მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ არ არის თურქმენეთში COVID-19-ის არც ერთი შემთხვევა - ქვეყანაში სიტყვა "კორონავირუსს" არ იყენებენ
14:18 / 05-05-2020
კორონავირუსის ახალი შტამი, COVID-19 მსოფლიოს 212 ქვეყანასა და ტერიტორიულ ერთეულზეა დაფიქსირებული. დედამიწაზე მხოლოდ რამდენიმე ადგილი შემორჩა, სადაც კორონავირუსის შემთხვევა ოფიციალურად არ დადასტურებულა და ერთ-ერთი მათგანია თურქმენეთი.
როგორც BBC წერს, ექსპერტები შეშფოთებულები არიან, რადგანაც შესაძლოა, მთავრობა სიმართლეს მალავდეს, რაც რეალურად უფრო დიდ საფრთხეს შეიცავს.
მაშინ, როცა მსოფლიო ვირუსს ებრძვის, ქალაქებში კარანტინია გამოცხადებული, მილიონობით ადამიანი სახლშია გამოკეტილი, თურქმენეთში არ მოქმედებს შეზღუდვები. დაშვებულია მასობრივი თავყრილობები, მაგალითად, 7 აპრილს ჯანმრთელობის მსოფლიო დღესთან დაკავშირებით, ქვეყანაში მასობრივი ველო გარბენი მოეწყო, სადაც მთავარი ვარსკვლავი ქვეყნის პრეზიდენტი, გურბანგული ბერდიმუჰამედოვი იყო. ის ველორბოლაში თავადაც ჩაერთო.
ცენტრალური აზიის ქვეყნის ხელისუფლება ამბობს, რომ იქ ვირუსის არც ერთი შემთხვევა არ გამოვლენილა, მაგრამ რამდენად სანდოა ეს ყოველივე?
"ჯადაცვის სტატისტიკა თურქმენეთიდან არასანდოა. გასული ათწლეულის განმავლობაში ისინი აცხადებდნენ, რომ HIV ინფიცირების არცერთი შემთხვევა არ ჰქონდათ, რაც არადამაჯერებელია“, - ამბობს ლონდონის ჰიგიენისა და ტროპიკული მედიცინის სკოლის პროფესორი, მარტინ მაკკი.
BBC-ის ცნობით, თურქმენეთში საზოგადოებას აშინებს ვირუსზე ლაპარაკი და იმის თქმა, რომ შესაძლოა საქმე COVID-19-თან ჰქონდეთ.
"ჩემმა ნაცნობმა, რომელიც სახელმწიფო სააგენტოში მუშაობს, მითხრა, რომ არ უნდა მეთქვა ვირუსზე არაფერი. წინააღმდეგ შემთხვევაში პრობლემები შემექმნება“, - ამბობს თურქმენეთის დედაქალაქის, აშხაბადის ერთ-ერთი მაცხოვრებელი BBC-სთან და ჟურნალისტს სთხოვს, რომ მისი ვინაობა არ გაამხილოს.
ცნობილია, რომ ხელისუფლება მუშაობს გეგმაზე, თუ როგორ უნდა მოიქცნენ თუ ქვეყანაში ვირუსი გავრცელდება. თურქმენეთმა დახურა სახმელეთო საზღვრების უმეტესი ნაწილი დაახლოებით ორი თვის წინ. თებერვალში შეაჩერა ფრენა ჩინეთთან და ზოგიერთ სხვა ქვეყანასთან. ქალაქ თურქმენაბადში კი საკარანტინე ზონა შეიქმნა, სადაც ორი კვირით უცხოეთიდან დაბრუნებულებს ათავსებენ.
"აქ რომ კორონავირუსის ერთი დადასტურებული შემთხვევა მაინც იყოს, ჩვენ დაუყოვნებლივ ვაცნობებდით ჯანდაცვის მსოფლიო ორგანიზაციას ჩვენი ვალდებულების შესაბამისად. ჩვენ არაფერს არ ვმალავთ" - განაცხადა ქვეყნის საგარეო საქმეთა მინისტრმა რაშიდ მერედოვმა 22 აპრილს გამართულ ბრიფინგზე.
"ალ ჯაზირას“ ცნობით, ამავე ბრიფინგზე ჯანდაცვის მინისტრმა ნურმუჰამედ ამანეპესოვმა თქვა, რომ ქვეყანას აქვს 30 000 ტესტი კორონავირუსის გამოსავლენად და კიდევ 40 ათასი შეკვეთილი აქვს თურქეთისთვის, რუსეთისა და გერმანიისთვის. მისი თქმით, საკარანტინე ზონაში 151 ადამიანია და მათი უმეტესობა თურქმენეთის ის მოქალაქეები არიან, რომლებიც სატვირთოების მძღოლებად მუშაობდნენ და მეზღვაურები არიან.
ქვეყანაში აპრილის მიწურულს განაახლეს ფეხბურთის ჩემპიონატიც და ამ სპორტის გულშემატკივრები სტადიონებს დაუბრუნდნენ. გამოცემა წერს, რომ ოფიციალური პირები მაქსიმალურად არიდებენ თავს კორონავირუსზე საუბარს.
აღსანიშნავია, რომ მარტში "რეპორტიორები საზღვრების გარეშე“ წერდა, რომ თურქმენეთის ხელისუფლება თავს არიდებს სიტყვა "კორონავირუსის" გამოყენებას. და ამ სიტყვას არ იყენებენ არც მედიასაშუალებები. აღნიშნული სიტყვა ამოიღეს სპეციალური ბროშურებიდან, რომლებსაც ჯანდაცვის სამინისტრო სასწავლო დაწესებულებებს და საავადმყოფოებს ურიგებდა.
აღსანიშნავია, რომ კორონავირუსის არც ერთი შემთხვევა არ იყო დადასტურებულა ცენტრალური აზიის კიდევ ერთ ქვეყანაში, ტაჯიკეთში, თუმცა worldometers.info-ს მიხედვით, იქ უკვე 230 შემთხვევა ფიქსირდება, ხოლო შემთხვევების ეს რაოდენობა 30 აპრილიდან 4 მაისამდე პერიოდშია გამოვლენილი. ტაჯიკეთში ოფიციალურად ვირუსით 3 ადამიანია გარდაცვლილი.
კიდევ ერთი ქვეყანა, სადაც კორონავირუსი ოფიციალურად არ გამოვლენილა და რომელიც ეჭვსა და კითხვებს ბადებს, ჩრდილოეთ კორეაა. დასავლური სამყარო და ექსპერტები დარწმუნებულები არიან, რომ ჩრდილოეთ კორეა ვირუსთან დაკავშირებით რეალურ სურათს მალავს.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩრდილოეთ კორეა ისედაც ჩაკეტილი ქვეყანა იყო და რა გასაკვირია რომ იქ არ დაფიქსირდეს კორონავირუსი?
რო ვირუსს წარმატებით ებრძოდნენ და გავრცელების საშუალებას არ მისცემდნენ. პუტინის ტროლები მსოფლიოს დახმარებაზეც ლაპარაკობდნენ, იტალიაშიც გაგზავნეს ტვირთი ვირუსთან საბრძოლველად(საიდანაც 80% ნაგავი აღმოჩნდა) ასევე გააგზავნეს "ექიმები"(კგბ-შნიკები) რომლებსაც თავად აღმოაჩნდათ ვირუსი და ისინიც იტალიელების სამკურნალოები გახდნენ. ახლა კი როცა ამ მალვა-მალვაში ვირუსმა კატასტროფულ მასშტაბებს მიაქცია და ექიმებმაც კი გამოთქვეს პროტესტი. იმაზე რო თავად დაავადებულებს აიძულებდნენ ავადმყოფებისთვის ემკურნალად. უფრო გაბედულებს ვინც ეს ქსელებში დადო რაღაც "ახალი" ავადმყოფობა შეეყარათ. და რატომღაც ფანჯრებიდან გადმოვარდნები დაეწყოთ. მოკლედ რუსეთი თავის სტილშია უკვე ჩინეთსაც აბრალებს ვირუსის გაგრძელებას, ამერიკასაც და გუშინ სალოვიოვმა(რუსეთის არხზე "საღამოს" წამყვანმა) ისიც განაცხადა საქართველოს ლუგარიც არ დაგვავიწყდესო...