მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხედავთ, სადამდე მიდის პანიკური ფანტაზიები? მაგ ლოგიკით მამაო, იქნებ გემრიელი სადილის დროს "გჩიპავენ" - დეკანოზი თამაზ ლომიძე ვაქცინაზე
22:49 / 18-05-2020
დეკანოზი თამაზ ლომიძე "ფეისბუქის" პირად გვერდზე კორონავირუსის საწინააღმდეგო ვაქცინაზე საზოგადოებისა და სასულიერო პირების ერთი ნაწილში შექმნილ აჟიოტაჟს ეხმაურება.
ლომიძე არ ეთანხმება მოსაზრებას, რომ ვაქცინით შეიძლება ადამიანების "დაჩიპვა" მოხდეს.
"ჩიპები, ამპულები, შტრიხკოდები, ID ბარათები, ახლა უკვე 5G და საბოლოოდ მთლად დააგვირგვინეს, ვარაუდობენ, რომ ახლა უკვე გრიპის ვაქცინით შეიძლება შეგვაპარონ რაღაც ეშმაკური ჩიპები, დაგვიმონონ და სულ დავიღუპებითო, ქადაგებს ზოგიერთი. ერთმა მღვდელმა ისიც თქვა, თუ სავალდებულო გახდება COVID 19-ის ვაქცინა, ჩემს მრევლს მოვუწოდებ, არავინ გაიკეთოსო.
ხედავთ, სადამდე მიდის წმინდა წერილს დაშორებული თვითშემოქმედება და პანიკური ფანტაზიები? მაგ ლოგიკით თუ მსჯელობ მამაო და ძმაო, იქნებ უკვე საკვებში ან სასმელშია ეგ მიკროჩიპები და ყოველდღე "გჩიპავენ" გემრიელი სადილის დროს? ან იქნებ შამპუნშია ან საპონში და ყოველდღე რომ იბან, ხელებიც, შუბლიც და მთელი სხეულიც სულ "დაჩიპული" გაქვს უკვე?
ან იქნებ წამლებში ჩაამატეს ეგ ნანოჩიპები და სულ უბრალო, გაციების წამლის მიღების დროს "დაჩიპეს" შენი მრევლი და ტყუილად აღელვებ ხალხს. ხომ აბსურდამდე მივდივართ ასეთი განსჯით?
ქრისტიანობა კი გვასწავლის, რომ არის ერთი რამ ადამიანში, რაზედაც არა თუ ეშმაკს და ანტიქრისტეს, თვით ღმერთსაც არ შეუძლია ძალადობა. ესაა ადამიანის თავისუფალი ნება. ნებას „თავისუფალი“ სწორედ იმიტომ ჰქვია, რომ ადამიანის შექმნიდანვე მხოლოდ ადამიანს ეკუთვნის იგი, ვერც ღმერთი ძალადობს თავისუფალ არჩევანზე და მითუმეტეს, ეშმაკს და რაიმე მატერიალურ ნივთს ხომ არავითარი უფლება და ძალა არა აქვს მასზე. ადამიანებს, რომელნიც სამწუხაროდ ისე აღიზარდნენ, რომ ჯერ ვერ იაზრებენ საკუთარ თავში პირადი არჩევნის, თავისუფალი ნების ანუ თვითუფლებრივობის უნარს, სრულიად უკუღმართად ესმით იოანეს გამოცხადების მე-13 თავი, სადაც ანტიქრისტეს ბეჭედზეა საუბარი.
ანტიქრისტეს თაყვანისცემას არა იმიტომ დაიწყებენ ცდუნებულნი, რომ მის ბეჭედს მიიღებენ, არამედ პირიქით, რადგან მას აირჩევენ, უფლის მცნებებს დაივიწყებენ, ეშმაკის ცრუსასწაულებს დაემონებიან და ანტიქრისტეს ხატს დაუწყებენ თაყვანისცემას, სწორედ იმიტომ დაბეჭდავს მათ საკუთარი ნიშნით ბოროტი. ჯერ უფლის ღალატია და შემდეგ ანტიქრისტეს ბეჭედი და არა პირიქით. ვერანაირი მატერიალური ბეჭედი ვერ გაგხდით მოღალატედ თუ უმთავრესმა თქვენში - თქვენმა თავისუფალმა არჩევანმა არ აირჩია ეშმაკი, ღმერთის მაგივრად.
ანტიქრისტეს აშკარად გამოჩენამდე, ხალხის ცდუნებამდე და მათ დაბეჭდვამდე მხეცის ნიშნით, იოანე ხედავს ოთხ ანგელოზს, რომელთაც ოთხი ქარი ეპყრათ ხელში და ღმერთისგან უფლება ჰქონდათ მიცემული ევნოთ დედამიწისთვის, რადგან ასეთი იქნება დასასრული. ამ დროს გაისმება უფლის ბრძანება მათ შესაკავებლად: "ნუ ავნებთ ნურც მიწას, ნურც ზღვას, ნურც ხეებს, ვიდრე არ აღვბეჭდავთ ბეჭდით ჩვენი ღმერთის მონათა შუბლებს.“ (გამ. 7,3) ე.ი. მანამდე, სანამ ბოროტი დაბეჭდავს ადამიანებს ანტიქრისტეს ნიშნით, ჯერ ღმერთმა უნდა აღბეჭდოს მისი მონათა შუბლები საუფლო ნიშნით. ესაა მთავარი, ამაზე იფიქრეთ, მთელი ძალით ეძებეთ იესოს ბეჭედი თქვენი შუბლისთვის და მოეშვით ვაქცინებში, ბარათებში და ტელეფონებში ეშმაკის ძებნას" - წერს თამაზ ლომიძე.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აი მამაო რომელიც ლოგიკურად, საღად და განათლებული ადამიანის მსგავსად აზროვნებს, იცის თავის საქმე და სარწმუნეობა. ასეთ მამაოებს უნდა გაყვეს ხალხი 21 საუკუნეში და ასეთი სასულიერო პირები უნდა იყოს ქართული ეკლესიის საყრდენი. მადლობთ მამაო!
მამა შალვა რომ იბრძოდა ეკლესიის დასაცავად მაშინ სად იყო ეს მოძღვარი?რატო არ დაიცვა ეკლესია? ეხლა გამოდის და აკრიტიკებს სირცხვილი.....