სვანეთში თოვლი მოვიდა. ადგილზე გადაღებულ დღევანდელ ფოტოს სოციალურ ქსელში მესტიის მუნიციპალიტეტის მერიის თანამშრომელი ბაქარ ნიჟარაძე ავრცელებს.
"მაისის თოვლი ვარდების ნაცვლად..." - წერს ფოტოს კომენტირებისას ნიჟარაძე.
საქართველოში არამდგრადი ამინდები 11 მაისამდე შენარჩუნდება. ქვეყანაში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, ძლიერი ქარი, ზღვაზე 3-4 ბალიანი ღელვა.
გარემოს ეროვნული სააგენტოს ინფორმაციით, მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება და ზოგან წყალმოვარდნები გამოიწვიოს.
ქვეყნის მთიან ზონებში შესაძლებელია ზვავების ფორმირება და მეწყრულ - ღვარცოფული პროცესების ჩასახვა - გააქტიურება აღინიშნოს.
