უბისა-შორაპნის მონაკვეთის მშენებლობაზე მუშას ტრაქტორმა გადაუარა - მას ფეხის ამპუტაცია დასჭირდა
საავტომობილო გზის უბისა-შორაპნის მონაკვეთის მშენებლობაზე დაშავებულ მუშას კიდურის ამპუტაცია დასჭირდა. სამუშაოებზე დასაქმებულს ტრაქტორმა გადაუარა.
მას პირველადი დახმარება ადგილზე აღმოუჩინეს, შემდეგ ზესტაფონში საავადმყოფოში გადაიყვანეს. არსებული ინფორმაციით, დაშავებულს ქვედა კიდურის ამპუტაცია დასჭირდა.
მუშის დაშავების შესახებ ინფორმაცია საავტომობილო გზების დეპარტამენტმაც გაავრცელა. როგორც მათ მიერ გავრცელებულ განცხადებაშია აღნიშნული, საავადმყოფოში იმყოფებიან იმერეთში სახელმწიფო რწმუნებული ზვიად შალამბერიძე და საავტომობილო გზების დეპარტამენტის წარმომადგენლები.
მათივე ინფორმაციით, დაშავებული მუშის სამკურნალო და შემდგომი რეაბილიტაციის ხარჯებს სრულად დაფარავს China Road and Bridge Corporation. კომპანიის წარმომადგენლები სამედიცინო პერსონალთან, დაშავებულთან და მის ოჯახთან მუდმივ კავშირზე იმყოფებიან. მომხდარი ფაქტის მიზეზების დასადგენად დაწყებულია გამოძიება.
„ტოიოტა ცენტრი თბილისი“ მომხმარებელს ტრადიციულ სეზონურ აქციას სთავაზობს
"გვანცა ამერიკაშია... ეკამ მითხრა, უტა დაგვიბრუნდა იზოლაციიდან და ვზეიმობთო" - რას ჰყვება ეკა ჭიჭინაძე ივანიშვილების ოჯახზე?
