მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ოთხშაბათი, მთვარის ოცდამეცხრე დღე დაიწყება 03:36-ზე, მთვარის პირველი დღე დაიწყება 14:31-ზე, მთვარე კირჩხიბში იქნება 07:45-დან – დაიცავით მარხვა, გმართებთ თავშეკავება. შუადღემდე არაფერი ახალი და მნიშვნელოვანი არ გააკეთოთ, დაასრულეთ ის, რაც ადრე დაიწყეთ. გაუფრთხილდით სახლს და ოჯახს, გაასუფთავეთ და მოაწესრიგეთ თქვენი სახლი. ახალმთვარეობაზე არ ღირს მნიშვნელოვანი საქმეების დაწყება. ის, რაც დღეს დაიგეგმება, მოგვიანებით წარმატებით განხორციელდება. ნუ გადატვირთავთ თავს ფიზიკურად და ემოციურად. ნაკლები ილაპარაკეთ. ახალმთვარეობიდან ერთი საათის განმავლობაში შეიმუშავეთ ერთი თვის ბიზნესგეგმის შემუშავება. მოძებნეთ ახალი გზები იდეების განსახორციელებლად. არ არის რეკომენდებული რაიმეს ყიდვა-გაყიდვა. სერიოზული გადაწყვეტილებების მიღება და მოლაპარაკება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქალმა კივილი დაიწყო... დათომ უთხრა: თავი არ მომჭრა და 112-ში არ დარეკო, ყოფას გიტირებო" - რას ყვება ცინარიძის ადვოკატი ინციდენტის ღამის შესახებ
18:08 / 11-05-2020
საპატრულო პოლიციის ყოფილი უფროსი დავით ცინარიძე გლდანის ციხეში იმყოფება. პროკურატურის მტკიცებით, 27 აპრილს, ღამით, ნასვამმა ცინარიძემ მეუღლეს, მანანა ბოლოთაშვილს, სიტყვიერი და ფიზიკური შეურაცხყოფა მიაყენა, შემდეგ კი ცეცხლსასროლი იარაღით მოკვლით დაემუქრა, რა დროსაც ერთხელ ისროლა.
ცინარიძე თავს დამნაშავედ არ ცნობს. ამბობს, რომ მეუღლეზე არ უძალადია. ადასტურებს, რომ მცირე კონფლიქტი მოხდა და ისიც კარანტინით გაღიზიანების გამო...
ბრალდებულის ადვოკატი კახა ხვისტანი "კვირის პალიტრასთან" ინტერვიუში ინციდენტის ღამის ეტალებს ყვება და ამბობს, რომ სიცოცხლის ხელყოფის მუქარა ტყუილია და საზოგადოება მალე ნახავს, რომ ცინარიძე ბრალდებაში გამართლდება.
"დათოს იარაღი შემთხვევით რომ გაუვარდა, მისი მეუღლეც ადასტურებს. დიახ, ნასვამი იყო, რამდენიმე ჭიქა ჰქონდა დალეული მეგობრის დაბადების დღეზე. სასამართლოს ობიექტურად რომ შეეფასებინა მდგომარეობა, თავიდანვე გამორიცხავდა ამ დანაშაულის შემადგენლობას.
ამ თემის ანგაჟირება მოხდა, მოსამართლემ კი საზოგადოებრივ ინტერესს ვერ გაუძლო. დასჯის მიზნით აღკვეთის ღონისძიების გამოყენება დაუშვებელია, მას იმისთვის იყენებენ, რომ ბრალდებულმა ახალი დანაშაული არ ჩაიდინოს, არ მიიმალოს, მტკიცებულებები არ გაანადგუროს. შემთხვევას ერთადერთი თვითმხილველი ჰყავს, რომელიც ორჯერ დაჰკითხეს, დათვალიერებულია შემთხვევის ადგილი, ამოღებულია ცეცხლსასროლი იარაღი და მასრა.
სასამართლოს ალტერნატივად გირაო და ყველა უფლების აღკვეთა შევთავაზეთ - სახლიდან გამოსვლა გარდაუვალი საჭიროების გარდა, ცოლთან მიახლოების უფლების აკრძალვა, პირადობის მოწმობისა და პასპორტის ჩამორთმევა, ყოველდღე გამოცხადდებოდა პოლიციაში, თუმცა მაინც პატიმრობა შეეფარდა, არადა, ბრალი დაუსაბუთებელია.
- იქნებ უფრო დეტალურად გვითხრათ, რა მოხდა იმ დღეს?
- იმ საღამოს დათო შინ ნასვამი დაბრუნდა. მეუღლეს დივანზე ეძინა, დათომ გააღვიძა, წამოდი, საწოლში დაწექიო. ამ გაღვიძების გამო წაკამათდნენ. შემდეგ დათომ ბალიში აიღო და დასაძინებლად წავიდა ეზოში მდებარე მარანში, სახლიდან 100 მეტრის მოშორებით. მას ცოლიც მიჰყვა, დათომ უთხრა, თავი დამანებეო, ცოლი კი სახლში შესვლას სთხოვდა. ამის გამო ისევ წაკამათდნენ და ამ დროს ცოლს შეაგინა.
ქალი გაბრაზდა. უთხრა, თუ არ წამოხვალ, პატრულში დავრეკავო. დათო ცოლს შეეწინააღმდეგა, უნდოდა ტელეფონი წაერთმია, ცდილობდა ხელიდან გამოეგლიჯა და ამ ძიძგილაობისას საქამრიდან დათოს იარაღი ამოუვარდა და ძირს დაუვარდა. მან ყურადღება იარაღზე გადაიტანა, ამასობაში ცოლმა ხელი გაითავისუფლა, წიხლი ჰკრა ქმარს და სწორედ ამ დროს გავარდა იარაღი. ერთი ტყვია კედელს მოხვდა.
ქალმა ისტერიკული კივილი დაიწყო. დათომ უთხრა, თავი არ მომჭრა, არ დარეკო 112-ში, თორემ ყოფას გიტირებო. სწორედ დათოს ეს სიტყვები დაკვალიფიცირდა მუქარად. ამასობაში ცოლმა 112-ში დარეკა..." წაიკითხეთ ვრცლად
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამისთანებს მარტო ცოლებთან აქვთ დიდი გული. "მეგობარმა გოგონამ" ხომ კარგად გაისროლა თანამდებობიდან!
ამ ადვოკატს თუ დავუჯერებთ ცოლია დასაჭერი წიხლი ჩააზილაო.დდდდ