ბოლნისში, სოფელ მუშევანში კორონავირუსით დაინფიცირების 2 ახალი შემთხვევა გამოვლინდა

ბოლნისის მუნიციპალიტეტში კოვიდ19-ით ინფიცირებულთა რაოდენობა ორით გაიზარდა და ამ დროისათვის 149-ს შეადგენს.

ორი ახალი შემთხვევა კვლავ სოფელ მუშევანში დაფიქსირდა და აქამდე გამოვლენილ ინფიცირებულებთან კონტაქტია.

როგორც "ინტერპრესნიუსს" ბოლნისის მუნიციპალიტეტის მერიაში განუცხადეს, ორ პირს კორონავირუსი განმეორებითი კვლევის შედეგად დაუდგინდა. მათი საკვლევი მასალის ნიმუშები ლაბორატორიაში ორი დღის წინ იქნა გადაგზავნილი.

ამ დროისთვის სოფელ მუშევანში კოვიდინფიცირების 44 შემთხვევაა დაფიქსირებული. სოფელში მკაცრი საკარტინე რეჟიმი მოქმედებს და მოსახლეობის გამოკვლევა მიმდინარეობს.