მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ ვიმოგზაურებთ COVID-19-ის ეპოქაში - რომელი ქვეყნები ემზადებიან ტურისტების მისაღებად და დაიყოფა თუ არა ევროპა "მწვანე დერეფნებად"
11:09 / 15-05-2020
მსოფლიოს ტურისტული ქალაქები კორონავირუსის პანდემიის გამო, დღეს დამთვალიერებლის გარეშეა დარჩენილი.
შეჩერებულია საერთაშორისო ფრენები და სფეროს ექსპერტები ვერ პროგნოზირებენ უახლოეს მომავალში აღდგენას, მაგრამ ამბობენ, რომ ერთი რამ ნათელია - მსოფლიო ტურიზმს წლები დასჭირდება, რომ 2019 წლის ნიშნულს დაუბრუნდეს, ფრენისა და აეროპორტებში მგზავრების მიღების პროცედურა კი უფრო რთული და ხანგრძლივი პროცესი იქნება.
როგორც "გარდიანი“ წერს, აპრილის მონაცემებით, მსოფლიო მოსახლეობის 90%, დაახლოებით 7.1 მილიარდი ადამიანი იმ ქვეყნებში ცხოვრობს, სადაც COVID-19-ის გამო მოგზაურობაზე შეზღუდვები დაწესდა. გამოცემის ცნობით, საავიაციო ინდუსტრიის ავტორიტეტული წარმომადგენლები ფიქრობენ, რომ მოგზაურობის 2019 წლის დონეზე დაბრუნებას წლები დასჭირდება.
ამასთან, ქვეყნები, რომლებმაც დაავადების გაკონტროლება ადრეულ ეტაპზე დაიწყეს, ცდილობენ თავიანთი მოქალაქეებისთვის სამოგზაუროდ ე.წ. მწვანე ზონები შექმნან. იდეაზე მსჯელობა პირველად ახალმა ზელანდიამ და ავსტრალიამ დაიწყეს.
- 9 ქვეყანა, რომელიც "სამოგზაურო მწვანე ზონის" შექმნის იდეას განიხილავს
მსოფლიოში ნელ-ნელა იკვეთება ახალი სამოგზაურო ალიანსების შექმნის კონტურები, თუმცა ამ ეტაპზე რთული სათქმელია, რამდენად რეალისტურია ეს, რადგანაც ახალი გაერთიანებების შექმნის იდეას ბევრი მოწინააღმდეგე ჰყავს.
სამოგზაუროდ მწვანე ზონის შექმნის იდეას 9 ქვეყანა განიხილავს და როგორც "გარდიანი" წერს, ამ ცხრა ქვეყნის ლიდერებმა აღნიშნულ საკითხზე ტელეკონფერენციის საშუალებით უკვე ორჯერ იმსჯელეს.
ეს ქვეყნებია - ავსტრია, საბერძნეთი, ისრაელი, ნორვეგია, დანია, ჩეხეთი, სინგაპური, ავსტრალია და ახალი ზელანდია.
აღნიშნული ქვეყნების ლიდერები ამ ეტაპზე შეთანხმდნენ, რომ ისინი დაიწყებენ ტურიზმის კუთხით შეზღუდვების შემსუბუქებას მას შემდეგ, რაც კორონავირუსის შემთხვევები ამ ქვეყნებში კიდევ უფრო შემცირდება.
- ისრაელი, საბერძნეთი და კვიპროსი
თავის მხრივ, ისრაელი, საბერძნეთი და კვიპროსი იმედოვნებენ, რომ ივლისიდან ტურიზმის ამოქმედებას ნაწილობრივ შეძლებენ და ეს სამი ქვეყანა საკითხზე აქტიურად მსჯელობს.
აღსანიშნავია, რომ ევროკომისია აპირებს წარადგინოს საზღვრების გახსნის 3-ფაზიანი გეგმა, რაც მსგავსი რისკების მქონე ქვეყნების დაჯგუფებასაც გულისხმობს.
- იტალიის პოზიცია
ე.წ. მწვანე დერეფნების შექმნის ინიციატივას მოწინააღმდეგეებიც ჰყავს და პირველი იტალიაა. ქვეყნის პრემიერ-მინისტრი ჯუზეპე კონტე ამბობს, რომ თუ ე.წ. მწვანე დერეფნების ინიციატივა ძალაში შევა, იტალია ევროკავშირს დატოვებს.
ჩვენ არ მივიღებთ შეთანხმებას, რომელიც ევროკავშირში პრივილეგირებულ ტურისტულ გზებს ქმნის. ამას არასდროს დავუშვებთ, ან ჩვენ გავალთ ევროკავშირიდან, - განაცხადა კონტემ
იტალიის პრემიერის თქმით, მან ევროკომისიის პრეზიდენტს უკვე უთხრა, რომ ე.წ. დერეფნები ევროკავშირის ერთიანი ბაზრის განადგურებას ნიშნავს.
- აეროპორტებში მგზავრების მიღების წესები
ჯერჯერობით არ არსებობს საერთაშორისოდ აღიარებული რეკომენდაციები, რომელთა დაცვაც აეროპორტების თანამშრომლებსა და მგზავრებს მოუწევთ, თუმცა ცხადია, რომ პროცედურა აღარ იქნება ისეთი, როგორიც ადრე იყო და მგზავრების შემოწმებას გაცილებით დიდი დრო დასჭირდება.
მგზავრობის გართულებულ და გახანგრძლივებულ წესებს აღწერს CNN-ის საერთაშორისო კორესპონდენტი, უილ რიპლი და ტოკიოდან ჰონგ კონგამდე მგზავრობაზე გვიყვება. რიპლის თქმით, როგორც წესი, ამ მიმართულებით ფრენას და აეროპორტის პროცედურებს აქამდე 5 საათი სჭირდებოდა, მაგრამ ახლა უფრო მეტი დრო დასჭირდა. მისი თქმით, თვითმფრინავში 109 მგზავრი იყო, მაშინ, როცა ის 400-ზე მეტ ადამიანს იტევს.
რიპლი წერს, რომ ჰონგ-კონგში ჩასვლისას მისცეს ელექტრონული სამაჯური, რომლითაც მის მოძრაობას გააკონტროლებენ მომდევნო 14 დღის განმავლობაში, რათა დარწმუნდნენ, რომ აღნიშნულ პერიოდს კარანტინში გაატარებს (ჰონგ-კონგის აეროპორტში კორონავირუსზე ყველას უტარდება ტესტი და კარანტინში გადადის ისიც, ვისაც კორონავირუსი არ აღმოაჩნდება).
მას და დანარჩენ მგზავრებს ჩაუტარეს ტესტირება და რადგანაც ტესტის პასუხები მეორე დღეს უნდა ყოფილიყო, ყველა მგზავრი გადაიყვანეს სასტუმროში. მოგზაურობის დაწყებიდან 20 საათის შემდეგ, მას ჰქონდა ტესტის პასუხი, აღმოჩნდა, რომ კორონავირუსი არ აქვს, რის შემდეგაც, ნება მისცეს წასულიყო თავის მიერ შერჩეულ ადგილას, სადაც 14 დღე უნდა გაატაროს, დააკვირდეს ჯანმრთელობის მდგომარეობას, ყოველდღე შეავსოს სპეციალური კითხვარი და აღნიშნოს კორონავირუსის ნებისმიერი პოტენციური სიმპტომი.
ექსპერტების თქმით, ამ შემთხვევას ვერ განვაზოგადებთ, რადგანაც თუკი ფრენები აღდგება, რთული წარმოსადგენია, მოგზაური, რომელიც ერთი კვირით გეგმავს კონკრეტულ ქვეყანაში ყოფნას, 14-დღიან კარანტინში გადაიყვანო, თუმცა აეროპორტში პროცედურები უფრო გართულებული იქნება და გაცილებით მეტი დრო დასჭირდება მგზავრის შემოწმებას, რადგანაც ეს COVID-19-ზე ტესტის ჩატარებასაც ითვალისწინებს, ხოლო მგზავრებს მოუწევთ ტესტის პასუხების გაგებამდე მოცდა.
- ე.წ. კოვიდ პასპორტები
ზოგიერთ ქვეყანაში მსჯელობენ ე.წ. კოვიდ პასპორტის შექმნის საკითხზე. ასეთ ქვეყნებს შორისაა ხორვატია. ჯანდაცვის მსოფლიო ორგანიზაციამ კი აღნიშნულ თემაზე ასეთი განცხადება გაავრცელა.
"ზოგიერთი მთავრობა აცხადებს, რომ COVID-19-ის ანტისხეულების სხეულში აღმოჩენა, შესაძლოა, ეწ. იმუნიტეტის პასპორტის, ან "რისკისგან თავისუფალი სერტიფიკატის" გაცემის საფუძველი გახდეს, რაც ადამიანებს საშუალებას მისცემთ დაუბრუნდნენ სამუშაო ადგილებს, ან იმოგზაურონ.
ამჟამად არ არსებობს არანაირი მტკიცებულება, რომ ადამიანები, რომლებმაც COVID-19 გადაიტანეს და გამოჯანმრთელდნენ და აქვთ ანტისხეულები, დაცულები არიან მეორედ დაინფიცირებისგან“, - ნათქვამია ჯანმო-ს განცხადებაში. ამიტომაც ამ ეტაპზე ასეთი პასპორტი ვერ იქნება უსაფრთხოების მანიშნებელი.
- საერთაშორისო ფრენების აღდგენა და საქართველო
პრემიერ-მინისტრ გიორგი გახარიას განცხადებით საქართველო საერთაშორისო ტურისტების მიღებას 1-ლი ივლისიდან გეგმავს. მისი თქმით, პირველი ქვეყანა, რომელთანაც საქართველოს უსაფრთხო "მწვანე კორიდორი" ექნება, ისრაელია.
"დღეს, ჩვენ შეგვიძლია ვთქვათ, რომ რამდენიმე ქვეყანასთან ამ მიმართულებით წარმატებული მოლაპარაკებები გვაქვს, რომლებიც სულ მალე დასრულდება ჩვენთვის მისაღები შედეგით. პირველი ასეთი ქვეყანა, როგორც ჩანს, იქნება ისრაელი და რომელთანაც ჩვენ გვექნება უსაფრთხო მწვანე კორიდორი, რომელიც უზრუნველყოფს შესაძლებლობას საქართველოში სტუმრები მალე მივიღოთ, ტურისტები ამ ქვეყნიდან.
რა თქმა უნდა, ჩვენ ყველაფერს გავაკეთებთ იმისათვის, რომ ვუმასპინძლოთ ისე, როგორც ჩვენს ქვეყანას შეეფერება და გავუფრთხილდეთ მათ ჯანმრთელობას. გარდა ამისა, აქტიური მოლაპარაკებები მიმდინარეობს ჩეხეთთან, პოლონეთთან, ბალტიის ქვეყნებთან, ავსტრიასთან, რა თქმა უნდა, ჩვენს მეზობლებთან", - განაცხადა პრემიერ-მინისტრმა.
ჯანდაცვის მსოფლიო ორგანიზაციამ კორონავირუსის პანდემია 11 მარტს გამოაცხადა. ამ დროისთვის გლობალური მასშტაბით, COVID-19-ით 4 539 401 ადამიანი დაინფიცირდა, პაციენტთა შორის 303 555 გარდაიცვალა, ხოლო 1 711 250 გამოჯანმრთელდა. ინფიცირებულთა რაოდენობის მიხედვით ქვეყნების ათეული ასეთია - აშშ, ესპანეთი, რუსეთი, დიდი ბრიტანეთი, იტალია, ბრაზილია, საფრანგეთი, გერმანია, თურქეთი, ირანი.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოვიდა მონობა ელექტრონული. თითქოს ხალხის სასიკეთოდ.
ახლა უკვე კორონას ეპოქა შექმენით ხომ.