26
მარტიდღის ზოგადი ასტროლოგიური პროგნოზი
"ჩემი ცხოვრება ერთხელ უკვე გაჩერდა 1995 წელს და დავაბრუნებდი მანამდე პერიოდს" - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ "პოსტ TV"-ის ეთერში განაცხადა.
"სიამოვნებით დავაბრუნებდით ჩვენს ბავშვობას. მიუხედავად იმისა, რომ კომუნისტურ წყობილებაში გაიარა ჩემმა ბავშვობამ, მაინც დავაბრუნებდი - იმ ლაღ ბავშვობას.
რაც შეეხება კითხვას, რომელ დროს გავაჩერებდი, ეს რთული კითხვაა - ჩემი ცხოვრება ერთხელ უკვე გაჩერდა. ეს მოხდა 1995 წელს და დავაბრუნებდი მანამდე პერიოდს. რომ შეიძლებოდეს იმ ოქტომბრის წინა პერიოდს დავაბრუნებდი" - აღნიშნა ამირან გამყრელიძემ.
ცნობისთვის, ამირან გამყრელიძის ვაჟი გიგი გამყრელიძე 1995 წელს ავარიაში დაიღუპა.
მას ასევე ორი შვილი ჰყავს ნიკოლოზ და თამარ გამყრელიძეები. ნიკოლოზ გამყრელიძე საქართველოს ჯანდაცვის ჯგუფის ხელმძღვანელია. ორივე შვილისგან ამირან გამყრელიძეს ექვსი შვილიშვილი ჰყავს. მისი მეუღლე ექიმი-ჰემატოლოგი მარინე კვეზერელია.
