერთად, ჩართული არიან ე.წ. კრიმინალური ავტორიტეტები, რომელთა წინააღმდეგაც ახალმა ხელისუფლებამ გაილაშქრა. მათ თავიანთი "ტროლები" ჰყავთ და უამრავ ფულს ხარჯავენ...
მათ ემატებათ რუსეთიდან მხარდაჭერილი და მართული ძალები, რომელთა კვალიც ისევ და ისევ სარგსიანის გარემოცვასა და მის კლანთან მიდის. მათაც ჰყავთ ახალი თაობა, რომელთა უზრუნველ მომავალსაც საფრთხე შეექმნა და ვერ ეგუებიან. ძველები არსად წასულან, ხელსაყრელ მომენტს ელოდებიან, რომ სიტუაცია ხელში ჩაიგდონ, რადგან რეფორმების გამო წილები დაკარგეს.
- სომხეთში ყოველდღიურად მძიმდება ვირუსის გავრცელების შედეგად შექმნილი სურათი. ეს პოლიტიკასთან რა კავშირშია?
- ყველაფერი ერთმანეთთან კავშირშია. მე და ჩემი მეუღლე თვეში ერთხელ გამოვდივართ სახლიდან. მხოლოდ მაღაზიაში და მაშინაც პირბადით და ლამის სპეცეკიპირებით. არადა, ქალაქი სავსეა ხალხით, უამრავი ადამიანი არაფრად აგდებს შეზღუდვებს. მაღაზიებში დისტანციას არავინ იცავდა, არც პირბადე და ხელთათმანები ჰქონდათ, შემოხაზულ წრეებში არ დგებოდნენ. აქეთ გამოგვლანძღეს: ტყუილია ეს ყველაფერი, არავითარი ვირუსი არ არსებობსო, ვიღაცებს სურთ სახლში ვიყოთ, რომ ადვილად გვმართონო.
ვიღაცები ასეთ ხმებს მიზანმიმართულად ავრცელებენ, ზოგი კი მართლა იჯერებს, რომ ვირუსი მსოფლიო აფიორაა
AMBEBI.GE-ს სამოქალაქო აქტივისტი ამრაზ კარაპეტიანი უყვება, რომ ეს მოსაზრებაც რუსეთიდან შემოვიდა:
- ასეთებს თუ ეტყვი, რუსეთშიც არ სჯერათ და უმძიმესი სურათი აქვთო, გიპასუხებენ: ჩვეულებრივი ვირუსიც ხოცავს ადამიანებს, მაგრამ ახლა ფულს უხდიან ჭირისუფლებს, რომ თქვან - ვირუსმა მოკლაო... მეორეს მხრივ კი, იგივე ხალხი ხელისუფლებას მიწასთან ასწორებს, ვირუსს ვერ აჩერებენ, მეზობელ საქართველოში რა კარგად გაართვეს თავი, ჩვენთან კი ხალხს გარეთ არ უშვებენ, დღიურ შემოსავალზე მყოფები უმუშევარი დატოვეს, ხალხს სამსახურები წაართვეს, კომპენსაციას არ გვაძლეენ, ადამიანები კი მაინც იხოცებინაო...
ერთი სიტყვით, ყველანაირად ცდილობენ, მოსახლეობაში ნიჰილიზმი დანერგონ. ახლა მშვენიერი დრო აქვთ ხელისუფლება კოვიდ-19-თან ბრძოლაში მოუმზადებელი, უნიათო და უმაქნისი წარმოაჩინონ - ძველი კადრები გაუშვეს, ახალგაზრდები მოიყვანესო.
არადა, "ძველი პროფესიონალების" უდიდეს ნაწილს, დიპლომი ნაყიდი ჰქონდა და იმ გაუმართავი სამედიცინო სისტემის შედეგებს კიდევ რამდენი წელი მოვიმკით, არავინ იცის... მოკლედ, ერთი სული აქვთ, უკმაყოფილებამ იფეთქოს, აქციები დაიწყოს, რაც ზოგიერთების წისქვილზე დაასხამს წყალს.
ვერ ვიტყვით, რომ ახლა რუსეთს ჩვენთვის არ სცალია - მას სომხეთისთვის ყოველთვის სცალია, თუნდაც გიუმრის ბაზის გამო, სადაც ასევე მძვინვარებს კორონავირუსი. იქ არსებული რეალური ინფორმაცია მხოლოდ კრემლში აქვთ, ცნობილია არაერთი სპეცრეისის შესახებ, რომლითაც პაციენტები რუსეთში გადაჰყავთ. ადგილობრივ საველე ჰოსპიტილშიც უამრავი დავირუსებულია".
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
...და თან თავისი შოვინისტი მისიტრების ხელით ქართველებსაც ებრძვის. ეგრე ხომ? ეს ხდება უბრალოდ საუკუნეების მანძილზე და თავს არიან უკვე გასულები
მაგათ რუსეთის ბაზა რომ არ ედგეთ, ალიევი ერთ საათში შევიდოდა ერევანში. აი მერე დამთავრსებოდა მაგათი ბაქიაობა. 1915 წელს ეტყობა სომხებმა ჭკუა ვერ ისწვლეს.