რომელი სალონები ვერ გაიხსნება დღეიდან

სილამაზის სალონები და ესთეტიკური მედიცინის ცენტრები 18 მაისიდან, ანუ დღეიდან გაიხსნება. ჯანდაცვის სამინისტრომ რეკომენდაციებიც შეიმუშავა, რომლის დაცვაც სავალდებულო იქნება ამ ტიპის ობიექტებისთვის.

• ბარათით გადახდა, სიცხის გაზომვა და დეზობარიერები - რა წესების დაცვა მოუწევთ სალონებს და კლიენტებს 18 მაისიდან

თუმცა, სალონების ფედერაციის განცხადების თანახმად, გარკვეულ სილამაზის სალონებს მუშაობის უფლება არ ექნებათ. კერძოდ, საუბარია, მოლებსა და მიწისქვეშა გადასასვლელებში მდებარე სალონებზე.

„ყველა სალონს შეუძლია 18 მაისიდან გაიხსნას (გარდა მოლების და მიწისქვეშა გადასასვლელების) ყოველგვარი წინასწარი ნებართვის გარეშე. წინასწარი რეგისტრაცია სავალდებულო არ არის. ვისაც სურს პრევენციული შემოწმება განხორციელდეს მის იბიექტზე, მაშინ უნდა დარეგისტრირდეს-ასეთი ინფორმაცია მოგვაწოდეს ჯანდაცვის სამინისტროდან,“ - აღნიშნულია განცხადებაში.

• 4 შეზღუდვა, რომელიც დღეიდან მოიხსნა