23
ივლისიდღის ზოგადი ასტროლოგიური პროგნოზი
საქართველოში კორონავირუსით გარდაცვლილი მე-9 პაციენტი საუნივერსიტეტო კლინიკაში მკურნალობდა.
როგორც“ ინტერპრესნიუსს“ კლინიკის დირექტორმა ლევან რატიანმა განუცხადა, პაციენტს ქრონიკული დაავადებები ჰქონდა. მისივე თქმით, მას კლინიკაში დაახლოებით სამი კვირის მანძილზე მკურნალობდნენ.
მისივე ინფორმაციით, გარდაცვლილი 60 წლამდე ასაკის ქალია.
„მას ჰქონდა ფილტვის ობსტრუქციული დაავადება, ბრონქული ასთმა მძიმე მიმდინარეობით. პაციენტი მოთავსდა რამდენიმე კვირის წინ ჩვენ კლინიკაში. პირველ ეტაპზე იყო თერაპიულ განყოფილებაში, პროტოკოლით გათვალისწინებული მკურნალობა უტარდებოდა. დაუფიქსირდა სუნთქვის უკმარისობა, კლინიკურად გამოვლინდა მწვავე რესპირატორული დისტრესი, მოთავსდა რეანიმაციულ განყოფილებაში. კლინიკურად სახეზე იყო მძიმე სომატური პათოლოგიების ფონზე განვითარებული პოლიორგანული კლინიკა, სუნთქვის მწვავე უკმარისობა, მიოკარდიტი,“- განაცხადა ლევან რატიანმა.
საქართველოში კორონავირუსით კიდევ ერთი, მე-9 პაციენტი გარდაიცვალა. რაც შეეხება ინფიცირების შემთხვევებს, მათი რაოდენობა 24 საათში 7-ით გაიზარდა და 589 გახდა. გამოჯანმრთელებულია 221 ადამიანი.
ცნობისთვის, თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკას დღეს 7 გამოჯანმრთელებული პაციენტი დატოვებს. რაც შეეხება დანარჩენ პაციენტებს, ლევან რატიანის თქმით, რეანიმაციაში კვლავ 8 ადამიანი რჩება, რომელთაგან 1-ის მდგომარეობა კრიტიკულად მძიმეა.
„ამ ეტაპზე კლინიკაში გვყავს 91 პაციენტი, აქედან 70 კოვიდინფიცირებული. დღეს კლინიკიდან ეწერება 7 გამოჯანმრთელებული პაციენტი.
რეანიმაციაში გვყავს 8 პაციენტი, აქედან 1-ის მდგომარეობა არის კრიტიკული. ჰემოდინამიკა მკვეთრად არასტაბილურია, ხორციელდება რეანიმაციული ღონისძიებები. 4 პაციენტი არის ფილტვის ხელოვნურ ვენტილაციაზე, დანარჩენები მაღალ ოქსიგენოთერაპიაზე. ხორციელდება მათი მონიტორინგი“, - განაცხადა რატიანმა.
ხო მაქვს უფლებები როგორც პაციენტს თუ დავაავადდი. ამასთან არ მიმიყვანოოოოთ! შტერი
ძალიან ვწუხვარ ბატონო ლევან.