მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რესპუბლიკურ საავადმყოფოს მძიმე პაციენტი აღარ ჰყავს" - რას ამბობს ლევან გოფოძე ექიმების ინფიცირების თემაზე
15:27 / 03-05-2020
რესპუბლიკური საავადმყოფოს დირექტორის, ლევან გოფოძის განცხადებით, დღეს კლინიკას 17 პაციენტი დატოვებს, მათ შორის 5 კოვიდინფიცირებული, რომელიც გამოჯანმრთელდა.
როგორც მან ჟურნალისტებს განუცხადა, ამჟამად კლინიკაში 64 პაციენტი იმყოფება, მათგან 45 კოვიდინფიცირებულია.
„დანარჩენი პაციენტების ჯანმრთელობის მდგომარეობა საშუალო სიმძიმისაა და ძირითადად, დამაკმაყოფილებელი. ამ ეტაპზე კოვიდინფიცირებული მძიმე პაციენტი არ გყვავს, თუმცა გვყავს პაციენტები, რომლებსაც პნევმონია აქვთ. გუშინ ჩვენთან არც ერთი ახალი შემთხვევა არ დადასტურდა. დღეს კიდევ 3 პაციენტს გაუკეთდა ტესტირება. ვნახოთ, როგორ წარიმართება მდგომარეობა. გამოჯანმრთელებულ ადამიანებს ალბათ, ხვალაც გავუშვებთ“, - განაცხადა გოფოძემ.
ლევან გოფოძემ ექიმების ინფიცირების პრობლემაზეც ისაუბრა და ჟურნალისტის კითხვას, რატომ მოხდა, რომ კორონავირუსით ინფიცირებულთა 12%-ზე მეტი ექიმია, აღნიშნავს, რომ ამის განსაზღვრა ძალიან რთულია. რაც შეეხება უშუალოდ რესპუბლიკურ საავადმყოფოს, მისი თქმით, ამ ეტაპზე კორონავირუსი მათი კლინიკის არც ერთ მედპერსონალს არ გამოვლენია.
„ძალიან რთულია ამის განსაზღვრა. ჩვენ გაწერილი გვაქვს წესი და რიგი, როგორ უნდა გვეცვას, როგორ უნდა ვმოძრაობდეთ, როგორ უნდა მივიდეთ ადამიანთან - გააჩნია, რას ვაკეთებთ. როდესაც ინვაზიური მეთოდის ჩატარების მიზნით ვართ პაციენტთან, მაშინ სულ სხვაგვარი აღჭურვილობა გვჭირდება. როდესაც გასასინჯად, სანახავად და ასე შემდეგ, მაშინ სხვა. ასე რომ, ამ წესების დაცვა ძალიან მნიშვნელოვანია.
რაც შეეხება ექიმების ინფიცირების პრობლემას, ეს მხოლოდ საქართველოს პრობლემა არ არის. მაგალითად, სულ მომყავს ძალიან განვითარებული მედიცინის მქონე ქვეყანა - იტალია, სადაც კატასტროფა მოხდა - მედიცინის 160 მუშაკი დაიღუპა, მათგან 120 ექიმი იყო. ძალიან რთულია გავიგოთ, საიდან ვრცელდება, შეიძლება არა მხოლოდ კლინიკაში, არამედ გარედანაც მოხდეს ინფიცირება. სავარაუდოდ, შესაძლებელია პაციენტებიც იყვნენ. საბედნიეროდ, ჯერჯერობით რესპუბლიკურ საავადმყოფოს ინფიცირებული მედპერსონალი არ ჰყავს მიუხედავად იმისა, რომ მთელ მედპერსონალს ტესტირება ჩაუტარდა. ეს იმას არ ნიშნავს, რომ არ გვეყოლება, თუმცა ვცდილობთ, არ იყოს. ასევე ცდილობს ყველა კლინიკა, ამაში ეჭვი არ მეპარება“, - განაცხადა გოფოძემ.
მისი თქმით, შესაძლებელია მედიკოსმა ყველა წესი დაიცვას, მაგრამ მაინც დაინფიცირდეს, „რადგან ეს ვირუსია“.
„ექიმები და საერთოდ სამედიცინო პერსონალი არანორმალური დაძაბულობის პირობებში მუშაობს. გარდა იმისა, რომ შრომა და ფიზიკური დაძაბულობაა, ნერვული დაძაბულობაც არის. შეიძლება, ცხვირზე ჩამოიწიო ნიღაბი, ან უბრალოდ ვერ ისუნთქო, ძალიან ბევრი მიზეზი შეიძლება იყოს. თუმცა, შესაძლებელია ყველა წესი დაიცვა, მაგრამ მაინც დაინფიცირდე, რადგან ვირუსია, ზომა არ აქვს. ერთი რამის მწამს, რომ ყველა სამედიცინო დაწესებულება, სადაც კოვიდინფიცირებულები არიან, ყველაფერს აკეთებს იმისთვის, რომ თავისი ექიმები მაქსიმალურად დაიცვას. სწორედ ამიტომ არის რთული სამუშაო ექიმებისა და მედპერსონალისთვის. მუდმივად დაძაბულ რეჟიმში ვართ. ასე ვთქვათ, ექიმები დანის პირზე დადიან“, - განაცხადა გოფოძემ.
მისი თქმით, მუდმივად მიმდინარეობს შეხვედრა და იმაზე მსჯელობა, თუ როგორ უნდა მოიქცნენ ექიმები.
„თითქოს პარადოქსია არა, ექიმს ხელების დაბანა როგორ უნდა ასწავლო, მთელი ცხოვრება ხელს იბანენ, მითუმეტეს, პირადად ქირურგი ვარ და ჩვენ თითქოს მეტი რა ვიცით, მაგრამ რაღაც დეტალებია, რომელზეც ყურადღების გამახვილება აუცილებლად საჭიროა“, - განაცხადა გოფოძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იმიტომაა რატიანთან რომ კორონას პოზიორობა არ უყვარს. ხან რომელ ტელევიზიაში ხან რომელში ჩაცმა გახდით