4 შეზღუდვა, რომელიც დღეიდან მოიხსნა

კორონავირუსის პრევენციის მიზნით დაწესებული შეზღუდვების მოხსნის ფარგლებში, დღეიდან, რამდენიმე შეზღუდვა მოიხსნა. კერძოდ:

• მარნეულის საკარანტინე ზონა

დღეიდან მარნეულში საკარანტინე ზონა მოიხსნა. შესაბამისად, ამ რეგიონის მოქალაქეებსაც შეუძლიათ პრობლემების გარეშე ისარგებლონ გადაადგილების შესაძლებლობით, რომლითაც ქვეყნის სხვა მოქალაქეები სარგებლობენ.

შეგახსენებთ, მარნეულის მუნიციპალიტეტი მკაცრ საკარანტინე ზონად 23 მარტს გამოცხადდა.

• სილამაზის სალონები და ესთეტიკური მედიცინის ცენტრები

დღეიდან სილამაზის სალონები და ესთეტიკური მედიცინის ცენტრები გაიხსნება. სილამაზის სალონების ფედერაციის განცხადებით, „ყველა სალონს შეუძლია 18 მაისიდან გაიხსნას (გარდა მოლების და მიწისქვეშა გადასასვლელების) ყოველგვარი წინასწარი ნებართვის გარეშე. წინასწარი რეგისტრაცია სავალდებულო არ არის.

• 3 ადამიანის შეკრებაზე შეზღუდვა

მთავრობის გადაწყვეტილებით, დღეიდან მოიხსნა დაწესებული შეზღუდვა - 3 ადამიანის შეკრების თაობაზე, როგორც დახურულ, ისე ღია სივრცეებში. თუმცა, აღსანიშნავია, რომ ძალაში რჩება აკრძალვა 10-ზე მეტი ადამიანის შეკრების შესახებ. ამასთან, კვლავ ძალაში რჩება შეზღუდვა ავტოსატრანსპორტო საშუალებით გადაადგილების შესახებ, კერძოდ, აკრძალულია სატრანსპორტო საშუალებით 3-ზე მეტი პირის (მძღოლის ჩათვლით) გადაადგილება. მგზავრები უნდა განთავსდნენ მძღოლის უკანა მხარეს. წაიკითხეთ სრულად