აშშ-ში მოკლეს პროფესორი, რომელიც COVID-19-ზე "მნიშვნელოვან აღმოჩენასთან ახლოს იყო"
პიტსბურგის უნივერსიტეტის პროფესორი და მკვლევარი სამართალდამცველებმა საკუთარ სახლში მოკლული იპოვეს. ამის შესახებ CNN სამართალდამცველებზე დაყრდნობით წერს.
საყურადღებოა, რომ პროფესორი ახალ კორონავირუსთან დაკავშირებით კვლევას ატარებდა და როგორ CNN წერს, ის COVID-19-თან დაკავშირებით მნიშვნელოვან აღმოჩენასთან ახლოს იყო.
გამოცემის ცნობით, მკვლევარი ბინგ ლუ თავის მშობლიურ სახლში პოლიციამ შაბათს იპოვა. მას ცეცხლსასროლი იარაღით ჭრილობები თავის, ყელისა და ტანის არეში ჰქონდა მიყენებული. გამომძიებლების თქმით, ლუს სახლთან მანქანაში გარდაცვლილი დაუდგენელი პირი იპოვეს. სამართალდამცველები ვარაუდობენ, რომ ის თავდამსხმელია, რომელმაც ჯერ პროფესორი მოკლა, ხოლო შემდეგ თავი მოიკლა.
პოლიციელების რწმუნებით, თავდამსხმელი და პროფესორი ერთმანეთს იცნობდნენ, დანაშაულის ჩადენის მოტივზე არ საუბრობენ, თუმცა გამორიცხავენ, რომ მოტივი რასიზმს უკავშირდებოდეს. ლუ წარმომავლობით ჩინელი იყო.
"გამორიცხულია, რომ მკვლელობა მის წარმომავლობას უკავშირდებოდეს“. - ამბობს დეტექტივი ბრაიან კოჰლჰეპი.
უნივერისიტეტის სამედიცინო სკოლის წარმომადგენელები ბინგ ლუს შესანიშნავ მკვლევარს და მეცნიერს უწოდებენ. ამ ეტაპზე გამოძიება მიმდინარეობს და კონკრეტული დეტალები არ ხმაურდება.
მეჰრიბან და ილჰამ ალიევები ყარაბაღში ჩავიდნენ - რა კადრებს აქვეყნებს აზერბაიჯანის პირველი ლედი "ინსტაგრამზე"
"კავკასიის მთების მიღმა, რუსეთის ე.წ. "ახლო საზღვარგარეთში“ პუტინი ერთადერთი "მეფე" აღარ არის. რუსულ ჰეგემონიას თურქეთმა საფრთხე შეუქმნა" - რას წერს შვედური გამოცემა?
