მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სისტემა 165 800-ზე მეტმა დასაქმებულმა დატოვა" - რამდენი ლარია დაგროვილი საპენსიო სისტემაში და სად ინახება თანხა
09:59 / 14-05-2020
2020 წლის ბოლოსთვის საპენსიო აქტივების მოცულობა მილიარდ ლარს გადააჭარბებს, - ამის შესახებ „საპენსიო სააგენტოს“ დირექტორის მოვალეობის შემსრულებელმა, გიორგი ჭიჭინაძემ „ინტერპრესნიუსთან“ ინტერვიუში განაცხადა.
მისი თქმით, პანდემიის გამო შექმნილი ეკონომიკური ვითარება საპენსიო შენატანებზე არ ასახულა და 2020 წლის პირველ კვარტალში გასული წლის ანალოგიურ პერიოდთან შედარებით საპენსიო დანაზოგები გაიზარდა.
„მინდა დარწმუნებით განვაცხადო, რომ 2020 წლის ბოლოსთვის საპენსიო აქტივების მოცულობა მილიარდ ლარს გადააჭარბებს. სააგენტოში ყოველდღიურ რეჟიმში ვაკეთებთ კონტრიბუციების ანალიზს და ამ ეტაპზე არ დაფიქსირებულა არანაირი კლება შენატანების მხრივ, აქვე მინდა აღვნიშნო, რომ შარშანდელ პირველ კვარტალთან შედარებით, 2020 წლის პირველი კვარტლის კონტრიბუციები გაზრდილია დაახლოებით 51 მლნ ლარით“, - აცხადებს გიორგი ჭიჭინაძე.
გიორგი ჭიჭინაძის ინფორმაციით, საპენსიო სისტემა 165 866-მა დასაქმებულმა დატოვა. მისი თქმით, გასვლების რაოდენობა მინიმუმამდეა დაყვანილი.
„საპენსიო სისტემაში 2019 წლის 1-ელი იანვრიდან დღემდე, გაწევრიანებულია დაახლოებით 1 014 000-მდე მონაწილე და ყოველთვიურად 10 000-მდე ახალი მონაწილე გვემატება, ხოლო გასვლების რაოდენობა მინიმუმამდეა დაყვანილი. დღევანდელი მონაცემებით, დაგროვებით საპენსიო სისტემაში გასვლის უფლების მქონე მონაწილეთა 60%-ი დარჩა, ხოლო სისტემიდან გასულია 165 866 დასაქმებული. უნდა ვაღიარო, რომ ასეთი შედეგის მოლოდინი, რეფორმის დაწყებისას, საერთაშორისო დონორ ორგანიზაციებსაც არ ჰქონდათ. როგორც საპენსიო სააგენტოს ხელმძღვანელი, მივიჩნევ, რომ საპენსიო რეფორმა სტაბილურობის გარანტიაა ჩვენი ქვეყნისთვის და ჩვენი მოსახლეობისთვის“, - აღნიშნავს ჭიჭინაძე.
რაც შეეხება საპენსიო დანაზოგების მდგომარეობას, გიორგი ჭიჭინაძის განცხადებით, საპენსიო აქტივები შეადგენს 741 მილიონ ლარს, აქედან 82%, ანუ 606 მილიონი განთავსებულია კომერციული ბანკების სადეპოზიტო სერტიფიკატებში (CD-ებში), ხოლო დანარჩენი 18%, ანუ 133 მილიონი, კომერციულ ბანკებში და ეროვნულ ბანკში სარგებლიან ანგარიშებზე. ჯამში მთელ საპენსიო აქტივებს, ანუ 741 მილიონ ლარს, დარიცხული აქვს 44 მილიონი ლარი.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორ ატყუებთ ხალხს
სიცრუეზე აგებული ყველაფერი დროებითია