14
მარტიდღის ზოგადი ასტროლოგიური პროგნოზი
როგორ გავაძლიეროთ ჩვენი იმუნიტეტი
იმუნურ სისტემას ადამიანი ვერ ხედავს და ვერ გრძნობს, მაგრამ მას მნიშვნელოვანი ფუნქცია გააჩნია. იმუნური სისტემა უჯრედების, ცილების, ქსოვილებისა და ორგანოების ერთობლიობაა და თუ მისი რომელიმე რგოლი მოიკოჭლებს, ნებისმიერ ინფექციას მასობრივი გავრცელების შესაძლებლობა ეძლევა და ორგანიზმი თავდაცვითი უნარის გარეშე რჩება. შესაბამისად რაც უფრო მყარია იმუნური სისტემა და მდიდარია ჩვენი ორგანიზმი საჭირო მინერალებით, მით უფრო მზად ვართ ვირუსთან გასამკლავებლად.
მართალია, დღეს პანდემიის ფონზე, პრევენციის საუკეთესო საშუალება ხელების დაბანაა, მაგრამ იმუნიტეტის გასაძლიერებლად სპეციალისტები მინერალების დღიური დოზის აუცილებლობაზე მიანიშნებენ და მის აღდგენას მინერალური წყლის მიღების გზითაც გვირჩევენ. რა ტიპის პროცედურებით შეგვიძლია ხელი შევუწყოთ იმუნიტეტის გაძლიერებას, იმისათვის რომ მარტივად მოვერიოთ ვირუსს, რა დადებით როლი ეკისრება მინერალებს, მინერალური წყლის მიღების სარგებლიანობასა და სამკურნალო თვისებებზე, გვესაუბრება ალერგოლოგ-იმუნოლოგი ბიძინა კულუმბეგოვი და შინ დარჩენილ მოქალაქეებს გარკვეულ რეკომენდაციებსაც აძლევს.
- ზოგადად იმუნიტეტის გაძლიერება დამოკიდებულია სხვადასხვა ფაქტორზე, როგორიცაა, სულიერი და ფიზიკური დასვენება, ძილის რეჟიმის მოწესრიგება და გარკვეული ტიპის აქტივობა, ნებისმიერ შემთხვევაში ძალიან კარგია ჰაერზე სეირნობა პარკებსა და სხვა ღია სივრცეებში. თუ ქრონიკულ დაღლილობას განიცდით და ამავე დროს გრძნობთ, რომ მნიშვნელოვან საქმეებთან გასამკლავებლად ენერგია აღარ გყოფნით, მოგიწევთ საკუთარი ორგანიზმის გაძლიერებაზეც იზრუნოთ. იმისათვის რომ შეავსოთ მინერალების დეფიცი, ერთ-ერთი მნიშვნელოვანი ფაქტორია ჯანსაღი კვება. ამასთან, იმუნური სისტემის გაჯანსაღებისთვის არსებობს გარკვეული რეკომენდაციები. კერძოდ, მინერალების დღიური ნორმის მიღება შესაძლებელია მინერალური წყლის სახითაც. მაგალითად, თუ ხშირად დალევთ „ბორჯომის“ ბუნებრივად გაზირებულ წყალს, რომელიც ზომიერად მდიდარია ბუნებრივი მინერალებით, მთელი დღის განმავლობაში ენერგია და კარგი განწყობა გარანტირებული გექნებათ. ზოგადად, ბორჯომის მინერალური წყალი, თავისი უნიკალური შემადგენლობით, ამაღლებს ორგანიზმის საერთო ტონუსს, დადებითად მოქმედებს ადამიანის ორგანიზმზე და აძლიერებს იმუნურ სისტემას. მწვავე რესპირაციული ვირუსული ინფექციის დროს, ბორჯომი ხელს უწყობს სასუნთქი გზების ფუნქციონირებას. ეს ისტორიულადაც დადასტურებულია: ბრონქიტის დროს, ბორჯომის წყალში გაზავებულ რძეს ჩვენი ბებიები ოდითგანვე იყენებდნენ დაავადების შემსუბუქებისა და სწრაფი გამოჯანმრთელების მიზნით.
- ბორჯომის შემადგენელი რომელი მინერალები უწყობენ ხელს ორგანიზმის იმუნური სისტემის გაჯანსაღებას?
ცნობილია, რომ „ბორჯომი“ ვულკანური წარმოშობის მინერალური წყალია, რომელიც გაზის- ნახშირბადის წნევის დახმარებით მიწის ზედაპირზე 8-10 კმ. სიღრმიდან ამოდის. სხვა ჰიდროკარბონატული მინერალური წყლებისგან განსხვავებით, „ბორჯომი“ მიწის ქვეშ ვერ ასწრებს გაგრილებას და ზედაპირზე თბილი სახით ამოდის (37-41°С). გზადაგზა მდიდრდება სხვადასხვა მაკრო და მიკრო ელემენტებით და უნიკალური, 60-მდე დასახელების ნივთიერებებით. თავის დროზე, ბორჯომის მინერალური წყლის კვლევის შედეგებმა აჩვენა, რომ ყველა ნივთიერება მის ფორმირებაში მონაწილეობს. ამიტომაც ძალიან მნიშვნელოვანია, მისი სიღრმისეული მინერალიზაცია, რაც გამოარჩევს მას მტკნარი და დაბალი მინერალიზაციის წყლებისგან. მის ქიმურ შემადგენლობაში განსკუთრებით ყურადღებას იპყრობს: კალიუმი, კალციუმი, სილიციუმი, მაგნიუმი, ნატრიუმი, ქლორი, ფტორი და სტრონციუმი. სწორედ, ამ შემადგენლობით ის უნიკალურია. „ბორჯომი“ განსაკუთრებით, გამორჩეულია იოდის შემცველობით და ამიტომაც რეკომენდირებულია მისი მიღება ფარისებრი ჯირკვლის იოდის დეფიციტის დროს. ასევე მნიშვნელოვანია კალციუმი, რომელიც იონურ წონასწორობას უწყობს ხელს და სისხლის შედედებაზე მოქმედებს. ამავდროულად სასარგებლოა ძვლებისთვის, კბილებისთვისა და კუნთებისთვის. მაგნიუმი კი, არეგულირებს კალციუმის შეწოვას ორგანიზმში, ნატრიუმი აწესრიგებს წნევას, კუნთების მუშაობას, კალიუმი არეგულირებს გულის, თირკმლის ფუნქციონირებას და ა.შ მთელი ამ სასარგებლო თვისებების გამო „ბორჯომი“ რეკომენდირებულია ორსულთათვისაც.
- ბორჯომის მინერალური წყლის სამკურნალო თვისებებზე ბევრს საუბრობენ, თქვენ როგორც იმუნოლოგი როგორ შეაფასებდით?
- ბორჯომს აქვს რამდენიმე უნიკალური თვისება. კერძოდ, ვულკანური წარმოშობის მინერალთა უნიკალური კომპლექსის წყალობით „ბორჯომს” ხშირად უწოდებენ „შიდა შხაპს“ და ხასიათდება ორგანიზმის გაწმენდის უნარით. აღირებულია, რომ ის ასევე უნიკალური და ეფექტურია საჭმლისმომნელებელი სისტემისა და ნივთიერებათა ცვლით გამოწვეული დაავადებების არამხოლოდ მკურნალობის, არამედ ის მნიშვნელოვანია პროფილაქტიკის ანუ თავიდან აცილების მიზნით.
კვების ჰიგიენის სპეციალისტთა თანახმად, თანამედროვე მავნე ეკოლოგიური პირობებისა და არაბალანსირებული კვების გამო დარღვეულია ადამიანის ორგანიზმის მჟავა ტუტოვანი წონასწორობა (pH) და აღინიშნება მჟავიანობის მომატება ან კლება. „ბორჯომის“ რეგულარული მიღება აბალანსებს და ანეიტრალებს pH-ის დონეს და ასევე, ქმნის ოპტიმალურ პირობებს ორგანიზმში ნივთიერებათა ცვლისათვის. ასევე აუმჯობესებს ნაწლავთა მუშაობას და ორგანიზმიდან გამოჰყავს შლაკები. „ბორჯომი“ ასევე გამორჩეულია მინერალთა დაბალანსებული შემცველობით, ტრადიციულად, ბევრი ადამიანი მას სვამს, როგორც სუფრის წყალს. მაგალითად, კალციუმი „ბორჯომში“ 100 მგ-ზე ნაკლებია, რაც დასაშვებია ყოველდღიური მოხმარებისთვის.
რადგან ტოქსინებისგან გაწმენდა, კუჭნაწლავის ბიომრავალფეროვნების უზრუნველყოფა, კუჭნაწლავის სწორი და გამართული მუშაობა ერთ ერთი მნიშვენლოვანი ნაწილია იმუნურ სისტემაში, რასაკვირველია, ეს ყველაფერი მატებს ორგანიზმს იმუნიტეტს.
- დღეს შექმნილი მდგომარეობის ფონზე თქვენი მთავარი რეკომენდაცია...
- დაიბანეთ ხელები, თავი აარიდეთ ხალხმრავალ ადგილებს, გავუფრთხილდეთ საკუთარ თავს, იზრუნეთ ახლობლებზე, გამოიჩინეთ მაღალი სოციალური პასუხისმგებლობა, დალიეთ „ბორჯომი“ და გააძლიერეთ თქვენი იმუნური სისტემა! ახლა ეს მთავარი ამოცანაა!
R
ბატონო ბიძინა რომელ სულიერ დასვენებაზე ლაპარაკობთ, რომელ ჯანსაღ კვებაზე, ვზივართ ჩაკეტილები გულგახეთქილები და მშივრები, უიმედოდ, სამუშაოდაკარგულები, კორანა გვესმის 4 თვეა და შიმშილით სული გაგვძვრება მალე. კორონას კი გადავურჩებით, მოვერევით, მაგრამ სიღატაკეს ვერა.