გორის სამხედრო ჰოსპიტალში მედდას COVID-19 დაუდასტურდა

გორის სამხედრო ჰოსპიტალის უმცროს მედდას გეგმიური PCR ტესტირებისას დაუდასტურდა COVID-19 - აღნიშნულის შესახებ ინფორმაციას გორის სამხედრო ჰოსპიტალი ავრცელებს.

მათივე ინფორმაციით, მასთან შემხებლობაში მყოფ პერსონალს ტესტირება უკვე ჩაუტარდა და ყველა პასუხი უაროფითია.

"ექთანს ჰოსპიტალის ექიმებთან შესაბამისი აღჭურვილობის გარეშე კონტაქტი არ ჰქონია, თუმცა ამის მიუხედავად მასთან შემხებლობაში მყოფ პერსონალს ჩაუტარდა ტესტირება და ყველა მათგანის პასუხი უარყოფითია. აქვე მოგახსენებთ, რომ ჰოსპიტალის გარეთ მოძიებულია ყველა კონტაქტი და მიმდინარეობს ეპიდემიოლოგიური მოკვლევა,“- აღნიშნულია ჰოსპიტლის მიერ გავრცელებულ ინფორმაციაში.